1 Tesalonikabi 4:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.

Somi He Ɔ

⁶ konɛ nɔ ko ko ye e nyɛmi amimi nɛ e sisi lɛ ngɛ sane ko mi ejakaa enɛ ɔmɛ tsuo a he tue gblalɔ ji Mawetsɛ ɔ, kaa bɔ nɛ wa de nyɛ ngɔ to nɛ wa ye he odase ɔ.

1 Tesalonikabi 4:6 ပူးပေါင်းရင်းမြစ်များ

La 140:12

Yawɛ, i le kaa nihi nɛ a ní ngɛ mɔbɔ ɔ, mo lɛ o hyɛɛ a nɔ, nɛ o yeɔ ohiatsɛmɛ a sane ha mɛ.

La 94:1

Yawɛ, mo Mawu nɛ o yeɔ lue, mo je o he kpo koo!

Mose II, 20:15

“Koo ju.

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Abɛ Womi 11:1

Susumi ní yayahi nɛ a kɛ sisiɔ nɔ ɔ, Yawɛ sume. Nɔ́ nɛ e suɔ ji nɔ́ susumi ní kpakpahi.

Abɛ Womi 16:11

Yawɛ suɔ kaa jua yeli nɛ a ngɔ sɛni, kɛ sɛni tɛ kpakpahi kɛ jua ní, konɛ a ko sisi nɔ.

Abɛ Womi 20:14

Ke nɔ ko yaa he nɔ́ ɔ, e deɔ ke e he jua wa tsɔ. Se ke e je kɛ yaa a, e fĩaa nɛ e deɔ ke, “Enɛ ɔ lɛɛ i ná lɛ he jua jɔjɔɛ.”

Abɛ Womi 20:23

Yawɛ hiɔ ní ngmɛmi ní munomunohi; sɛni kɛ e mi tɛ nɛ a kɛ sisiɔ nɔ ɔ, e hí.

Abɛ Womi 28:24

Nɔ nɛ juɔ e tsɛ, loo e nyɛ, nɛ e deɔ ke tsa pi yayami ji lɔ ɔ, e kɛ ojo fialɔ ɔ, slɔɔto be a kpɛti.

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Yeremia 9:4

Nyɛ ti nɔ tsuaa nɔ nɛ hyɛ e he saminya ngɛ e nyɛmi he; nɔ ko nɔ ko nɛ ko ngɔ e hɛ ngɔ fɔ e nyɛmi nɔ. Ejakaa nɔ tsuaa nɔ pee e he Yakob kɛ ngɛ e nyɛmi sisie, nɛ jã kɛ̃ nyɛmi ngɛ e nyɛmi he guɛ gbee kɛ ngɛ bee.

Ezekiel 22:13

“Lɔ ɔ he ɔ, ma tsɛ̃ ye nguɛ nya ngɛ ojo nɛ a ngɛ yee, kɛ muɔ si nɛ a ngɛ puee ɔ he.

Mose III, 19:11

“Nyɛ ko ju; nyɛ ko sisi nɔ, nɛ nyɛ ko ye nyɛ sibi lakpa.

Mose III, 19:13

“Koo fia o nyɛmi ojo, nɛ koo ju e nɔ́ ko hulɔ. Ke o ya bɔ nɔ ko apaa ke e ba tsu ní ha mo ɔ, wo lɛ hiɔ loko je nɛ na nɔ.

Mose III, 25:14

Lɔ ɔ he ɔ, ke o jua zugba ko kɛ ha o nyɛmi Israel fɔfɔɛ, loo o he zugba ngɛ e dɛ ɔ, nyɛ ko sisi nyɛ sibi.

Mose III, 25:17

Nyɛ ko sisi nyɛ sibi Israel fɔfɔɛhi, se mohu nyɛɛ ye Yawɛ, nyɛ Mawu ɔ gbeye.

Mika 2:2

A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Zefania 3:1

Musu tloo Yerusalem! Ma nɛ́ wo e he mu! Atuã tsɔli kɛ yiwutsotsɛmɛ a ma.

Zefania 3:5

Se Yawɛ ngɛ ma a mi; lɛɛ dalɔ ji lɛ; e pee we nɔ́ nɛ dɛ. Daa ligbi ɔ, e yeɔ dami sane. Se kɛ ɔ, yayami peeli ɔmɛ yaa nɔ nɛ a peeɔ yayami, nɛ nɔ́ nɛ ɔ pee we mɛ zo.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Marko 10:19

Tse o le mlaa amɛ: ‘Koo gbe nɔmlɔ; ko puɛ gba; koo ju; koo ye lakpa odase; koo sisi nɔ; bu o tsɛ kɛ o nyɛ!’ ”

Luka 12:5

Ma tsɔɔ nyɛ nɔ nɛ sa nɛ nyɛɛ ye gbeye. Nyɛɛ ye Mawu gbeye, ejakaa lɛɛ e ngɛ he wami nɛ e kɛ gbee nɔ, nɛ ke e gbe nɔ ɔ se ɔ, e ngɛ he wami nɛ e kɛ sakee nɔ ɔ kɛ fɔɔ Abosiami a je la a mi.

