1 Tesalonikabi 3:10 - BAIBLO ALOO NGMAMI KLƆUKLƆU Ɔ

¹⁰ Daa nyɔ kɛ pia a, wa kpaa lɛ pɛɛ kɛ wa tsui tsuo kaa waa na nyɛ hɛ mi kɛ hɛ mi, konɛ waa wo nyɛ hemi kɛ yemi ɔ mi he wami.

Somi He Ɔ

¹⁰ Nyɔ kɛ pia kulaa wa kpaa pɛɛ babauu, konɛ waa na nyɛ hɛ mi nɛ wa ha nyɛ nɔ nɛ piɛ ngɛ nyɛ hemi kɛ yemi ɔ mi ɔ.

1 Tesalonikabi 3:10 ပူးပေါင်းရင်းမြစ်များ

2 Korintobi 13:9

Ke wa gbɔjɔ, nɛ nyɛɛ lɛɛ nyɛ ngɛ he wami ɔ, wa naa bua jɔmi. Enɛ ɔ he je nɛ wa ngɛ Mawu pɛɛ kpae ha nyɛ ɔ nɛ, konɛ nyɛɛ ya nɔ nɛ nyɛɛ hi kɛ pi si.

1 Tesalonikabi 3:11

Wa Tsɛ Mawu ɔ nitsɛ, kɛ wa Nyɔmtsɛ Yesu nɛ a bli blɔ ha wɔ nɛ waa ba nyɛ ngɔ ekohu.

2 Korintobi 1:24

Wa sume kaa wa maa nyɛ nyɛ nɔ nɛ waa tsɔɔ nɔ́ nɛ sa nɛ nyɛ he ye; wa le kaa nyɛ hɛɛ hemi kɛ yemi ɔ mi wawɛɛ. Mohu ɔ, waa kɛ nyɛ ngɛ ní tsue, konɛ nyɛ na bua jɔmi.

2 Timoteo 1:3

Mawu ɔ nɛ i ngɛ sɔmɔe kɛ ye tsui tsuo kaa bɔ nɛ ye nɛmɛ ɔmɛ pee ɔ, i naa lɛ si. Daa nyɔ kɛ pia ke i ngɛ sɔlee ɔ, i kaiɔ mo.

2 Tesalonikabi 1:11

Enɛ ɔ he je ɔ, daa nɛ ɔ, wa kpaa Mawu pɛɛ ha nyɛ, konɛ nyɛ je mi bami nɛ sa nɔ́ nɛ he nɛ e tsɛ nyɛ ngɛ ɔ. Kɛkɛ ɔ, e maa wo nyɛ hemi kɛ yemi mi he wami, nɛ ní kpakpahi nɛ nyɛ to kaa nyɛ maa pee ɔ, nyɛ maa pee.

Filipibi 1:25

I heɔ enɛ ɔ yeɔ, lɔ ɔ he ɔ, i le kaa i kɛ nyɛ tsuo maa hi si, konɛ ma piɛ nyɛ he, nɛ nyɛ hemi kɛ yemi mi nɛ wa, nɛ nyɛ na bua jɔmi.

2 Korintobi 1:15

Kikɛmɛ a ní nɛ ɔmɛ nɛ i le saminya a a he je nɛ i to ye yi mi kekle ɔ kaa ma ba slaa nyɛ, konɛ nyɛ na gbaami ɔ si enyɔ.

Ni Tsumi 26:7

Wa wɛtso nyɔngma kɛ enyɔ ɔmɛ a hɛ ngɛ siwo nɛ ɔ nɔ. Enɛ ɔ he je nɛ a jaa Mawu saminya nyɔ kɛ pia, konɛ a nine nɛ su Mawu siwo ɔ nɔ. Nɛnɛ, kikɛmɛ a hɛ kɛ nɔ fɔmi nɛ ɔ he je nɛ Yuda bi ɔmɛ ngɛ ye nya poe nɛ ɔ nɛ!

Filemon 1:22

E piɛ nɔ́ kake; ma suɔ hu nɛ o dla nibwɔhi a to he ko kɛ ha mi. Ejakaa ye hɛ ngɛ nɔ kaa bɔ nɛ nyɛ kulaa nyɛ ngɛ kue fae ɔ, Mawu maa pee nɛ ma kpale kɛ ba nyɛ ngɔ ekohu.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

Kolosebi 1:28

Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.

Luka 2:37

nɛ e ba pee yalɔyo hluu kɛ ya si e ye jeha nyingmi kpaanyɔ kɛ eywiɛ. Yo nɛ ɔ nane pui ngɛ sɔlemi we ɔ; nyɔ kɛ pia tsuo e ngɛ Mawu jae kɛ hwɔ hami, kɛ kue fami.

Kpojemi 4:8

Hɛ kali eywiɛ ɔmɛ a ti nɔ tsuaa nɔ ngɛ pɛli ekpa, nɛ a mi mi je kɛ kpo nɔ je tsuo hɛngmɛ sɔuu. Nɛ nyɔ kɛ pia tsuo ɔ, a hii lae nɛ a kpa we ke, “Klɔuklɔu, klɔuklɔu, klɔuklɔu ji Nyɔmtsɛ Mawu Ope, nɔ nɛ ngɛ sa a, nɛ e ngɛ amlɔ nɛ ɔ, nɛ́ e maa ba a.”

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

Kpojemi 7:15

Enɛ ɔ he je nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ e sɔlemi we ɔ nɛ. Nɔ nɛ hii si ngɛ matsɛ sɛ ɔ nɔ ɔ maa baa a yi.

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.