1 Tesalonikabi 4:11 - BAIBLO ALOO NGMAMI KLƆUKLƆU Ɔ

¹¹ Nyɛɛ bɔ mɔde nɛ nyɛɛ pee nyɛ he kpoo, nɛ nyɛɛ kɛ nyɛ he ko wo ni kpahi a sane mi. Nyɛɛ kɛ nyɛ nine nɛ tsu ní kaa bɔ nɛ wa de nyɛ ɔ.

Somi He Ɔ

¹¹ nɛ nyɛɛ bɔ mɔde nɛ nyɛɛ hi si kpoo nɛ nyɛɛ kɛ nyɛ he ko wo ni kpahi a sane mi, nɛ nyɛɛ kɛ nyɛ nine nɛ tsu ni, kaa bɔ nɛ wa de nyɛ ɔ,

1 Tesalonikabi 4:11 ပူးပေါင်းရင်းမြစ်များ

Efesobi 4:28

Nɔ nɛ juɔ ɔ, e ko ju hu. Se mohu e ngɔ e nguɛ nyɔngma kɛ tsu ní wawɛɛ konɛ e ná nɔ́ ko nɛ e kɛ ye bua nihi nɛ e fi mɛ.

Fiɛlɔ 4:6

Se afani nɔ́ ko bɔbɔyoo nɛ tue mi jɔmi ngɛ he pe nɛ o kɛ o nine enyɔ ma gbo yaka dengme kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

1 Petro 3:4

Se mohu, bɔ nɛ nyɛ ngɛ ha ngɛ nyɛ tsui mi ɔ, lɔ ɔ maa tsɔɔ nyɛ he fɛu ɔ nitsɛnitsɛ. Nɔmlɔ nɛ he jɔ, nɛ e ngɛ kpoo ɔ, e he fɛu nɛ tsakee we ɔ ji nɔ́ nɛ he jua wa saminya ngɛ Mawu hɛ mi.

Tito 3:14

Ha nɛ wa we bi ɔmɛ nɛ a kase bɔ nɛ a maa ngɔ a be kɛ tsu ní kpakpa ha. Kɛkɛ ɔ, ke fimi be ba a, nɔ́ ko be mɛ hiae; a ko pee a he nihi nɛ a he be se nami ko.

1 Timoteo 2:2

Nyɛɛ sɔle ha matsɛmɛ, kɛ nihi tsuo nɛ hɛɛ blɔ nya, konɛ wɔ nɛ wa ji Kristo we bi ɔ, waa pee wa he kpoo, nɛ waa hi si ngɛ tue mi jɔmi mi. Waa ye Mawu gbeye saminya, nɛ waa ba wa je mi bɔ nɛ sa.

Kɔmɔ Yemi 3:26

Lɔ ɔ he ɔ, e sa kaa waa to wa tsui si kɛ hyɛ Yawɛ blɔ, konɛ e he wa yi wami.

Abɛ Womi 17:1

Niye ní nya mi bɔ kake nɛ o maa ye ngɛ tue mi jɔmi mi ɔ, e hi kulaa pe okplɔɔ nguaa nɛ a tsɛ ngɛ we nɛ pɛ sɔuu lɛ ngɛ mi.

1 Korintobi 4:12

Waa kɛ wa nine nguɛ nyɔngma tsuɔ ní. Ke nihi ngɛ wɔ jɛe ɔ, wɔɔ lɛɛ wa gbaa mɛ; ke a ngɛ wɔ yi mi wae ɔ, wa toɔ wa tsui si.

1 Petro 4:15

Nyɛ ti nɔ ko nɔ ko kó na amanehlu kaa nɔmlɔ gbelɔ, aloo julɔ, aloo yayami peelɔ, aloo nɔ ko nɛ e kɛ e he woɔ ni kpahi a sanehi a mi.

1 Timoteo 5:13

Enɛ ɔ se hu a puɛɔ be kɛ hii nihi a we mi kpae. Nɔ́ nɛ pe enɛ ɔ po ji kaa a yeɔ sieku; a jeɔ si, nɛ a ngɔɔ a nya kɛ woɔ nihi a munyu mi; nɛ nɔ́ nɛ sɛ́ kaa a deɔ hu, a maa hi dee putɛputɛɛ.

2 Korintobi 5:9

Lɔ ɔ he ɔ, nɔmlɔ tso nɛ ɔ mi wa ngɛ jio, pe wa je mi nɛ wa ho ya piɛ Nyɔmtsɛ ɔ he jio, nɔ́ nɛ wa ngɔ ma wa hɛ mi ji kaa waa sa e hɛ mi.

Romabi 12:11

Nyɛ ko pee hejɔ, mohu nyɛɛ kɛ hɛdɔ nɛ tsu ní. Nyɛ sɔmɔ Nyɔmtsɛ ɔ kɛ nyɛ tsui tsuo.

Ni Tsumi 20:35

I ngɔ ní nɛ ɔmɛ tsuo kɛ to nyɛ okadi kaa jã nɛ e sa kaa a tsu ní nɛ a kɛ ye bua nihi nɛ be he wami ɔ, konɛ nyɛ kai Nyɔmtsɛ Yesu munyu nɛ lɛ nitsɛ e tu ɔ. E de ke, ‘Gbaami ngɛ nɔ́ hami mi pe nɔ́ sɔlemi mi.’ ”

Marko 13:34

E ngɛ kaa nyumu ko nɛ benɛ e maa doma a, e si e we ngɔ ha e tsɔli. E ha a ti nɔ tsuaa nɔ ní tsumi pɔtɛɛ nɛ e ma tsu. E de bulɔ ɔ ke e hyɛ we ɔ nɔ saminya.

Romabi 15:20

Nɔ́ pɔtɛɛ nɛ i kɛ ma ye hɛ mi ji kaa he nɛ a fiɛ we sane kpakpa a nɛ kɔɔ Kristo he ɔ ngɛ lolo ɔ, ma ya fiɛ ngɛ lejɛ ɔ. Kɛkɛ ɔ, nihi be dee ke i ngɛ tsu fiae kɛ ngɛ nɔ kpa sisi tomi nɔ mae.

Ni Tsumi 18:3

nɛ e kɛ mɛ ya hi si kɛ tsu ní; ejakaa bo tsu peemi ji a ní tsumi.

Abɛ Womi 17:14

Pɛ sisi jemi ngɛ kaa nyu nɛ a bli nya nɛ́ e be; lɔ ɔ he ɔ, benɛ nya sami ɔ mi wɛ lolo ɔ, moo ngmɛɛ he.