1 Tesalonikabi 4:13 - BAIBLO ALOO NGMAMI KLƆUKLƆU Ɔ

¹³ Nyɛmimɛ, wa suɔ kaa nyɛɛ le anɔkuale sane nɛ kɔɔ nihi nɛ gbo ɔ a he, konɛ nyɛ ko ye kɔmɔ kaa nihi nɛ be hɛ kɛ nɔ fɔmi.

Somi He Ɔ

¹³ Se, mamimɛ, wa suɔ kaa nyɛɛ le ninɛmɛ nɛ a gbo ɔmɛ a he sane, konɛ nyɛ ko ye kɔmɔ kaa ninɛmɛ nɛ piɛ ɔmɛ, nihi nɛ be hɛ kɛ nɔ fɔmi ko ɔ.

1 Tesalonikabi 4:13 ပူးပေါင်းရင်းမြစ်များ

Daniel 12:2

Ni nɛmɛ nɛ gbo momo nɛ a pu mɛ ɔ, a ti nihi babauu maa te si ekohu: ni komɛ maa ya neneene wami mi, nɛ ni komɛ hu maa ya neneene hɛ mi si puemi mi.

1 Tesalonikabi 5:10

Kristo ba gbo ha wɔ, bɔ nɛ pee nɛ wa hɛ ngɛ jio, wa gbo jio, waa kɛ lɛ nɛ hi si.

1 Tesalonikabi 4:15

Nɔ́ nɛ Nyɔmtsɛ ɔ nitsɛ de ɔ, lɔ ɔ wa ngɛ nyɛ dee nɛ ɔ nɛ. Ligbi ɔ nɛ Nyɔmtsɛ ɔ maa ba a, wɔ nihi nɛ wa hɛ ngɛ, nɛ wa maa hi wami mi kɛ mwɔɔ ɔ, wa be ni nɛmɛ nɛ gbo ɔ a hlami sɛe kɛ ya kpee lɛ.

Efesobi 2:12

Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.

2 Petro 3:4

Kikɛmɛ a nimli nɛ ɔmɛ ma de ke, “E wo si kaa e maa kpale kɛ ba ekohu, pi jã lo? Jije e ngɛ? Ejakaa kɛ je be nɛ wa nɛmɛ ɔmɛ gbo nɛ ɔ, bɔ nɛ níhi ngɛ kɛ je be mi nɛ a bɔ je ɔ, jã nɔuu nɛ a ngɛ nɛ ɔ nɛ.”

1 Korintobi 15:6

Jehanɛ, e jé e he kpo ngɔ tsɔɔ e se nyɛɛli maa pee lafa enuɔ kɛ se si kake. Nimli nɛ ɔmɛ a ti ni babauu ngɛ kɛ ba si mwɔnɛ ɔ, se ni komɛ hu gbo.

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

Ezekiel 37:11

Nyɔmtsɛ Yawɛ de mi ke, “Nɔmlɔ adesa, Israel ma a tsuo ngɛ kaa wu nɛ ɔmɛ. A ngɛ dee ke a gbli kadokado, nɛ a be hɛ nɔ kami ko kulaa; a kpata a hɛ mi pɛsɛpɛsɛ.

2 Korintobi 1:8

Nyɛmimɛ, amanehlu nɛ wa na ngɛ Asia a, wa sume kaa wa maa laa nyɛ nɔ́ ko. Wa na nɔ́ tsɔ pe bɔ nɛ wa ma nyɛ, nɛ wa hɛ be nɔ kaa wa maa hi je mi tete.

1 Korintobi 10:1

Ye nyɛmimɛ, i suɔ kaa ma kai nyɛ nɔ́ nɛ ba wa nɛmɛ ɔmɛ nɛ nyɛɛ Mose se ɔ a nɔ. Mɛ tsuo a hi bɔku ɔ sisi, nɛ mɛ tsuo a po Wo Tsu ɔ.

