1 Timoteo 3:3 - BAIBLO ALOO NGMAMI KLƆUKLƆU Ɔ

³ E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

Somi He Ɔ

³ pi da delɔ, pi nine kpokpookpo tsɛ, se mohu nɔ nɛ he jɔ, nɔ nɛ pɛ́, nɔ nɛ hɛ kɔɛ sika nɔ;

1 Timoteo 3:3 ပူးပေါင်းရင်းမြစ်များ

Abɛ Womi 1:19

Nihi tsuo nɛ guu awi yemi mi kɛ naa ní ɔ, bɔ nɛ a nyagbe ya baa ji nɛ ɔ nɛ; awi yemi mi nɔuu a gboɔ ngɛ.

Abɛ Womi 15:27

Nɔ nɛ peeɔ jiklɔɔ konɛ e na se yaka a, haomi mohu nya e ngɛ buae ha e weku li. Nɔ nɛ he we nyɔ mi ní ɔ, e se kɛɔ ngɛ je mi.

Fiɛlɔ 7:8

Nyagbe hi pe sisije. Tsui si tomi hi pe he nɔ womi.

Yesaya 28:1

Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Ezekiel 44:21

Ke osɔfo ko maa ya he klɔuklɔu ɔ, e ko nu dã.

Mose III, 10:9

“O kɛ o binyumu ɔmɛ nyɛ ti nɔ ko nɔ ko kó nu wai, loo dã nɛ nya wa kɛ ya kpe he bo tsu ɔ mi. Ke nyɛ pee ja a, nyɛ ma gbo. Enɛ ɔ maa pee mlaa nɛ fɔɔ si ha nyɛ kɛ yaa neneene.

Mika 2:11

“Gbalɔ nɛ ma nɛ ɔ suɔ ji lakpatsɛ kɛ nɔ sisilɔ; nɔ nɛ ma de mɛ ke, ‘Ma gba nɛ wai kɛ da nɛ nya wa nɛ ba ha nyɛ.’

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Mika 3:5

Nyɛ lakpa gbali nɛ nyɛ ngɛ ye ma a sisie! Nyɛ nɛ nyɛ gbaa he jɔmi kɛ haa nihi nɛ haa nyɛ ní nɛ nyɛ yeɔ; nɛ nyɛ woɔ ni nɛmɛ nɛ ha we nyɛ nɔ́ ko ɔ a susuma he gbeye! Bɔ nɛ Yawɛ ngɛ nyɛ dee ji nɛ ɔ nɛ,

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Mateo 21:13

nɛ e de mɛ ke, “A ngma ngɛ ngmami ɔmɛ a mi ke, Mawu de ke, ‘A ma tsɛ ye we ɔ sɔlemi we.’ Se nyɛɛ lɛɛ nyɛ ngɔ kɛ pee ojo fiali a laami he!”

Ni Tsumi 20:33

Ye hɛ kɔɛ nyɛ ti nɔ ko sika hiɔ, loo sika tsu, loo tade nɔ.

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.

1 Timoteo 3:8

Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

2 Timoteo 3:2

Nihi ma hla kaa a ma fo mɛ nitsɛmɛ pɛ a nɔ mi; a maa pee a he sika suɔli, fĩali, he woli, kɛ lilɛtsɛmɛ, nihi nɛ bui a fɔli, nihi nɛ li sina, kɛ nihi nɛ Mawu jami pi a he sane ko.

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Tito 2:3

Yi nikɔtɔma amɛ hu o kɛ mɛ nɛ tu munyu jã nɔuu, konɛ a ba a je mi saminya kaa nihi nɛ yeɔ Mawu gbeye. A ko pee a he sieku yeli, nɛ a ko ngɔ dã numi ngɔ pee a ní tsumi. Mohu ɔ, a tsɔɔ nɔ́ kpakpa,

Tito 3:2

A ko tu nihi a he munyu yaya, nɛ a ko pɛ; se mohu a he nɛ jɔ, nɛ a tsɔ a hɛ mi ha nɔ tsuaa nɔ.

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”

Yakobo 4:1

Ta kɛ pɛ nɛ ngɛ nyɛ kpɛti ɔ, mɛni kɛ ní nɛ ɔmɛ baa? Anɛ pi nyɛ he lo mi akɔnɔ nɛ ngɛ ní tsue ngɛ nyɛ mi lo?

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Samuel I, 8:3

Mɛɛ a be kaa a tsɛ ɔ; mɛɛ a ya di sika se, nɛ a heɔ nyɔ mi ní, nɛ a plɛɔ sane hɛ mi ngɔ buɔ si.