1 Timoteo 1:12 - BAIBLO ALOO NGMAMI KLƆUKLƆU Ɔ

¹² I naa wa Nyɔmtsɛ Kristo Yesu si kaa e ha mi he wami nɛ ma kɛ tsu ní. I naa lɛ si kaa e sa e hɛ mi kaa e hla mi nɛ ma ba sɔmɔ lɛ.

Somi He Ɔ

¹² I naa wa Nyɔmtsɛ Kristo Yesu nɛ wo mi he wami ɔ si, kaa e bu mi anɔkualetsɛ nɛ e ngɔ mi ngɔ wo sɔmɔmi ɔ mi,

1 Timoteo 1:12 ပူးပေါင်းရင်းမြစ်များ

Mateo 20:4

E de mɛ ke, ‘Nyɛ hu nyɛɛ ya nɛ nyɛ ya tsu ní ngɛ wai ngmɔ ɔ mi, nɛ ma wo nyɛ hiɔ bɔ nɛ sa.’

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Ni Tsumi 16:15

E ha nɛ a sɔle lɛ kɛ e we ɔ tsuo. Lɔ ɔ se ɔ, e de wɔ ke, “I kpa nyɛ pɛɛ, ke nyɛ na mi kaa nɔ nɛ heɔ Nyɔmtsɛ ɔ yeɔ anɔkuale mi ɔ, lɛɛ nyɛ ba hi ye ngɔ.” E hɛɛ munyu nɛ ɔ mi hluu kɛ ya si wa kplɛɛ nɛ wa ya to lɛ.

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Ni Tsumi 9:22

Se Saulo ya nɔ nɛ e fiɛ kɛ he wami pe kekle ɔ po kɛ tsɔɔ kaa Yesu ji Kristo ɔ nɛ. Enɛ ɔ ha Yuda bi nɛ ngɛ Yerusalem ɔ a nya mi jɔ.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

1 Korintobi 7:25

Jehanɛ, nɔ́ nɛ nyɛ ngma ngɛ yihewi nɛ gba we lolo a he ɔ, Nyɔmtsɛ ɔ ha we mi mlaa pɔtɛɛ ko. Se kɛ̃ ɔ, juɛmi nɛ i kɛ ngɛ nyɛ ga nɛ ɔ woe ɔ, Nyɔmtsɛ ɔ nitsɛ lɛ dloo mi; lɔ ɔ he ɔ, e hia kaa nɔ́ nɛ ma de nyɛ ɔ, nyɛɛ ngɔ.

2 Korintobi 4:1

Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

Galatabi 3:26

Nɛ nyɛ he Kristo Yesu ye, nɛ nyɛ ngɛ e mi ɔ, lɔ ɔ ha nɛ nyɛ peeɔ Mawu bimɛ.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Filipibi 2:11

nɛ a maa jaje paa ke, Yesu Kristo ji Nyɔmtsɛ; a maa pee ja kɛ wo Tsɛ Mawu ɔ hɛ mi nyami.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Kolosebi 1:25

Mawu je mi nɛ e tsɔ mi nɛ ma ba sɔmɔ ngɛ asafo ɔ mi ngɛ nyɛ he, nɛ ma fiɛ Mawu munyu ɔ saminya kɛ tsɔɔ nyɛ.

1 Timoteo 1:1

Imi Paulo nɛ ba pee Kristo Yesu bɔfo ngɛ Mawu, wa kpɔlɔ ɔ, kɛ Kristo Yesu, nɔ nɛ wa ngɔ wa hɛ kɛ fɔ e nɔ ɔ fami nya a,

1 Timoteo 1:11

A naa tsɔɔmi kpakpa nɛ ɔ ngɛ sɛ gbi nɛ haa nɔ hɛ mi baa nyami ɔ mi. Mawu lɛ ngɔ sɛ gbi nɛ ɔ ngɔ ha mi ke ma fiɛ. E sa kaa nɔ tsuaa nɔ nɛ je Mawu yi.

1 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nitsɛnitsɛ ngɛ hemi kɛ yemi ɔ mi. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Tito 1:4

I ngɛ womi nɛ ɔ ngmae ha mo Tito, ye bi nitsɛnitsɛ ngɛ hemi kɛ yemi kake ɔ nɛ i kɛ mo tsuo wa hɛɛ mi ɔ mi. Dloomi kɛ he jɔmi nɛ je Tsɛ Mawu ɔ, kɛ wa kpɔlɔ Kristo Yesu dɛ mi ɔ ha mo!

Filemon 1:9

Se akɛnɛ i suɔ mo he je ɔ, ma ngɔ hiami nɔ́ nɛ ɔ kɛ fɔ o hɛ mi mohu. Hyɛ, imi Paulo, Yesu Kristo tsɔlɔ kpanaa nɛ amlɔ nɛ ɔ hu a bɔ mi pã ngɛ lɛ nɔuu e he ɔ, imi nɛ i ngɛ mo nɔ́ nɛ ɔ bae ɔ nɛ.