1 Timoteo 3:5 - BAIBLO ALOO NGMAMI KLƆUKLƆU Ɔ

⁵ Ejakaa ke nɔ ko nyɛ we nɛ e hyɛ lɛ nitsɛ e we nɔ ɔ, kɛ e maa pee kɛɛ nɛ e ma nyɛ hyɛ Mawu asafo ɔ nɔ.

Somi He Ɔ

⁵ Se ke nɔ ko li lɛ nitsɛ e we nɔ hyɛmi ɔ, kɛ e maa pee kɛ hyɛ Mawu asafo ɔ nɔ kɛɛ?

1 Timoteo 3:5 ပူးပေါင်းရင်းမြစ်များ

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

1 Korintobi 10:32

Nyɛ ko pee nɔ́ ko nɛ sɛ kɛ si Yuda no ko, loo ma je no ko, loo Mawu we asafo ɔ.

Efesobi 1:22

Mawu ha Kristo he wami ngɛ níhi tsuo a nɔ, nɛ e ngɔ lɛ ngɔ pee tsɛ ha asafo ɔ, konɛ e ye níhi tsuo a nɔ.

Efesobi 5:24

Lɔ ɔ he ɔ, e hia kaa yigbayi nɛ a ba a he si ha a hunomɛ ngɛ nɔ́ tsuaa nɔ́ mi kaa bɔ nɛ asafo ɔ hu baa e he si ha Kristo ɔ.

Efesobi 5:32

Anɔkuale laami munyu komɛ nɛ a he hia saminya jeɔ kpo ngɛ ngmami nɛ ɔ mi; nɛ imi lɛɛ i kɛ ngɛ Kristo kɛ asafo ɔ he toe.

1 Timoteo 3:15

Se ke ye se ya kɛ ɔ, womi nɛ ɔ maa tsɔɔ mo bɔ nɛ sa nɛ wɔ Kristo we bi waa ba wa je mi ha. Mawu weku ɔ mi bi ji wɔ, nɛ wɔ ji Mawu hɛ kalɔ ɔ we asafo. Anɔkuale ɔ nɛ kɔɔ Mawu he ɔ, asafo ɔ nɔ nɛ a fia ngɔ fɔ, nɛ asafo ɔ nɛ faa he.

Samuel I, 3:13

I de lɛ momo ke ma gbla e we ɔ tue kɛ maa ya neneene, ejakaa e le kaa e bimɛ ɔmɛ ngɛ musu bɔe kɛ ngɛ Mawu sie, se e kua we nɔ́ ha mɛ.