1 Timoteo 1:4 - BAIBLO ALOO NGMAMI KLƆUKLƆU Ɔ

⁴ De jamɛ a lakpa tsɔɔli ɔmɛ ke, sanehi nɛ be mi, kɛ weku kpa tslalaa se dimi ɔ, a jɔɔ be puɛmi ngɛ he. Ní nɛ ɔmɛ ɔ, nya sami nɛ se nami be he nɛ a kɛ baa; blɔ nya nɛ Mawu to kɛ ha wɔ ɔ lɛɛ ní nɛ ɔmɛ kɔ we he kulaa; hemi kɛ yemi kɛkɛ a kɛ leɔ.

Somi He Ɔ

⁴ nɛ jehanɛ hu a ko di nyaziahi kɛ weku sisi tsɔɔmi tslalaa se, ejakaa enɛ ɔmɛ kɛ nɔ jemi baa mohu pe Mawu blɔ nya tomi nɛ ngɛ hemi kɛ yemi mi ɔ, jamɛ a pɛɛ ɔ i ngɛ mo kpae ekohu.

1 Timoteo 1:4 ပူးပေါင်းရင်းမြစ်များ

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Efesobi 3:2

I heɔ yeɔ kaa ní tsumi nɛ Mawu dloomi ɔ tu ngɔ wo ye dɛ ngɛ nyɛ ma je li ɔmɛ nyɛ he ɔ, nyɛ maa nu he.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

1 Timoteo 4:7

Se yimowi a yakayaka nyaziahi nɛ se nami be he ɔ, koo di se. Bɔɔ Mawu jami he mɔde mohu.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

1 Timoteo 6:20

Timoteo, níhi nɛ a tu ngɔ wo o dɛ mi ɔ, baa yi saminya. Yakayaka ní sɛɛmi nɛ tsɔɔ we Mawu gbeye yemi, kɛ nya sami tslalaa nɛ juɛmi be mi ɔ, yu o he ngɛ he. Kikɛmɛ a ní nɛ ɔmɛ lɛ ni komɛ buu ke nile.

2 Timoteo 2:14

Kaii mɛ kikɛmɛ a ní nɛ ɔmɛ. Bɔɔ mɛ kɔkɔ ngɛ Nyɔmtsɛ ɔ hɛ mi ke a ko pɛ ngɛ munyuhi a he, ejakaa nɔ́ kpakpa ko ji mi kɛ bɛ, se mohu jamɛ a munyu ɔmɛ gbeɔ e nuli ɔmɛ a hemi kɛ yemi.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

2 Timoteo 2:23

Kuasiahi a nɔ́ jemi nɛ a kase we nɔ́ kpakpa ko kɛ ji mi ɔ, tuu nya fo, ejakaa o le kaa nɔ́ jemi ɔ, kunɔ e kɛ baa.

2 Timoteo 4:4

A be suɔe kulaa kaa a maa nu anɔkuale ɔ; a ma hla kaa a maa bu nyazia mohu tue.

Tito 1:1

Imi Paulo, Mawu tsɔlɔ, kɛ Yesu Kristo bɔfo ɔ lɛ i ngma womi nɛ ɔ. Mawu hla mi, nɛ e tsɔ mi, konɛ ma ya wo nihi nɛ Mawu hla mɛ ɔ a hemi kɛ yemi mi he wami, nɛ ma tsɔɔ mɛ anɔkuale ɔ nɛ ngɛ Mawu jami mi.

Tito 1:14

Kɛkɛ ɔ, a ya be Yuda bi a nyaziahi tue bue, nɛ mlaahi nɛ nihi nɛ kua anɔkuale ɔ wo mɛ ɔ hu a be nɔ yee.

Tito 3:9

Se nya sami yaka gu, weku kpa se jami, pɛ, kɛ mlaa a he nɔ́ jemi ɔ lɛɛ je o he kɛ je mi. Ní nɛ ɔmɛ a he be se nami, nɛ a he hia we hulɔ.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.