1 Timoteo 3:8 - BAIBLO ALOO NGMAMI KLƆUKLƆU Ɔ

⁸ Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

Somi He Ɔ

⁸ Asafo mi sɔmɔli ɔmɛ hu, e sa kaa a pee nimli nɛ a hɛ mi jiɔ, pi nya enyɔenyɔtsɛmɛ, pi da deli, pi hɛ tsuli,

1 Timoteo 3:8 ပူးပေါင်းရင်းမြစ်များ

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

La 5:9

Ejakaa ye he nyɛli ɔmɛ tu we anɔkuale; yayami hyi a tsui mi tɔ. A tuɔ munyu dɔkɔdɔkɔ, se lɛ tsuo kɛ gbenɔ ba a.

La 50:19

“O he sɔɔ kɛ tuɔ munyu yaya be tsuaa be; nɛ lakpa jeɔ o nya puu.

La 52:2

Nihi a hɛ mi kpatami he sɔuu o ngɛ soe be tsuaa be. O lilɛ ngɛ kaa asoyi nɛ nya ba, mo lakpatsɛ, nɔ sisilɔ.

Ezekiel 44:21

Ke osɔfo ko maa ya he klɔuklɔu ɔ, e ko nu dã.

Mose III, 10:9

“O kɛ o binyumu ɔmɛ nyɛ ti nɔ ko nɔ ko kó nu wai, loo dã nɛ nya wa kɛ ya kpe he bo tsu ɔ mi. Ke nyɛ pee ja a, nyɛ ma gbo. Enɛ ɔ maa pee mlaa nɛ fɔɔ si ha nyɛ kɛ yaa neneene.

Romabi 3:13

A tuɔ munyu dɔkɔdɔkɔ; se lɛ tsuo gbenɔ lɛ e kɛ baa. A munyu ngɛ kaa sanga duɔ.

Filipibi 1:1

Imi Paulo kɛ Timoteo, Kristo Yesu sɔmɔli ɔ, ngma womi nɛ ɔ mane Kristo Yesu ni klɔuklɔu ɔmɛ, asafo nya dali ɔmɛ, kɛ sɔmɔli ɔmɛ tsuo nɛ ngɛ Filipi ɔ.

1 Timoteo 3:12

Asafo mi sɔmɔlɔ ɔ, é hi yo kake pɛ, nɛ e nyɛ nɛ e hyɛ e we, kɛ e bimɛ a nɔ saminya.

1 Timoteo 3:2

Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

1 Timoteo 5:23

Akɛnɛ o muklii mi haoɔ mo, nɛ o pɔɔ hiɔ numi kpitikpiti he je ɔ, koo nu nyu sɔuu hu, se mohu nuu wai bɔɔ.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Tito 2:3

Yi nikɔtɔma amɛ hu o kɛ mɛ nɛ tu munyu jã nɔuu, konɛ a ba a je mi saminya kaa nihi nɛ yeɔ Mawu gbeye. A ko pee a he sieku yeli, nɛ a ko ngɔ dã numi ngɔ pee a ní tsumi. Mohu ɔ, a tsɔɔ nɔ́ kpakpa,

Yakobo 3:10

Adesa lilɛ kake ɔ, e kɛ gbaa, nɛ e kɛ gbiɛɔ nɔ hulɔ. Ye nyɛmimɛ, e sɛ́ kaa e baa jã.

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.