1 Timoteo 3:2 - BAIBLO ALOO NGMAMI KLƆUKLƆU Ɔ

² Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

Somi He Ɔ

² Se e sa kaa nɔ hyɛlɔ ɔ nɛ hi si bɔ nɛ a be e he sane ko nae, nɔ nɛ ngɛ yo kake, hɛ si kalɔ, nɔ nɛ juɛmi mi tsɔ, nɔ nɛ baa e je mi saminya, nibwɔ peelɔ, nɔ nɛ le ni tsɔɔmi;

1 Timoteo 3:2 ပူးပေါင်းရင်းမြစ်များ

2 Timoteo 2:24

Nyɔmtsɛ ɔ sɔmɔlɔ ɔ, e sɛ́ kaa e pɛɔ, mohu ɔ, e mi nɛ jɔ ha nɔ tsuaa nɔ; e pee ní tsɔɔlɔ kpakpa nɛ toɔ e tsui si.

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

1 Timoteo 5:9

A ko ngma yalɔyo ko biɛ, lɛɛ ja nɔ nɛ ye jeha nyingmi ekpa, nɛ e gba si kake pɛ.

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Hebribi 13:2

Nyɛ ko jɔɔ nibwɔ peemi hulɔ, ejakaa nibwɔ peemi nɔ nɛ ni komɛ gu kɛ he hiɔwe bɔfohi atuu nɛ a li tete.

Tito 2:2

Nyumu nikɔtɔma amɛ ɔ, o kɛ mɛ nɛ tu munyu, konɛ a pee a he nihi nɛ a hɛ mi ka si, nihi nɛ tsuɔ ní kɛ hɛdɔ, nɛ a juɛmi ka si. A hemi kɛ yemi, suɔmi nɛ a ngɛ, kɛ a tsui si tomi ɔ, á hɛɛ mi wawɛɛ.

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Yesaya 56:10

E ke, “Ma hɛ mi nyɛɛli ɔmɛ nɛ sa kaa a kaa ye ma a hɛ mi ɔ, hɛ yuyuili ji mɛ tsuo; a li nɔ́ ko nɔ́ ko! A ngɛ kaa we he bumi gbehi nɛ kpa we ngmlaa; daa nɛ ɔ, mahe mi kɛkɛ a hii nɛ a hii nlae. Lɔ ɔ ji nɔ́ nɛ a suɔ!

Luka 2:36

Gbalɔ yo yomoyo kotokoto ko hi si nɛ a tsɛɛ lɛ Ana. E tsɛ biɛ ji Fanuel, nɛ e je Asher wɛtso ɔ mi. E kɛ e huno hi si jeha kpaago pɛ ngɛ e yihe mi,

1 Timoteo 3:8

Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

1 Timoteo 3:12

Asafo mi sɔmɔlɔ ɔ, é hi yo kake pɛ, nɛ e nyɛ nɛ e hyɛ e we, kɛ e bimɛ a nɔ saminya.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

1 Timoteo 5:22

Koo ye esɔ kaa o maa ngɔ o nine kɛ pue nɔ ko nɔ kɛ wo lɛ asafo nɔkɔtɔma nɛ e tsu ní ha Nyɔmtsɛ ɔ. Ke nɔ ko ngɛ yayami pee ɔ, ko ya piɛ e he. Pee o he klɔuklɔu.