1 Timoteo 1:14 - BAIBLO ALOO NGMAMI KLƆUKLƆU Ɔ

¹⁴ Se wa Nyɔmtsɛ ɔ dloomi babauu ɔ nya a, suɔmi, kɛ hemi kɛ yemi nɛ Mawu haa nihi tsuo nɛ ngɛ Kristo Yesu mi ɔ, imi hu i ná.

Somi He Ɔ

¹⁴ Se wa Nyɔmtsɛ ɔ plɛ e dloomi nɛ hiɛ babauu kɛ be nɔ ɔ pue ye nɔ, nɛ e ha i hyi kɛ hemi kɛ yemi kɛ suɔmi nɛ ngɛ Kristo Yesu mi ɔ.

1 Timoteo 1:14 ပူးပေါင်းရင်းမြစ်များ

2 Timoteo 1:13

Anɔkuale ɔ nɛ i tsɔɔ mo ɔ, pɛtɛ he kaa nɔhyɛ nɔ́, nɛ hemi kɛ yemi, kɛ suɔmi nɛ wa na kɛ gu Kristo Yesu mi ɔ, koo ngmɛɛ he.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

1 Yohane 4:10

Bɔ nɛ suɔmi ngɛ ji nɛ ɔ nɛ: pi wɔ nɛ wa sɛ hlami kɛ suɔ Mawu; Mawu mohu lɛ suɔ wɔ. Enɛ ɔ he ɔ, e tsɔ e Bi ɔ kɛ ba, konɛ e ba dla waa kɛ Mawu wa kpɛti, nɛ a ngɔ wa he yayami ɔmɛ ngɔ pa wɔ.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Mose II, 34:6

Lɔ ɔ se ɔ, Yawɛ ba be ngɛ Mose hɛ mi, nɛ e de kɛ gbi wawɛɛ ke, “Imi Yawɛ ɔ, Mawu mɔbɔ nalɔ, kɛ dloolɔ ji mi; ye mi mi fu we mla, nɛ ye suɔmi kɛ anɔkuale yemi hiɛ babauu.

Kpojemi 22:21

Wa Nyɔmtsɛ Yesu dloomi ɔ kɛ ni klɔuklɔu ɔmɛ tsuo nɛ hi si. Amen.

1 Tesalonikabi 5:8

Se wɔɔ lɛɛ piani bimɛ ji wɔ, nɛ e hia kaa wa hɛ mi nɛ ka si. Wa hemi kɛ yemi, kɛ suɔmi ɔ mi nɛ wa kaa dama, nɛ hɛ kɛ nɔ fɔmi kaa a ma he wa yi wami ɔ, lɔ ɔ hu mi nɛ wa kaa dade pɛɛ.

Ni Tsumi 15:11

Dɛbi! Wɔɔ lɛɛ wa heɔ yeɔ kaa Nyɔmtsɛ Yesu Kristo dloomi ɔ mohu nɔ a maa gu kɛ he waa kɛ mɛ tsuo wa yi wami.”

1 Korintobi 3:10

I ngɔ Mawu dloomi nɛ e ha mi ɔ, nɛ i kɛ to tsu ɔ sisi kaa tsu fialɔ kpanaa nɛ le ga tsuɔ ní; nɛ nɔ kpa ba ngɛ nɔ fiae. Se e hia kaa nɔ tsuaa nɔ nɛ hyɛ kaa e ngɛ tsu ɔ fiae saminya ngɛ sisi tomi ɔ nɔ lo.

2 Korintobi 4:15

Nyɛ he nɛ a ngɛ enɛ ɔ tsuo pee ngɛ. Nɛ ke Mawu dloomi nya a, a ba he nihi fuu a yi wami ɔ, jã kɛ̃ sina sɔlemi ɔ maa hiɛ kɛ wo Mawu hɛ mi nyami.

Galatabi 1:13

Nyɛ nu bɔ nɛ i ba ye je mi sa a ngɛ Yuda bi a jami ɔ nya. Nyɛ nu bɔ nɛ i wa Mawu asafo ɔ yi mi wawɛɛ, nɛ i bɔ mɔde kaa ma kpata asafo ɔ hɛ mi pɛsɛpɛsɛ.

1 Timoteo 2:15

Se ke yo ɔ kɛ hɛdɔ he Mawu ye, nɛ e suɔ nyɛmimɛ ɔmɛ, nɛ e pee e he klɔuklɔu kɛ humi ɔ, Mawu ma he e yi wami kɛ gu bimɛ nɛ e ma fɔ ɔ a nɔ.

1 Timoteo 4:12

Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

Tito 2:2

Nyumu nikɔtɔma amɛ ɔ, o kɛ mɛ nɛ tu munyu, konɛ a pee a he nihi nɛ a hɛ mi ka si, nihi nɛ tsuɔ ní kɛ hɛdɔ, nɛ a juɛmi ka si. A hemi kɛ yemi, suɔmi nɛ a ngɛ, kɛ a tsui si tomi ɔ, á hɛɛ mi wawɛɛ.

Mateo 20:9

Kɛkɛ nɛ nihi nɛ a bɔ mɛ apaa gbɔkuɛ ngmlɛ enuɔ ɔ ba, nɛ a ti nɔ tsuaa nɔ na sika hiɔ yi kake.