1 Timoteo 4:10 - BAIBLO ALOO NGMAMI KLƆUKLƆU Ɔ

¹⁰ Wa gboɔ dengme kɛ tsuɔ ní wawɛɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ. Lɛ ji nihi tsuo a yi wami helɔ, titli ɔ, ni nɛmɛ nɛ heɔ yeɔ ɔ.

Somi He Ɔ

¹⁰ Enɛ ɔ he je nɛ wa gboɔ dengme nɛ wa haa a jɛɛ wɔ ɔ nɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ, nɔ nɛ ji nimli kulaa a yi wami helɔ, titli ɔ, ninɛmɛ nɛ heɔ yeɔ ɔ.

1 Timoteo 4:10 ပူးပေါင်းရင်းမြစ်များ

La 107:2

Nyɛ nihi tsuo nɛ Yawɛ he nyɛ yi wami, nɛ e kpɔ nyɛ kɛ je nyɛ he nyɛli a dɛ mi ɔ, nyɛɛ hi enɛ ɔ dee kpamisa, nɛ nyɛ kɛ je e yi.

La 118:8

E hi kaa o sa we ngɛ Yawɛ ngɔ, pe nɔ́ nɛ o maa ngɔ o hɛ kɛ fɔ nɔmlɔ nɔ.

La 36:6

O kpakpa peemi ɔ kle kaa yo nguangua amɛ; o dami sane yemi mi kuɔ kaa wo. Yawɛ, mo lɛ o baa nimli, kɛ lohwehi tsuo a yi.

La 37:40

Yawɛ piɛɔ a he; e jeɔ mɛ kɛ jeɔ yayami peeli a dɛ mi, nɛ e heɔ a yi wami. Ejakaa a ba saa we ngɛ e ngɔ.

La 52:8

Se imi lɛɛ i ngɛ kaa oliv tso ngɛ Mawu we ɔ. I ngɔ ye hɛ kɛ fɔ Mawu mɔbɔ nami nɔ; e mɔbɔ nami ɔ be nyagbe.

La 84:12

Yawɛ Tabohiatsɛ lee, nihi nɛ ngɔɔ a hɛ kɛ fɔɔ o nɔ ɔ, a gbaa mɛ!

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Yeremia 17:7

“Se nɔ nɛ ngɔɔ e hɛ kɛ fɔɔ imi Yawɛ ye nɔ ɔ, ma gbaa lɛ.

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.

Nahum 1:7

Yawɛ mi mi hi; e ngɛ kaa mɔ nɛ he wa ha nihi nɛ ngɛ haomi mi; nɛ nihi nɛ ba saa we ngɛ e ngɔ ɔ, e baa a yi.

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 27:43

E ngɔ e hɛ ngɔ fɔ Mawu nɔ, nɛ e deɔ ke Mawu Bi ji lɛ. Saminya! Ke Mawu ngɛ e he tsui ɔ, e je lɛ kɛ je tso ɔ nɔ koo!”

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Yohane 4:42

Kɛkɛ nɛ a de yo ɔ ke, “Jehanɛ lɛɛ pi o munyu ɔ nya hu nɛ wa heɔ yeɔ kaa nɔmlɔ nɛ ɔ ji je ɔ yi wami helɔ ɔ, se mohu nɔ́ nɛ wɔ nitsɛmɛ wa nu kɛ wa tue kɛ je lɛ nitsɛ e nya a he.”

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

1 Timoteo 2:3

Sɔlemi kaa kikɛ nɛ ɔ hi, nɛ e saa Mawu, wa kpɔlɔ ɔ hɛ mi.

1 Timoteo 2:4

Ejakaa Mawu suɔ kaa nimli tsuo nɛ le anɔkuale ɔ, konɛ a he a yi wami.

1 Timoteo 2:6

Kristo ngɔ e he kɛ sã bɔ ngɛ be nɛ sa mi, konɛ nimli tsuo nɛ a ye a he kɛ je yayami mi.

1 Timoteo 3:15

Se ke ye se ya kɛ ɔ, womi nɛ ɔ maa tsɔɔ mo bɔ nɛ sa nɛ wɔ Kristo we bi waa ba wa je mi ha. Mawu weku ɔ mi bi ji wɔ, nɛ wɔ ji Mawu hɛ kalɔ ɔ we asafo. Anɔkuale ɔ nɛ kɔɔ Mawu he ɔ, asafo ɔ nɔ nɛ a fia ngɔ fɔ, nɛ asafo ɔ nɛ faa he.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Hebribi 11:26

Ngɛ Mose susumi nya a, ke a bɔ nɔ ko ahlua ngɛ Kristo ɔ he ɔ, juetli babauu nɛ ngɛ Egipt ɔ po he jua wɛ kaa lɔ ɔ, ejakaa e hɛ ngɛ hiɔwo nɛ e ma na hwɔɔ se ɔ nɔ.

Hebribi 13:13

Lɔ ɔ he ɔ, nyɛ ha nɛ waa ya e ngɔ ngɛ ma sito he ɔ se, nɛ a bɔ wɔ ahlua ngɛ lejɛ ɔ kaa bɔ nɛ a pee lɛ ɔ.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

1 Yohane 4:14

Wa na enɛ ɔ, nɛ wa ngɛ odase yee kaa Tsɛ ɔ tsɔ e Bi ɔ kɛ ba kaa je ɔ yi wami helɔ.