1 Timoteo 2:9 - BAIBLO ALOO NGMAMI KLƆUKLƆU Ɔ

⁹ Jã kɛ̃ i suɔ kaa yihi hu nɛ a ngɔ juɛmi kɛ to a he dlami he. A dla a he bɔ nɛ sa kɛkɛ kaa humi. A gbɔ a yi ngɛ hɛngmɛ nɔ. A ko ngɔ sika tsu, loo adiagba kɛ hɔɔ a yi mi; nɛ a ko wo tade nɛ he jua wa tsɔ hulɔ.

Somi He Ɔ

⁹ Ja nɔuu yihi hu, a kɛ tade nɛ sa kɛ humipeemi kɛ juɛmi nɛ mi tsɔ nɛ dla a he, pi kɛ yi hɔɔmi slɔɔto ko loo sika loo adiagba loo tade nɛ he jua wa

1 Timoteo 2:9 ပူးပေါင်းရင်းမြစ်များ

Mose I, 24:53

Lɔ ɔ se ɔ, e je sika hiɔ, sika tsu, june níhi, kɛ tadehi kpo, nɛ e kɛ ha Rebeka. Jehanɛ, e ha Rebeka nyɛminyumu ɔ, kɛ e nyɛ hu nike níhi nɛ a he jua wa.

Matsɛmɛ II, 9:30

Benɛ Yezebel nu kaa Yehu ba Yezreel ɔ, e kɛ tsopa kpa e hɛngmɛ se, nɛ e hɔɔ e yi saminyayoo, nɛ e ya bu si ngɛ saflɛ nya ngɛ nɔ́ hyɛe.

Ester 5:1

Ester nitsɛ ha hwɔ. Ligbi etɛne ɔ, Ester wo e manyɛ tade ɔ, nɛ e be kɛ ho matsɛ we ɔ ya. E ya da si ngɛ kue nɛ ngɛ matsɛ we ɔ kpɛti ɔ mi. Kue nɛ ɔ ngɛ tsu nɛ matsɛ sɛ ɔ ngɛ mi ɔ hanɔ. Jamɛ a be ɔ, matsɛ ɔ hii si ngɛ e sɛ ɔ nɔ, nɛ e hɛ mi kpee sinya a nya blɔ.

La 149:4

Ejakaa Yawɛ naa e ma a he bua jɔmi. E haa nihi nɛ baa a he si yeɔ kunimi.

Abɛ Womi 31:22

Lɛ nitsɛ e loɔ e sa nɔ bo; nɛ e buɔ kploba nɛ ngɛ fɛu, kɛ bo nɛ hɛɛ alamua tu su.

Abɛ Womi 31:25

Ke o na e he wami, kɛ e he fɛu ɔ, lɛɛ ja bo kpakpa nɛ nɔ kɛ dla e he. E yi nɔ́ nɛ maa ba hwɔɔ se gbeye.

Abɛ Womi 7:10

Tlukaa a, yo ko kɛ lɛ ba kpe. Yo ɔ dla e he kaa yaholɔ nɛ ngɛ nyumu hlae.

Yesaya 3:16

Yawɛ ke, “Hyɛ bɔ nɛ Yerusalem yi ɔmɛ ngɛ a he tsɔɔe ha! Ke a ngɛ nyɛɛe ɔ, a woɔ a hɛ mi nɔ kɛ hii kɔɔhiɔ mi fue. Basabasa peemi pɛ a suɔ be tsuaa be. A hiaa a nane bitibiti kɛ kɔsɔɔ, nɛ a nane si ga amɛ hii pɛe ngmleingmlei.

Yesaya 61:4

Ma dokuhi tsuo nɛ pueɔ si kɛ je blema lokoo ɔ, a maa fia mɛ kɛ ma si ekohu.

Yeremia 2:32

Anɛ yiheyo hɛ maa je e june nɔ lo? Anɛ ayɛflo hɛ maa je e tade nɔ lo? Se ye ma a lɛɛ a hɛ je ye nɔ ligbi babauu nɛ e be hie kanemi.

Yeremia 4:30

Yerusalem, o hɛ mi kpata pɛ! Mɛni he je lɛ o bu bo tsu ɔ? Mɛni he je lɛ o kɛ june dla o he, nɛ o kpa o hɛngmɛ se tsopa a? O ngɛ o he dlae yaka gu! O suɔli ɔmɛ kua mo, nɛ a ngɛ mo hlae nɛ a gbe.

Mateo 11:8

Mɛni nyɛ ho hyɛmi ya? Nɔmlɔ nɛ wo tade bɔdɔɔ lo? Hyɛ, ni nɛmɛ nɛ woɔ tade bɔdɔɔ ɔ, matsɛmɛ a we mi nɛ a hii.

1 Timoteo 2:10

Se mohu a tsu ní tsumi kpakpa nɛ sa yihi nɛ ngɔ a he kɛ ha Mawu kulaa a.