1 Tesalonikabi 5:13 - BAIBLO ALOO NGMAMI KLƆUKLƆU Ɔ

¹³ Nyɛɛ bu mɛ saminya, nɛ nyɛɛ suɔ mɛ ngɛ ní tsumi nɛ a ngɛ tsue ɔ he. Nyɛ nitsɛmɛ hu, nyɛɛ hi si ngɛ tue mi jɔmi mi.

Somi He Ɔ

¹³ nɛ nyɛɛ bu mɛ saminya ngɛ suɔmi mi ngɛ a ni tsumi ɔ he. Nyɛɛ hi si ngɛ he jɔmi mi.

1 Tesalonikabi 5:13 ပူးပေါင်းရင်းမြစ်များ

Marko 9:50

“Ngo hi, se ke ngo nya nyu gbo ɔ, kɛ a maa pee lɛ kɛɛ nɛ e maa doo ekohu? Nyɛ ha nɛ ngo su kpakpa nɛ ɔ nɛ hi nyɛ mi, konɛ nyɛɛ kɛ nyɛmimɛ nɛ hi si ngɛ he jɔmi mi.”

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Yakobo 3:18

Nihi nɛ kpataa pɛ, nɛ a haa he jɔmi baa a, a ngɛ wu kpakpa due, nɛ yiblii nɛ a woɔ ji dami sane yemi.

Efesobi 4:3

Nyɛɛ bɔ mɔde nɛ nyɛɛ pee kake kɛ hi si. He jɔmi ɔ nɛ haa nyɛ peeɔ kake ɔ, Mawu mumi ɔ lɛ haa.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

Yohane 15:17

Mlaa nɛ i ngɛ nyɛ woe ji nyɛɛ suɔ nyɛ sibi.

La 133:1

Hyɛ bɔ nɛ e hi, bɔ nɛ e ngɛ fɛu, ke nyɛmimɛ pee kake kɛ hi si!

2 Timoteo 2:22

Lɔ ɔ he ɔ, nihewi a we akɔnɔ yaya a, yu o he kɛ je he kulaa, nɛ o kɛ nihi nɛ yeɔ Kristo anɔkuale nɛ bɔ. Nyɛɛ ba nyɛ je mi saminya kaa Kristo we bi nɛ yeɔ dami sane, nɛ tsuɔ a hemi kɛ yemi he ní; nyɛɛ suɔ nyɛ sibi, nɛ nyɛɛ hi si saminya ngɛ he jɔmi mi.

2 Tesalonikabi 3:16

Nyɔmtsɛ, nɔ nɛ haa wɔ he jɔmi ɔ, lɛ nitsɛ nɛ ha nyɛ he jɔmi daa ngɛ nɔ́ tsuaa nɔ́ nɛ nyɛ ngɛ pee mi. Nyɔmtsɛ ɔ kɛ nyɛ tsuo nɛ hi si.

Kolosebi 3:15

He jɔmi nɛ Kristo haa a, nyɛ ha nɛ a na kaa e ngɛ ní tsue ngɛ nyɛ tsui mi. Ejakaa nyɛ nɛ nyɛ ngɛ nɔmlɔ tso kake ɔ mi ɔ, ní tsumi nɛ Mawu kpee nyɛ ke nyɛ ba tsu ɔ ji nɛ ɔ nɛ. E sa nɛ nyɛɛ na Mawu si.

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

Galatabi 4:14

E ngɛ mi kaa ye hiɔ ɔ ha nɛ nyɛ gbo dengme babauu ngɛ ye he, se ye he pee we nyɛ tai, nɛ nyɛ kua we mi hulɔ; mohu ɔ, nyɛ he mi atuu kaa Mawu bɔfo. Ee, nyɛ he mi kaa Kristo Yesu nitsɛ.

Mateo 10:40

“Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

Mose I, 45:24

Jehanɛ, e wo e nyɛmimɛ ɔmɛ blɔ, nɛ e de mɛ ke, “Nɛ nyɛ yaa nɛ ɔ, nyɛ ko ya pɛ ngɛ blɔ ɔ nɔ.”

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.