1 Tesalonikabi 4:9 - BAIBLO ALOO NGMAMI KLƆUKLƆU Ɔ

⁹ Jehanɛ, suɔmi nɛ sa kaa e hi nyɛmimɛ nɛ heɔ yeɔ ɔ a kpɛti ɔ, e hia we kaa ma ngma nyɛ womi ngɛ lɔ ɔ he hu. Mawu tsɔɔ nyɛ momo kaa nyɛɛ suɔ nyɛ he,

Somi He Ɔ

⁹ E hia we kaa ma ngma nyɛ ngɛ nyɛmimɛ a suɔmi he, ejakaa nyɛ nitsɛmɛ ɔ, Mawu tsɔɔ nyɛ kaa nyɛɛ suɔ nyɛ he;

1 Tesalonikabi 4:9 ပူးပေါင်းရင်းမြစ်များ

1 Yohane 3:11

Sɛ gbi ɔ nɛ nyɛ nu kɛ je sisije ɔ ji kaa waa suɔ wa sibi.

Romabi 12:10

Nyɛɛ suɔ nyɛ he saminya kaa nyɛmimɛ, nɛ nɔ tsuaa nɔ nɛ bu e nyɛmi pe lɛ nitsɛ e he.

1 Yohane 3:23

Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.

1 Yohane 4:21

Mlaa nɛ Kristo wo wɔ ji nɔ tsuaa nɔ nɛ suɔ Mawu ɔ, e sa kaa e suɔ e nyɛmi hulɔ.

Hebribi 13:1

Nyɛɛ ya nɔ nɛ nyɛɛ suɔ nyɛ sibi daa kaa nyɛmimɛ.

1 Tesalonikabi 5:1

Nyɛmimɛ, be tutuutu nɛ ní nɛ ɔmɛ maa ba mi ɔ, e hia we kaa waa ngma nyɛ.

Ni Tsumi 4:32

Nihi babauu nɛ he Yesu ye ɔ tsuo hɛɛ juɛmi kake, kɛ mumi kake. Nɛ a ti nɔ ko nɔ ko tsɛ we e níhi nɛ e ngɛ ɔ mi eko ke lɛ nitsɛ e nɔ́, se mohu, nɔ́ nɛ nɔ ko ngɛ ɔ peeɔ ma tsuo nɔ́.

1 Yohane 2:10

Nɔ tsuaa nɔ nɛ suɔ e nyɛmi ɔ, e ngɛ Kristo mi. Lɔ ɔ he ɔ, nɔ́ ko nɔ́ ko be e he nɛ ma ha nɔ ko nane ma kpata.

2 Petro 1:7

nyɛɛ ngɔ nyɛmi peemi ngɔ piɛ Mawu gbeye yemi ɔ he, nɛ nyɛɛ ngɔ suɔmi ngɔ piɛ nyɛmi peemi ɔ he.

1 Petro 4:8

Nɔ́ nɛ he hia pe kulaa ji kaa nyɛɛ suɔ nyɛ he saminya; ejakaa suɔmi haa yayami babauu nɔ.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

Hebribi 10:16

“Be ma nɛ i kɛ ye ma a maa so somi nɛ ɔ: Ma ngɔ ye mlaa kɛ to a tsui mi, nɛ ma ngma kɛ wo a juɛmi mi.”

Yohane 14:26

Tsɛ ɔ maa wo Mumi Klɔuklɔu ɔ blɔ kɛ ba nyɛ ngɔ. Hepiɛlɔ nɛ ɔ maa ba ngɛ ye biɛ mi, nɛ nɔ́ tsuaa nɔ́ nɛ hia kaa nyɛɛ le ɔ, e maa tsɔɔ nyɛ; nɛ nihi tsuo nɛ i de nyɛ ɔ, e ma kai nyɛ.

La 133:1

Hyɛ bɔ nɛ e hi, bɔ nɛ e ngɛ fɛu, ke nyɛmimɛ pee kake kɛ hi si!

Mateo 22:39

Mlaa nɛ nyɛɛ se ɔ hu ngɛ kaa jã kɛ̃: ‘Suɔ o nyɛmi nɔmlɔ kaa bɔ nɛ o suɔ mo nitsɛ o he.’

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Yesaya 51:13

Anɛ Yawɛ, nɔ nɛ bɔ mo, nɛ e pee hiɔwe ploplooplo, nɛ e ngɔ zugba a sisi tomi ɔmɛ ngɔ ma si ɔ, o hɛ je e nɔ lo? Nihi nɛ ngɛ mo yi mi wae, nɛ a pee klaalo kaa a ma kpata o hɛ mi ɔ, mɛni he je o ngɛ mɛ mohu gbeye yee ɔ? A be nyɛe maa pee mo nɔ ko hu.

Mose III, 19:8

Nɔ tsuaa nɔ nɛ maa ye eko ɔ, a gbla e tue, ejakaa e ble Yawɛ nɔ́ klɔuklɔu ɔ. A ma je lɛ we, nɛ a be lɛ bue ngɔ si ye ma a mi bi ɔmɛ a nɔ hu.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

2 Korintobi 9:1

E he hia we kaa ma hi nyɛ womi ngmae kpamisa ngɛ yemi kɛ buami nɛ wa ngɛ ni klɔuklɔu ɔmɛ hae ɔ he.

Filipibi 3:15

Wɔ nihi tsuo nɛ wa wa ngɛ mumi mi ɔ, juɛmi nɛ ɔ lɛ sa kaa waa hɛɛ. Se ke nyɛ ti ni komɛ ngɛ nɔ́ kpa susue ɔ, Mawu ma je lɔ ɔ hu kpo paa kɛ tsɔɔ nyɛ.