1 Timoteo 3:4 - BAIBLO ALOO NGMAMI KLƆUKLƆU Ɔ

⁴ E pee nɔ ko nɛ le lɛ nitsɛ e we nɔ hyɛmi saminya, nɔ nɛ maa hyɛ nɛ e bimɛ maa ba a he si, nɛ a bu nɔ bɔ nɛ sa.

Somi He Ɔ

⁴ nɔ nɛ yeɔ lɛ nitsɛ e we nɔ saminya, nɛ e bimɛ buɔ lɛ tue nɛ a buu lɛ.

1 Timoteo 3:4 ပူးပေါင်းရင်းမြစ်များ

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Ni Tsumi 10:2

Mawu jalɔ ji lɛ, nɛ e kɛ e we ɔ tsuo yee Mawu gbeye. E peeɔ mami bi dɛgutsɛmɛ ɔmɛ kpakpa hulɔ, nɛ e kpaa Mawu pɛɛ daa.

Efesobi 5:24

Lɔ ɔ he ɔ, e hia kaa yigbayi nɛ a ba a he si ha a hunomɛ ngɛ nɔ́ tsuaa nɔ́ mi kaa bɔ nɛ asafo ɔ hu baa e he si ha Kristo ɔ.

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

1 Timoteo 3:12

Asafo mi sɔmɔlɔ ɔ, é hi yo kake pɛ, nɛ e nyɛ nɛ e hyɛ e we, kɛ e bimɛ a nɔ saminya.

Tito 1:6

Asafo nya dalɔ ɔ, e pee nɔ ko nɛ piami be e he, nɔ nɛ ngɛ yo kake pɛ, nɛ e bimɛ le Kristo. Bimɛ ɔmɛ nɛ a pee nihi nɛ a yeɔ a he odase kpakpa; pi yaholi, loo nihi nɛ tsɔɔ atuã.

Tito 2:2

Nyumu nikɔtɔma amɛ ɔ, o kɛ mɛ nɛ tu munyu, konɛ a pee a he nihi nɛ a hɛ mi ka si, nihi nɛ tsuɔ ní kɛ hɛdɔ, nɛ a juɛmi ka si. A hemi kɛ yemi, suɔmi nɛ a ngɛ, kɛ a tsui si tomi ɔ, á hɛɛ mi wawɛɛ.

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”