1 Timoteo 1:3 - BAIBLO ALOO NGMAMI KLƆUKLƆU Ɔ

³ O ma kai kaa benɛ i je Efeso kɛ yaa Makedonia a, i wo mo ga kaa o hi si ngɛ Efeso. Ni komɛ ngɛ lejɛ ɔ nɛ a ngɛ lakpa tsɔɔmi tsɔɔe. Lɔ ɔ he ɔ, ma suɔ nɛ o hi Efeso, nɛ o bɔ mɛ kɔkɔ nɛ a kpa.

Somi He Ɔ

³ Kaa bɔ nɛ benɛ i yaa Makedonia nɛ i kpa mo pɛɛ ke o hi si ngɛ Efeso konɛ o bɔ ni komɛ kɔkɔ ke a ko tsɔɔ tsɔɔmi kpahi,

1 Timoteo 1:3 ပူးပေါင်းရင်းမြစ်များ

1 Timoteo 6:3

Ni komɛ ngɛ tsɔɔmi kpa komɛ tsɔɔe nɛ pi wa Nyɔmtsɛ Yesu Kristo sane kpakpa a nitsɛ, loo Mawu jami tsɔɔmi tutuutu.

2 Yohane 1:7

Sisili fuu ngɛ je ɔ mi he tsuaa he. Mɛ ji nihi nɛ kplɛɛ we kaa Yesu Kristo ba je ɔ mi kaa nɔmlɔ adesa. Nimli kaa kikɛ nɛ ɔ ji sisili, kɛ Kristo he nyɛli ɔ nɛ.

1 Timoteo 4:11

Tsɔɔ nyɛmimɛ ɔmɛ blɔ nya tomi nɛ ɔmɛ, nɛ o wo mɛ a he kita.

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

1 Timoteo 6:10

Ejakaa sika suɔmi ji yayamihi tsuo a sipoku. Ni komɛ kɛ hɛdɔ ya di sika se, nɛ a ngmɛɛ a hemi kɛ yemi ɔ he. Nɔ́ nɛ je mi kɛ ba kɛkɛ ji tsui yemi babauu.

1 Timoteo 5:7

Tsɔɔ yalɔyi ɔmɛ ní nɛ ɔmɛ, konɛ nɔ ko nɔ ko kó tu a he munyu yaya.

Filipibi 2:24

Imi nitsɛ hu, ye hɛ ngɛ Nyɔmtsɛ ɔ nɔ kaa e be kɛe kulaa nɛ ma ba su nyɛ ngɔ.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Ni Tsumi 18:19

Benɛ a ba su Efeso ɔ, Paulo si Priskila kɛ Akuila ngɛ lejɛ ɔ; se loko e je ɔ, lɛ nitsɛ lɛɛ e ya kpe he ɔ, nɛ e kɛ Yuda bi ɔmɛ ya hla ní a nya.

Ni Tsumi 18:21

Benɛ a ngɛ sɛ yee ɔ, e de mɛ ke, “Ke Mawu suɔ ɔ, ma kpale kɛ ba nyɛ ngɔ ekohu.” Kɛkɛ nɛ e wó lɛ, nɛ e je Efeso.

Romabi 15:26

Ejakaa nyɛmimɛ ɔmɛ nɛ ngɛ Makedonia, kɛ Akaya a kɛ bua jɔmi bua nɔ́ ko nya nɛ a kɛ ya ye bua ohiatsɛmɛ nɛ ngɛ ni klɔuklɔu ɔmɛ a kpɛti ngɛ Yerusalem ɔ.

Romabi 16:17

Ye nyɛmimɛ, i kpa nyɛ pɛɛ, nihi nɛ teɔ si kɛ siɔ níhi nɛ wa tsɔɔ nyɛ, nɛ a ngɛ nyɛ tue puɛe, nɛ a kɛ mi gbami ngɛ asafo ɔ mi bae ɔ, nyɛ hɛ nɛ hi nyɛ he ngɛ a he, nɛ nyɛɛ kɛ mɛ ko bɔ.

2 Korintobi 11:4

Nɔ tsuaa nɔ nɛ maa ba nyɛ ngɔ kɛkɛ nyɛ he lɛ a tuu. Ke a ba fiɛ Yesu kpa ha nyɛ hu kɛkɛ nyɛ he ye; pohu e kɛ nɔ́ nɛ wa fiɛ ha nyɛ ɔ kɔ we. Mumi ɔ nɛ a wo he si ɔ, nyɛ he ye, pohu pi Mumi Klɔuklɔu ɔ nɛ nyɛ na kɛ je wa dɛ ɔ. Sane kpakpa a nɛ a kɛ ba a hu nyɛ he ye, pohu slo a nɔ́ ɔ ngɛ nɔ́ nɛ wa ba fiɛ ha nyɛ ɔ he.

2 Timoteo 1:18

Nyɔmtsɛ ɔ nɛ na lɛ mɔbɔ jamɛ a ligbi ɔ. I heɔ yeɔ kaa bɔ nɛ e sɔmɔ mi saminya ngɛ Efeso ɔ, o hɛ ji nɔ.