Romabi 1:13

Ye nyɛmimɛ, i suɔ nɛ nyɛɛ le kaa i pee ye yi mi si abɔ kaa ma ba slaa nyɛ, konɛ ma ná yiblii komɛ ngɛ nyɛ kpɛti kaa bɔ nɛ i ná ngɛ ma je li kpa amɛ a kpɛti ɔ. Se kɛ ba si amlɔ nɛ ɔ, i na we blɔ.

Ni Tsumi 13:36

David ɔ, benɛ e tsu nɔ́ nɛ Mawu to ha lɛ ke e ba tsu ngɛ e be ɔ mi gbe nya a, e gbo, nɛ a pu lɛ ngɛ he nɛ a pu e nɛmɛ ɔmɛ ngɛ ɔ, nɛ e puɛ.

Yohane 11:24

Marta he nɔ ke, “I le kaa nyagbe ligbi ɔ nɛ ni gbogboehi maa te si ɔ, e maa te si kɛ ba wami mi.”

2 Petro 3:8

Se ye nyɛmimɛ nɛ i suɔ! Nɔ́ kake nɛ nyɛ hɛ ko je nɔ ji kaa ngɛ Nyɔmtsɛ ɔ hɛ mi ɔ, ligbi kake ngɛ kaa jeha akpe, nɛ jeha akpe hu ngɛ kaa ligbi kake.

Ni Tsumi 8:2

Nyumuhi Mawu gbeye yeli komɛ ya dla Stefano gbogboe ɔ, nɛ a nyɛ ya ha lɛ kɛ awe nyami.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Matsɛmɛ I, 2:10

David ba gbo, nɛ a pu lɛ ngɛ David ma a mi.

Matsɛmɛ I, 1:21

Ke o pee we ja, nɛ hwɔɔ se o ba gbo ɔ, a kɛ imi, kɛ ye bi Salomo maa ye kaa nɔ se blɔ tsɔɔli.”

Mose III, 19:28

Ke nɔ ko gbo ɔ, nyɛ ko po nyɛ he ha, nɛ nyɛ ko ngmaangmaa nyɛ he kɛ ye kɔmɔ. Imi ji Yawɛ.

Mateo 27:52

nɛ yɔkɔhi a nya bli. Kɛkɛ nɛ Mawu bimɛ babauu nɛ gbo ɔ, a tle mɛ si kɛ ba wami mi ekohu.

1 Korintobi 12:1

Ye nyɛmimɛ! Jehanɛ lɛɛ i suɔ kaa i kɛ nyɛ maa tu munyu ngɛ nike níhi nɛ jeɔ Mumi Klɔuklɔu ɔ ngɔ ɔ a he. I suɔ kaa nyɛɛ le anɔkuale ɔ nɛ kɔɔ ní nɛ ɔmɛ a he.

Hiob 1:21

Hiob de ke, “Maa fɔ mi kɛ ba he gu, nɛ ma kpale kɛ ya he gu. Yawɛ lɛ ha, nɛ Yawɛ lɛ ba ngɔ kɛ ho. A je Yawɛ biɛ ɔ yi!”

Samuel II, 18:33

Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”

Mose I, 37:35

Yakob binyumu ɔmɛ, kɛ e biyi ɔmɛ tsuo ba ba wo lɛ bua, se e kplɛɛ we. E de ke, “Ma ye kɔmɔ hluu kɛ yaa si gbeje.” Nɛ e tsa nɔ nɛ e ye kɔmɔ ha e bi Yosef ɔ.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

1 Tesalonikabi 4:14

Wa heɔ yeɔ kaa Yesu gbo, nɛ e te si ekohu. Jã kɛ̃, wa heɔ yeɔ kaa ke Yesu ma a, Mawu maa ngɔ nihi nɛ gbo ɔ ngɔ piɛ e he kɛ ba.

1 Tesalonikabi 5:6

Lɔ ɔ he ɔ, wa ko hwɔ mahe kaa bɔ nɛ ni kpahi peeɔ ɔ; se mohu waa hi hɛ ngmengmle, nɛ wa hɛ mi nɛ ka si.

Mose III, 21:2

ja e he nɔ kɔklɔɔ kaa e nyɛ, e tsɛ, e binyumu, e biyo, loo e nyɛminyumu,