Luka 16:28

I ngɛ nyɛmimɛ enuɔ ngɛ lejɛ ɔ. Ha nɛ e ya bɔ mɛ kɔkɔ, konɛ mɛɛ a ko ba nɔ́ nami he nɛ ɔ.’

Romabi 1:18

Nihi nɛ peeɔ yayami, nɛ a bɔɔ musu kɛ tsiɔ anɔkuale ɔ nɛ kɔɔ Mawu he ɔ nya a, Mawu kɛ mi mi fumi nɛ jeɔ hiɔwe gblaa a tue.

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

Romabi 13:4

Mawu tsɔlɔ ji lɛ, nɛ e ní tsumi ji kaa e hyɛ nɛ e hi ha mo. Se ke o pee yayami ɔ, lɛɛ o ye nɔ yelɔ ɔ gbeye; ejakaa a ha we lɛ blɔ nya nɛ ɔ yaka. Mawu tsɔlɔ ji lɛ; nɛ nihi nɛ peeɔ yayami ɔ, e kɛ mi mi la gblaa a tue ngɛ Mawu nane mi.

2 Korintobi 7:11

Nɛ́ e pee nyɛ kaa nyɛ hao ɔ, nyɛɛ hyɛ nɔ́ nɛ je mi kɛ ba! Nyɛ nɔ gbagba te, nɛ nyɛ suɔ kaa nyɛ maa tsɔɔ kaa nyɛ pee we yayami ko. Nɔ́ nɛ ba a dɔ nyɛ, nɛ nyɛ ye gbeye kaa nɔ́ ko pa ngɛ se kɛ ma. E pee nyɛ kaa nyɛɛ na mi, konɛ nyɛ fa ye he, nɛ nyɛɛ gbla yayami peelɔ ɔ tue. Ngɛ blɔ tsuaa blɔ nɔ ɔ, nyɛ tsɔɔ kaa sane nɛ ba a, nyɛ li he nɔ́ ko.

Galatabi 5:21

hɛkɔ, dã demi, fiɛmi yaya, kɛ ní yaya peemi kpahi fuu kaa níhi nɛ i tsi a ta nɛ ɔ. I ka nyɛ hɛ mi momo ngɛ kikɛmɛ a je mi bami nɛ ɔmɛ a he, nɛ i ngɛ nyɛ kɔkɔ bɔe ekohu ke nihi nɛ peeɔ kikɛmɛ a ní nɛ ɔmɛ a nine be Mawu matsɛ yemi ɔ nɔ sue gblegbleegble.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Efesobi 4:28

Nɔ nɛ juɔ ɔ, e ko ju hu. Se mohu e ngɔ e nguɛ nyɔngma kɛ tsu ní wawɛɛ konɛ e ná nɔ́ ko nɛ e kɛ ye bua nihi nɛ e fi mɛ.

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Mose V, 24:7

“Nɔ tsuaa nɔ nɛ maa ju e nyɛmi Israel no, nɛ e maa pee lɛ nyɔguɛ, aloo e maa jua lɛ ɔ, á gbe lɛ. Bɔ nɛ o maa pee kɛ je yayami nɛ ɔ kɛ je nyɛ kpɛti ji nɛ ɔ nɛ.

Mose V, 32:35

Yawɛ maa ye lue kokooko. E maa gbla he nyɛli ɔmɛ a tue. A maa sane nɔ si amlɔ nɔuu. E be kɛe kulaa nɛ e ma kpata a hɛ mi. A nyagbe ma tlukaa.

1 Tesalonikabi 2:11

Nyɛ le bɔ nɛ waa kɛ nyɛ ti nɔ tsuaa nɔ hi si kaa tsɛ kɛ e bi.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Hebribi 2:6

Odase nɛ nɔ ko ye ngɛ ngmami ɔ he ko ji nɛ ɔ nɛ: “Mɛni ji nɔmlɔ adesa, nɛ o susuɔ e he? Mɛni ji nɔmlɔ bi, nɛ o hyɛɛ e nɔ?

Yakobo 2:6

Se nyɛ pueɔ ohiatsɛmɛ ɔmɛ a hɛ mi si. Anɛ pi niatsɛmɛ ɔmɛ nɛ waa nyɛ yi mi ɔ? Anɛ pi mɛ nɛ a ngɔɔ nyɛ kɛ yaa kojomi he ɔ?

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.