1 Timoteo 1:1 - BAIBLO ALOO NGMAMI KLƆUKLƆU Ɔ

¹ Imi Paulo nɛ ba pee Kristo Yesu bɔfo ngɛ Mawu, wa kpɔlɔ ɔ, kɛ Kristo Yesu, nɔ nɛ wa ngɔ wa hɛ kɛ fɔ e nɔ ɔ fami nya a,

Somi He Ɔ

¹ Paulo nɛ ji Yesu Kristo bɔfo ngɛ Mawu, wa yi wami helɔ ɔ, kɛ Mawetsɛ Yesu Kristo, wa hɛ kɛ nɔ fɔmi ɔ, kita nya a,

1 Timoteo 1:1 ပူးပေါင်းရင်းမြစ်များ

La 106:21

Mawu, a kpɔlɔ ɔ nɛ tsu ní tsumi nguanguahi ngɛ Egipt ɔ, a hɛ je e nɔ.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 43:11

“Imi nɔ kake pɛ ji Yawɛ, imi pɛ ji nɔ nɛ ma nyɛ ma he o yi wami.

Yesaya 43:3

Ejakaa imi Yawɛ, o Mawu ɔ, imi Israel Mawu Klɔuklɔu ɔ lɛ he o yi wami ɔ nɛ. Ma ngɔ Egipt ngɔ ha ngɛ o nane mi, konɛ o ye o he. Ma ngmɛɛ Sudan kɛ Seba hu a he.

Yesaya 45:15

Israel Mawu ɔ nɛ heɔ e ma a yi wami ɔ, e ji Mawu nɛ laa e he.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 60:16

Je mahi, kɛ matsɛmɛ maa lɛ mo kaa bɔ nɛ binyɛ haa e bi nyɔ ɔ. O maa le jehanɛ kaa imi Yawɛ nɛ i ha o yi na wami. O maa le kaa imi, Israel Mawu kpetekpleenyɛ ɔ nɛ i ha o ye o he.

Yesaya 63:8

Yawɛ ke, “Imi nitsɛ ye ma ji mɛ; a be mi sisie.” Lɔ ɔ he ɔ, e ha a yi na wami

Hosea 13:4

Yawɛ ke, “Imi ji Yawɛ, nyɛ Mawu ɔ nɛ je nyɛ kɛ je Egipt ɔ nɛ. Imi pɛ ji nyɛ Mawu. Imi nɔ kake too pɛ ji nyɛ kpɔlɔ.

Luka 1:47

Ye bua jɔ, kaa Mawu ji ye yi wami helɔ,

Luka 2:11

Mwɔnɛ ligbi nɛ ɔ, a fɔ nyɛ yi wami helɔ, Nyɔmtsɛ Kristo ɔ ngɛ David ma a mi!

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Romabi 1:1

Imi Paulo, Yesu Kristo tsɔlɔ kɛ bɔfo nɛ Mawu hla nɛ e tsɔ ke ma ya fiɛ sane kpakpa a nɛ i ngɛ womi nɛ ɔ ngmae.

1 Korintobi 1:1

Imi Paulo, nɛ Mawu suɔmi nya a, e tsɛ mi nɛ ma ba pee Yesu Kristo bɔfo ɔ, i kɛ wa nyɛmi Sostene lɛ wa ngma womi nɛ ɔ.

1 Korintobi 9:17

Ní nɛ i ngɛ tsue ɔ, imi nitsɛ nɛ i suɔ kaa ma tsu jinɛ i ko hyɛ hiɔwo blɔ. Se Mawu nitsɛ nɛ hla mi, nɛ e ngɔ ní tsumi ɔ ngɔ wo ye dɛ kaa nɔmlɔ nɛ yeɔ anɔkuale.

2 Korintobi 1:1

Imi Paulo nɛ Mawu suɔmi nya a, i ba pee Kristo Yesu bɔfo ɔ, i kɛ wa nyɛmi Timoteo lɛ ngma womi nɛ ɔ ya ha Mawu asafo ɔ nɛ ngɛ Korinto, kɛ ni klɔuklɔu ɔmɛ tsuo nɛ ngɛ Akaya a.

Galatabi 1:1

Imi bɔfo Paulo, kɛ nyɛmimɛ ɔmɛ kulaa nɛ kɛ mi ngɛ ɔ ngma womi nɛ ɔ ya ha Galatia asafo ɔmɛ. Pi nɔmlɔ nɛ pee mi bɔfo, nɛ pi adesa hu nɔ nɛ a gu kɛ hla mi ke ma ba pee bɔfo, se mohu Yesu Kristo, kɛ Tsɛ Mawu nɛ tle lɛ si kɛ je gbeje ɔ a nɔ i gu kɛ na blɔ nya nɛ ɔ.

Galatabi 1:11

Nyɛmimɛ, i ngɛ hae nɛ nyɛɛ le kaa sane kpakpa a nɛ i fiɛ ha nyɛ ɔ, pi nimli a nya mi munyu.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

1 Timoteo 1:12

I naa wa Nyɔmtsɛ Kristo Yesu si kaa e ha mi he wami nɛ ma kɛ tsu ní. I naa lɛ si kaa e sa e hɛ mi kaa e hla mi nɛ ma ba sɔmɔ lɛ.

1 Timoteo 2:3

Sɔlemi kaa kikɛ nɛ ɔ hi, nɛ e saa Mawu, wa kpɔlɔ ɔ hɛ mi.

1 Timoteo 2:7

Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

1 Timoteo 4:10

Wa gboɔ dengme kɛ tsuɔ ní wawɛɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ. Lɛ ji nihi tsuo a yi wami helɔ, titli ɔ, ni nɛmɛ nɛ heɔ yeɔ ɔ.

Tito 1:3

Lɔ ɔ he ɔ, be nɛ sa mi ɔ, e ha nɛ siwo nɛ ɔ ba mi kɛ gu e sane kpakpa a nɛ a tu ngɔ wo ye dɛ mi ɔ nɔ. Enɛ ɔ i ngɛ fiɛe, kaa bɔ nɛ Mawu, wa kpɔlɔ ɔ fa mi ke ma pee ɔ.

Tito 2:10

nɛ a ko ju mɛ hulɔ. Se mohu á ye anɔkuale ngɛ nɔ́ tsuaa nɔ́ mi, konɛ anɔkuale nɛ kɔɔ Mawu, wa kpɔlɔ ɔ he ɔ, nihi nɛ a na nya saminya.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

Tito 3:4

Se benɛ Mawu, wa kpɔlɔ ɔ je e mi mi himi, kɛ e suɔmi ɔ kpo ɔ,

Tito 3:6

Kɛ gu wa kpɔlɔ Yesu Kristo nɔ ɔ, Mawu plɛ Mumi Klɔuklɔu ɔ ngɔ pue wa nɔ babauu.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

1 Yohane 4:14

Wa na enɛ ɔ, nɛ wa ngɛ odase yee kaa Tsɛ ɔ tsɔ e Bi ɔ kɛ ba kaa je ɔ yi wami helɔ.

Yuda 1:25

lɛ Mawu kake too, wa kpɔlɔ ɔ, a gu wa Nyɔmtsɛ Yesu Kristo nɔ kɛ wo e hɛ mi nyami. E nɔ́ ji agboje, kɛ he wami, kɛ he blɔ kɛ je blema lokoo kɛ ba si amlɔ nɛ ɔ, kɛ yaa neneene tɔɔ! Amen.