1 Timoteo 1:13 - BAIBLO ALOO NGMAMI KLƆUKLƆU Ɔ

¹³ E ngɛ mi kaa sa a, i tu musu bɔmi munyuhi kɛ si Mawu; i wa lɛ yi mi, nɛ i pee níhi basabasa. Se Mawu na mi mɔbɔ, ejakaa jamɛ a be ɔ, i he we yi lolo; nɛ nɔ́ nɛ i ngɛ pee ɔ hu i li.

Somi He Ɔ

¹³ imi nɛ kekle ɔ i ji musu bɔlɔ kɛ yi mi walɔ kɛ nɔ builɔ; se kɛ ɔ, a na mi mɔbɔ, ejakaa i li nɛ i pee, ngɛ hemi nɛ i he we yi ɔ he.

1 Timoteo 1:13 ပူးပေါင်းရင်းမြစ်များ

Hosea 2:23

Ma to ye ma a sisi, nɛ a ma plɔke ngɛ zugba a nɔ. Nihi nɛ a tsɛɔ mɛ ke, “Asumemo” ɔ, ma je suɔmi kpo ha mɛ; nɛ ni nɛmɛ nɛ a tsɛɔ mɛ ke “Piyema” a, ma de mɛ ke, “Ye ma ji nyɛ.” Kɛkɛ ɔ, mɛ hu a ma he nɔ ke, “Mo ji wa Mawu.”

Mose III, 13:16

Ke pa a gbo, nɛ e he womi lo ɔ pee futaa ekohu ɔ, hiɔtsɛ ɔ nɛ kpale ba na osɔfo ɔ.

Mose IV, 15:30

“Se ke nɔ ko je blɔ pee yayami ko ɔ, zugba a nɔ fɔmi bi ji lɛ jio, nubwɔ ji lɛ jio, nɔ ɔ bɔ Yawɛ ahlua; a je lɛ kɛ je e ma mi bi ɔmɛ a kpɛti.

Luka 12:47

“Tsɔlɔ nɛ le nɔ́ nɛ e nyɔmtsɛ ɔ suɔ kaa e pee, se e ti si pam nɛ e pee ɔ, a maa fia lɛ kpa wawɛɛ.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Ni Tsumi 22:4

Nihi nɛ hɛɛ kikɛmɛ a tsɔɔmi nɛ ɔ mi ɔ, i wa mɛ yi mi, nɛ ni komɛ po gbo ngɛ mi. I nuɔ nyumuhi kɛ yihi tete kɛ ya woɔ tsu.

Ni Tsumi 3:17

“Jehanɛ ye nyɛmimɛ, i le kaa nɔ́ nɛ nyɛɛ kɛ nyɛ hɛ mi nyɛɛli ɔmɛ pee Yesu ɔ, pe nyɛ li nɛ nyɛ pee.

Ni Tsumi 8:3

Se Saulo lɛɛ e ka kaa e ma kpata asafo ɔ hɛ mi. E yaa wehi a mi, nɛ e ya nuɔ nyumuhi kɛ yihi, nɛ e ya woɔ mɛ tsu.

Ni Tsumi 9:1

Be nɛ ɔ mi tsuo ɔ, Saulo ya nɔ nɛ e wa Nyɔmtsɛ ɔ se nyɛɛli ɔmɛ yi mi; e woɔ a he gbeye wawɛɛ kaa e ma pue a muɔ si. E ya osɔfo nɔkɔtɔma pe kulaa a ngɔ,

Ni Tsumi 9:13

Se Anania he nɔ ke, “Nyɔmtsɛ, nihi fuu tu kikɛmɛ a nyumu nɛ ɔ he munyu yaya. A tsɔɔ kaa Mawu bimɛ ɔmɛ nɛ ngɛ Yerusalem ɔ, e ha nɛ a na amanehlu babauu nitsɛnitsɛ.

Ni Tsumi 9:5

Saulo bi ke, “Nyɔmtsɛ, mo mɛnɔ?” Gbi ɔ de lɛ ke “Imi ji Yesu, nɔ nɛ o ngɛ lɛ yi mi wae ɔ nɛ!

1 Korintobi 15:9

Imi ji bɔfo ɔmɛ tsuo a kpɛti nɔ nɛ sɛ́ pe kulaa; i sɛ́ kaa a tsɛɛ mi bɔfo po, ejakaa i wa Mawu we asafo ɔ yi mi.

1 Korintobi 7:25

Jehanɛ, nɔ́ nɛ nyɛ ngma ngɛ yihewi nɛ gba we lolo a he ɔ, Nyɔmtsɛ ɔ ha we mi mlaa pɔtɛɛ ko. Se kɛ̃ ɔ, juɛmi nɛ i kɛ ngɛ nyɛ ga nɛ ɔ woe ɔ, Nyɔmtsɛ ɔ nitsɛ lɛ dloo mi; lɔ ɔ he ɔ, e hia kaa nɔ́ nɛ ma de nyɛ ɔ, nyɛɛ ngɔ.

Galatabi 1:13

Nyɛ nu bɔ nɛ i ba ye je mi sa a ngɛ Yuda bi a jami ɔ nya. Nyɛ nu bɔ nɛ i wa Mawu asafo ɔ yi mi wawɛɛ, nɛ i bɔ mɔde kaa ma kpata asafo ɔ hɛ mi pɛsɛpɛsɛ.

Filipibi 3:6

Ye hɛ dɔ wawɛɛ kɛ wa asafo ɔ yi mi. Ke mlaa a nɔ yemi nɔ a guu kɛ dlaa nɔ kɛ Mawu a kpɛti ɔ, lɛɛ piami ko piami ko be ye he.

1 Timoteo 1:16

Se Mawu na mi mɔbɔ. E pee enɛ ɔ, konɛ Kristo Yesu nɛ ngɔ mi ngɔ pee nɔ hyɛmi nɔ́ kɛ ha yayami peeli tsuo, kaa e toɔ e tsui si, nɛ e peeɔ kpakpa, konɛ ni kpahi hu nɛ a na kaa neneene wami ɔ, mɛ hu a nine maa su nɔ.

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.

1 Petro 2:10

Sa a, pi Mawu e ma ji nyɛ; se amlɔ nɛ ɔ, e ma ji nyɛ. Sa a, Mawu nɛ́ nyɛ mɔbɔ; se amlɔ nɛ ɔ, e na nyɛ mɔbɔ.