1 Tesalonikabi 3:5 - BAIBLO ALOO NGMAMI KLƆUKLƆU Ɔ

⁵ Kaa bɔ nɛ i de ɔ, benɛ i nyɛ we tsui tomi hu ɔ, e hia kaa ma tsɔ Timoteo nyɛ ngɔ, nɛ́ e ba hyɛ kaa nyɛ hemi kɛ yemi ɔ mi wa kɛ mwɔɔ lo. I ya ye gbeye kaa alini Abosiami ba ka nyɛ, nɛ e ha nɛ wa dengme nɛ wa gbo ɔ maa pee yaka.

Somi He Ɔ

⁵ Enɛ ɔ he je nɛ imi hu, benɛ i nyɛ we hu ɔ, i tsɔ konɛ ma kɛ le nyɛ hemi kɛ yemi ɔ, kaa alinɔ nɔ kalɔ ɔ ba ka nyɛ nɛ e ha wa dengme nɛ wa gbo ɔ pee yaka lo?

1 Tesalonikabi 3:5 ပူးပေါင်းရင်းမြစ်များ

Yesaya 49:4

Se imi lɛɛ, i de ke, “I gbo dengme yaka gu; i puɛ ye he wami tsuo yaka; i na we se ko.” Se kɛ̃ ɔ, Yawɛ, ye Mawu ɔ maa ye ye sane ɔ ha mi, e maa pee mi kpakpa.

Daniel 6:19

Makɛ ɔ, matsɛ ɔ te si momo, nɛ e pee esɔ kɛ ho jatahi a muɔ ɔ he ya.

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Ni Tsumi 15:36

Pee se ɔ, Paulo de Barnaba ke, “Ha waa kpale wa se kɛ ya mahi tsuo nɛ wa fiɛ Nyɔmtsɛ ɔ sɛ gbi ɔ ngɛ a mi ɔ. Wa ya slaa nyɛmimɛ ɔmɛ nɛ ngɛ lejɛ ɔmɛ, nɛ waa hyɛ bɔ nɛ a ngɛ nɔ yae ha.”

1 Korintobi 7:5

Nyumu kɛ e yo kó tsi a he nya kaa a kɛ a sibi be bɔmi nae. Lɛɛ ja eko ɔ, mɛ ni enyɔ ɔmɛ tsuo a kplɛɛ kaa a maa pee jã be kuku kɛkɛ, konɛ a na deka kɛ sɔle. Lɔ ɔ se ɔ, á bɔni bɔmi ekohu. Ke pi jã a, a be a he nɔ nyɛe maa ye hu, nɛ Satan maa ka mɛ.

2 Korintobi 2:11

I peeɔ enɛ ɔ, bɔ nɛ pee nɛ Abosiami nɛ ko na he wami ngɛ wa nɔ, ejakaa wa le gahi nɛ e toɔ.

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

Galatabi 2:2

Mawu lɛ je tsɔɔ mi kaa ma ya Yerusalem, nɛ i ya. I kɛ nihi nɛ a buu mɛ ɔ kɔklɔɔ ya kpe, nɛ sɛ gbi nɛ i ngɛ fiɛe ha ma je li ɔmɛ ɔ, i tsɔɔ mɛ nya, bɔ nɛ pee nɛ ní tsumi nɛ i tsu kɛ sɛ hlami, kɛ nɔ́ nɛ i ngɛ tsue amlɔ nɛ ɔ pee yaka.

Galatabi 4:11

E peeɔ mi kaa dengme tsuo nɛ i gbo ngɛ nyɛ he ɔ miɔ nɛ e pee yaka.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Filipibi 2:16

Ke nyɛ hɛɛ sane kpakpa a nɛ haa nɔ wami ɔ mi wawɛɛ ɔ, lɔ ɔ lɛɛ ligbi ɔ nɛ Kristo maa ba a, ma nyɛ ma fĩa kaa fo nɛ i tu, aloo dengme nɛ i gbo kɛ tsu nyɛ he ní ɔ pee we yaka.

Filipibi 2:19

Ke Nyɔmtsɛ ɔ maa suɔ ɔ, e be kɛe kulaa nɛ ma tsɔ Timoteo kɛ ba nyɛ ngɔ. Kɛkɛ ɔ, ke i nu nyɛ he ɔ, ye nɔ gbagba maa te.

1 Tesalonikabi 2:1

Nyɛmimɛ, nyɛ nitsɛmɛ nyɛ le kaa slaami nɛ wa ba slaa nyɛ ɔ pee we yaka.

1 Tesalonikabi 3:6

Amlɔ nɛ ɔ, Timoteo kpale kɛ ba, nɛ e ba bɔ wɔ amaniɛ saminyayoo nɛ kɔɔ nyɛ hemi kɛ yemi, kɛ nyɛ suɔmi ɔ he. E ba de wɔ ke nyɛ susuɔ wa he daa nɛ, nɛ nyɛ hɛ jaa ngɛ wa he kaa bɔ nɛ wɔ hu wa hɛ jaa ngɛ nyɛ he ɔ.