1 Timoteo 1:5 - BAIBLO ALOO NGMAMI KLƆUKLƆU Ɔ

⁵ Nɔ́ nɛ i ngɛ mo fae ke o pee nɛ ɔ ma ha nɛ waa suɔ wa sibi kɛ tsui nɛ mi tsɔ; wa he nile be wɔ fɔ bue, nɛ wa ma he Kristo maa ye anɔkuale mi.

Somi He Ɔ

⁵ Kita a nya gbemi ji suɔmi nɛ je tsui nɛ mi tsɔ kɛ he nile kpakpa kɛ hemi kɛ yemi nɛ lakpa ko be mi ɔ mi,

1 Timoteo 1:5 ပူးပေါင်းရင်းမြစ်များ

La 24:4

Nɔ nɛ pee we yayami, nɛ e tsui mi tsɔ. Nɔ nɛ ja we yakayaka níhi, nɛ e ka we kita kɛ sisi nɔ.

La 51:10

Mawu, bɔɔ tsui nɛ he tsɔ ha mi; ngɔɔ mumi nɛ yeɔ mo anɔkuale kɛ wo ye mi.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Zefania 3:7

I de ke, ‘Jehanɛ lɛɛ ye ma mi bi ɔmɛ maa bu mi tue; jehanɛ lɛɛ ke i bɔ mɛ kɔkɔ ɔ, a maa ye gbeye, nɛ e be hiae kaa ma gbla a tue ekohu.’ Se a ya nɔ pee yayami pe kekle ɔ mohu.”

Mateo 12:35

Nɔmlɔ kpakpa jeɔ ní kpakpahi kɛ jeɔ e juetli kpakpahi a mi; nɔmlɔ yayami hu jeɔ ní yayahi kɛ jeɔ e juetli yayahi a mi.

Mateo 5:8

“A gbaa ni nɛmɛ nɛ a tsui mi tsɔ, ejakaa a maa na Mawu.

Ni Tsumi 15:9

E tsɔɔ we slɔɔto ko ngɛ waa kɛ mɛ wa kpɛti; akɛnɛ a he ye ɔ, e ngɔ a he yayami ɔmɛ ngɔ pa mɛ.

Ni Tsumi 23:1

Paulo hyɛ kpe ngua a mi bi ɔmɛ tsuo a hɛ mi kɛ kpe, nɛ e de ke, “Ye nyɛmimɛ Israel bi, kɛ ba su mwɔnɛ ligbi nɛ ɔ, i ba ye je mi saminya, nɛ ye he nile bui mi fɔ ngɛ Mawu hɛ mi.”

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

Romabi 10:4

Ejakaa Kristo po mlaa a mi, nɛ nɔ tsuaa nɔ nɛ heɔ yeɔ ɔ, Mawu wo lɛ nguɔ.

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

Romabi 14:15

Ke o ye niye ní ko, nɛ lɔ ɔ kɛ haomi ba o nyɛmi nɔ ɔ, lɛɛ o sume o nyɛmi ɔ. Ko ha ní nɛ o maa ye ɔ nɛ kpata o nyɛmi nɛ Kristo gbo ngɛ e he ɔ hɛ mi.

Romabi 9:1

Anɔkuale i ngɛ tue ngɛ Kristo mi, nɛ ye he nile maa nɔ mi ngɛ Mumi Klɔuklɔu ɔ mi kaa nɔ́ nɛ i ngɛ dee ɔ, i yi lakpa.

1 Korintobi 13:1

Ke i nyɛɔ nɛ i tuɔ adesahi a gbihi, loo hiɔwe bɔfohi po a gbihi, se i be suɔmi ɔ, lɛɛ i ngɛ kaa gɔ̃gɔ̃, loo ngmlɛ nɛ ngɛ pɛe gegeege kɛkɛ.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

1 Timoteo 1:19

O hemi kɛ yemi mi nɛ wa, nɛ o he nile nɛ hi hɛ ngmengmle. Ni komɛ ya bui a he nile tue, nɛ a hemi kɛ yemi ɔ ta.

1 Timoteo 3:9

Anɔkuale nɛ kɔɔ hemi kɛ yemi nɛ Mawu je tsɔɔ ɔ he ɔ, á hɛɛ mi bɔ nɛ a he nile be mɛ fɔ bue.

2 Timoteo 1:3

Mawu ɔ nɛ i ngɛ sɔmɔe kɛ ye tsui tsuo kaa bɔ nɛ ye nɛmɛ ɔmɛ pee ɔ, i naa lɛ si. Daa nyɔ kɛ pia ke i ngɛ sɔlee ɔ, i kaiɔ mo.

2 Timoteo 1:5

I kaiɔ o hemi kɛ yemi nɛ o hɛɛ mi anɔkuale mi kaa bɔ nɛ o nã Loise, kɛ o nyɛ Eunike hu hɛɛ mi ɔ. I heɔ yeɔ kaa o hɛɛ hemi kɛ yemi nɛ ɔ mi kɛ mwɔɔ.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Hebribi 13:18

Nyɛɛ sɔle ha wɔ daa. Wa le kaa wa he nile bui wɔ fɔ; ejakaa be tsuaa be ɔ, wa suɔ kaa nɔ́ tsuaa nɔ́ nɛ wa maa pee ɔ, bu nɛ hi he.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.

1 Petro 4:8

Nɔ́ nɛ he hia pe kulaa ji kaa nyɛɛ suɔ nyɛ he saminya; ejakaa suɔmi haa yayami babauu nɔ.

2 Petro 1:7

nyɛɛ ngɔ nyɛmi peemi ngɔ piɛ Mawu gbeye yemi ɔ he, nɛ nyɛɛ ngɔ suɔmi ngɔ piɛ nyɛmi peemi ɔ he.

1 Yohane 3:10

Slɔɔto titli nɛ ngɛ Mawu bimɛ, kɛ Abosiami bimɛ a kpɛti ji nɛ ɔ nɛ. Nɔ tsuaa nɔ nɛ pee we nɔ́ nɛ da, aloo nɔ nɛ sume e nyɛmi ɔ, pi Mawu bi ji lɛ.

1 Yohane 3:23

Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.

1 Yohane 3:3

Nɔ tsuaa nɔ nɛ ngɛ hɛ kɛ nɔ fɔmi kaa kikɛ nɛ ɔ ngɛ Kristo mi ɔ, peeɔ e he klɔuklɔu kaa bɔ nɛ Kristo hu ngɛ klɔuklɔu ɔ.