1 Timoteo 1:10 - BAIBLO ALOO NGMAMI KLƆUKLƆU Ɔ

¹⁰ Ni kpahi hu nɛ a woɔ mlaa ha mɛ ji nihi nɛ fiɛɔ yo kɛ nyumu yakayaka fiɛmi, nyumuhi nɛ kɛ nyumuhi hwɔɔ, nɔmlɔ juli, nihi nɛ ngɔɔ nya, nihi nɛ kaa kita kɛ yeɔ lakpa odase, kɛ nihi tsuo nɛ peeɔ níhi nɛ kɛ tsɔɔmi kpakpa a yɛ́.

Somi He Ɔ

¹⁰ ajuama bɔli, nyumuhi nɛ kɛ nyumuhi hwɔɔ si, nɔmlɔ juli, nya ngɔli, kita mi kuli kɛ nɔ́ tsuaa nɔ́ nɛ kɛ tsɔɔmi kpakpa yi ɔ,

1 Timoteo 1:10 ပူးပေါင်းရင်းမြစ်များ

Mose III, 18:22

Nyumu kɛ nyumu kó na bɔmi kaa yo kɛ nyumu; a hĩɔ.

2 Timoteo 4:3

Be ma nɛ nihi be suɔe kaa a maa bu tsɔɔmi kpakpa tue. Mohu ɔ, a ma hla ní tsɔɔli ha a he; a ma hla nihi nɛ maa tsɔɔ mɛ níhi nɛ maa ngɔ ngɛ a tue mi.

Romabi 1:26

Enɛ ɔ he je ɔ, Mawu ngmɛɛ a he, nɛ a ya nyɛɛ akɔnɔ ní yayahi nɛ ngɛ zo a se. A yi ɔmɛ tete po kɛ a sibi peeɔ níhi nɛ pi ja nɛ Mawu to.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

1 Timoteo 6:3

Ni komɛ ngɛ tsɔɔmi kpa komɛ tsɔɔe nɛ pi wa Nyɔmtsɛ Yesu Kristo sane kpakpa a nitsɛ, loo Mawu jami tsɔɔmi tutuutu.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

Tito 1:9

Anɔkuale ɔ nɛ a tsɔɔ lɛ, nɛ e he ye ɔ, e hɛɛ mi wawɛɛ. Ke e pee jã loko lɛ hu e ma nyɛ tsɔɔ ni kpahi ní nɛ he tsɔ saminya. Kɛkɛ ɔ, nihi nɛ teɔ si siɔ anɔkuale ɔ, e maa tsɔɔ mɛ a tɔmi.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Mose III, 20:13

Ke nyumu kɛ nyumu na bɔmi kaa nyumu kɛ yo bɔɔ ɔ, mɛ ni enyɔ ɔmɛ tsuo a bɔ musu. Á gbe mɛ; a gbenɔ ɔ sa mɛ nitsɛmɛ.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

2 Timoteo 1:13

Anɔkuale ɔ nɛ i tsɔɔ mo ɔ, pɛtɛ he kaa nɔhyɛ nɔ́, nɛ hemi kɛ yemi, kɛ suɔmi nɛ wa na kɛ gu Kristo Yesu mi ɔ, koo ngmɛɛ he.

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Mose II, 21:16

“Nɔ tsuaa nɔ nɛ maa ju nɔmlɔ nɛ e maa jua, loo a maa na lɛ ngɛ e dɛ ɔ, a gbe lɛ.

Mose I, 19:5

A tsɛ Lot nɛ a bi lɛ ke, “Nyumu ɔmɛ nɛ ba to mo gbɔkuɛ nɛ ɔ, jije a ngɛ? Je mɛ kpo ha wɔ nɛ waa kɛ mɛ nɛ hwɔ!”

Tito 1:13

Anɔkuale sane ji nɛ ɔ nɛ. Lɔ ɔ he ɔ, ka a hɛ mi wawɛɛ, konɛ a hɛɛ a hemi kɛ yemi ɔ mi wawɛɛ.

Mose II, 20:7

“Ko tsɛ Yawɛ, o Mawu ɔ biɛ yaka gu; ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Kpojemi 18:13

sinamon, tsopa kɛ e he via, mire, mimɛ, dã, nu, mamu, ngma, na, to, okpɔngɔ, zugba lɛ, nyɔguɛ, kɛ nimli nɛ a hɛ ngɛ tete.

Zakaria 8:17

Nyɛ ko so nyɛ sibi a yi nɔ. Nyɛ ko kã lakpa kita. I nyɛɛ ní nɛ ɔmɛ. Yawɛ lɛ de.”

Hosea 10:4

Nya puu sɔuu a peeɔ; a woɔ si nya mi gu. A kaa lakpa kita kɛ soɔ somihi. A plɛɔ nɔ́ nɛ da hɛ mi ngɔ buɔ si, nɛ nɔ́ nɛ dɛ hii nɔ yae. Enɛ ɔ he je ɔ, munyu yemi heɔ si kaa bɔ nɛ hu yaya puɛɔ ngmɔ nɔ niba ní ɔ.

Mose V, 24:7

“Nɔ tsuaa nɔ nɛ maa ju e nyɛmi Israel no, nɛ e maa pee lɛ nyɔguɛ, aloo e maa jua lɛ ɔ, á gbe lɛ. Bɔ nɛ o maa pee kɛ je yayami nɛ ɔ kɛ je nyɛ kpɛti ji nɛ ɔ nɛ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Zakaria 5:4

Yawɛ Tabohiatsɛ ɔ ke e ma ha gbiɛmi nɛ ɔmɛ maa ba zugba a tsuo nɔ, nɛ we mi he nɛ nɔ ko maa ju ngɛ ɔ, a ma kpata we ɔ hɛ mi; nɛ we tsuaa we nɛ nɔ ko ma kã lakpa kita ngɛ mi ɔ, a ma kpata we ɔ hɛ mi kɛ e mi tso kɛ tɛ tsuo.”

Mose I, 40:15

Pani nya nɛ a nu mi kɛ je Hebri bi ɔmɛ a zugba a nɔ kɛ ba hiɛ ɔ; nɛ Egipt hiɛmɛ nɛ ɔ hu i pee we nɔ́ ko nɛ sa kaa a wo mi tsu.”

Mose I, 37:27

Nyɛ ha nɛ waa jua lɛ ha Ishmael bi ɔmɛ. Nyɛ ko ha wa nine nɛ kpa ngɛ e nɔ; ejakaa wɔ nitsɛmɛ wa nyɛmi tutuutu ji lɛ.” E nyɛmimɛ ɔmɛ kplɛɛ,

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.