1 Timoteo 4:12 - BAIBLO ALOO NGMAMI KLƆUKLƆU Ɔ

¹² Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.

Somi He Ɔ

¹² Ko ha nɔ ko nɛ gbe o he guɛ ngɛ niheyo nɛ o ji ɔ he, se mohu o kɛ o he nɛ pee nɔ hyemi nɔ ngɔ ha ninɛmɛ nɛ heɔ yeɔ ɔ, ngɛ munyu tutui mi, ngɛ jemi bami mi, ngɛ suɔmi mi, ngɛ mumi, mi ngɛ hemi kɛ yemi mi, ngɛ he tsɔmi mi.

1 Timoteo 4:12 ပူးပေါင်းရင်းမြစ်များ

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

2 Timoteo 2:15

Bɔɔ mɔde wawɛɛ kaa ní tsulɔ kpakpa, konɛ Mawu nɛ ná o he bua jɔmi. E ko pee mo zo kulaa kaa o maa tsɔɔ anɔkuale munyu ɔ saminya.

1 Petro 5:3

Nihi nɛ Mawu ngɔ ha nyɛ ke nyɛɛ hyɛ a nɔ ɔ, nyɛ ko ye a nɔ; se mohu nyɛɛ ngɔ nyɛ he ngɔ pee nɔ hyɛmi nɔ́ ha Mawu asafo ɔ.

1 Korintobi 11:1

Nyɛɛ ngɔ mi ngɔ pee nɔ hyɛmi nɔ́ kaa bɔ nɛ imi hu i ngɔ Kristo ngɔ pee ye nɔ hyɛmi nɔ́ ɔ.

1 Tesalonikabi 1:6

Nyɛ kase waa kɛ Nyɔmtsɛ ɔ tsuo, ejakaa benɛ a ngɛ nyɛ yi mi wae ɔ, Mawu Klɔuklɔu ɔ wo nyɛ he wami, nɛ nyɛɛ kɛ bua jɔmi he sɛ gbi ɔ.

Tito 2:15

Tsɔɔ o we bi ɔmɛ ní nɛ ɔmɛ, nɛ o ngɔ he blɔ nɛ o ngɛ ɔ tsuo kɛ wo mɛ he wami, nɛ o kɛ ka a hɛ mi hulɔ. Ko ha nɛ nɔ ko nɛ gbe o he guɛ.

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

2 Timoteo 2:7

Susuu nɔ́ nɛ i ngɛ mo dee nɛ ɔ he, nɛ Nyɔmtsɛ ɔ nitsɛ ma ha nɛ o nu nɔ́ tsuaa nɔ́ sisi.

Yakobo 3:13

Anɛ ní lelɔ ko ngɛ nyɛ kpɛti lo? Anɛ nɔ ko ngɛ nyɛ kpɛti nɛ nuɔ nɔ́ sisi lo? Jamɛ a nɔ ɔ, e ba e je mi saminya. E ngɔ he si bami kɛ tsu ní kpakpa kɛ ye e nile ɔ he odase.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

1 Timoteo 1:14

Se wa Nyɔmtsɛ ɔ dloomi babauu ɔ nya a, suɔmi, kɛ hemi kɛ yemi nɛ Mawu haa nihi tsuo nɛ ngɛ Kristo Yesu mi ɔ, imi hu i ná.

Zakaria 2:4

Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.