1 Tesalonikabi 5:9 - BAIBLO ALOO NGMAMI KLƆUKLƆU Ɔ

⁹ Mawu hla we wɔ kɛ to, nɛ e na wa he abofu. Se mohu, e wo wɔ kɛ to, konɛ e he wa yi wami kɛ gu wa Nyɔmtsɛ Yesu Kristo nɔ.

Somi He Ɔ

⁹ Ejakaa Mawu to we wɔ ha mi mi fumi, se mohu e to wɔ nɛ wa na yi wami hemi ngɛ wa Mawetsɛ Yesu Kristo mi,

1 Tesalonikabi 5:9 ပူးပေါင်းရင်းမြစ်များ

Hiob 23:14

Nɔ́ nɛ e to ha mi ɔ, lɔ ɔ e ngɛ pee ɔ nɛ; níhi kaa kikɛ nɛ ɔ babauu hu ngɛ e yi mi.

Mose II, 9:16

Se i ha nɛ o ngɛ je mi, bɔ nɛ pee nɛ ma je ye he wami kpo ngɔ tsɔɔ mo, konɛ a wo ye biɛ ta ngɛ je ɔ mi tsuo.

Abɛ Womi 16:4

Nɔ́ tsuaa nɔ́ nɛ Yawɛ pee ɔ, nɔ́ ko he kɛ̃ lɛ e pee ngɛ; yayami peeli tete po, a ngɛ kɛ ha hɛ mi kpatami.

Mateo 26:24

Nɔmlɔ Bi ɔ ma gbo kaa bɔ nɛ a ngma ngɛ e he ɔ, se musu tloo nɔ nɛ maa tsɔɔ e se blɔ ɔ! Afani nɛ a fɔ we jamɛ a nɔmlɔ ɔ!”

Ni Tsumi 1:20

“Bɔ nɛ a ngma ngɛ La womi ɔ mi ji nɛ ɔ nɛ, ‘E we ɔ nɛ pee we doku, nɛ nɔ ko nɔ ko kó hi mi.’ A ngma hu ke, ‘E sɔmɔmi blɔ nya a, nɔ kpa nɛ he.’

Ni Tsumi 1:25

konɛ e sɔmɔ kaa bɔfo ngɛ Yuda nane mi. Yuda je wa he kɛ ho he nɛ sa kaa e hi ɔ ya.”

Ni Tsumi 13:48

Benɛ ma je li ɔmɛ nu enɛ ɔ, a na bua jɔmi, nɛ a wo Nyɔmtsɛ ɔ hɛ mi nyami; nɛ ni nɛmɛ nɛ Mawu hla ngɔ to neneene wami ɔ he ye.

Romabi 11:30

Nyɛ ma je li, sa a, nyɛ bui Mawu, se jehanɛ lɛɛ Mawu na nyɛ mɔbɔ, ejakaa Yuda bi ɔmɛ hu ba gbo tue.

Romabi 11:7

Lɛɛ kɛ ji lɛ kɛɛ? Israel nine sui nɔ́ nɛ a ngɛ hlae ɔ nɔ. Nihi nɛ Mawu hla a, mɛɛ lɛɛ a nine su nɔ. Ni nɛmɛ nɛ piɛ ɔ lɛɛ a wa tue.

1 Tesalonikabi 1:10

Mawu Bi Yesu ɔ nɛ Mawu tle lɛ si kɛ je gbeje ɔ, a tsɔɔ kaa nyɛ ngɛ lɛ blɔ hyɛe kaa e maa je hiɔwe kɛ ba ekohu. Lɛ ji nɔ nɛ ma je wɔ kɛ je tue gblami nɛ ma a mi.

1 Tesalonikabi 3:3

bɔ nɛ pee nɛ amanehlu nɛ ngɛ bae ɔ ko wo nyɛ ti nɔ ko he gbeye. Nyɛ nitsɛmɛ nyɛ le kaa nɔ́ nɛ Mawu to kɛ ha wɔ ji lɔ ɔ nɛ.

1 Timoteo 1:13

E ngɛ mi kaa sa a, i tu musu bɔmi munyuhi kɛ si Mawu; i wa lɛ yi mi, nɛ i pee níhi basabasa. Se Mawu na mi mɔbɔ, ejakaa jamɛ a be ɔ, i he we yi lolo; nɛ nɔ́ nɛ i ngɛ pee ɔ hu i li.

1 Timoteo 1:16

Se Mawu na mi mɔbɔ. E pee enɛ ɔ, konɛ Kristo Yesu nɛ ngɔ mi ngɔ pee nɔ hyɛmi nɔ́ kɛ ha yayami peeli tsuo, kaa e toɔ e tsui si, nɛ e peeɔ kpakpa, konɛ ni kpahi hu nɛ a na kaa neneene wami ɔ, mɛ hu a nine maa su nɔ.

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

1 Petro 2:10

Sa a, pi Mawu e ma ji nyɛ; se amlɔ nɛ ɔ, e ma ji nyɛ. Sa a, Mawu nɛ́ nyɛ mɔbɔ; se amlɔ nɛ ɔ, e na nyɛ mɔbɔ.

1 Petro 2:8

Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.