1 Tesalonikabi 2:6 - BAIBLO ALOO NGMAMI KLƆUKLƆU Ɔ

⁶ Wa bɛ, konɛ nimli ba wo wa hɛ mi nyami, nyɛ jio, ni kpahi jio.

Somi He Ɔ

⁶ jehanɛ wa hla we nimli a hɛ mi nyami ngɛ nyɛ ngɔ aloo ni kpa komɛ a ngɔ,

1 Tesalonikabi 2:6 ပူးပေါင်းရင်းမြစ်များ

Ester 1:4

E jé e matsɛ we ɔ mi afɛu níhi, kɛ hɛ mi nyami, kɛ agboje babauu kpo kɛ tsɔɔ ni ɔmɛ nyɔhiɔ ekpa sɔuu.

Ester 5:11

E fĩa kɛ tsɔɔ mɛ bɔ nɛ e na ní kpɔtɔɔ ha, binyumuhi abɔ nɛ e ngɛ, bɔ nɛ matsɛ ɔ wó e nɔ gojoo ngɛ nɔ yemi he ɔ, kɛ bɔ nɛ e he hia pe matsɛ ɔ ganɔ ɔmɛ, kɛ tsɔli kpa amɛ tsuo.

Abɛ Womi 25:27

Hwo babauu yemi hí; lɔ ɔ he ɔ, ko hla yi jemi kɛ be nɔ.

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Yohane 12:43

A suɔ kaa a sa nimli a hɛ mi pe nɛ a maa pee nɔ nɛ sa Mawu hɛ mi.

Yohane 5:41

“I hla we nimli a hɛ mi nyami.

Yohane 5:44

Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Yohane 7:18

Ke nɔ ko tuɔ munyu ngɛ lɛ nitsɛ e he wami nya a, e ngɛ hɛ mi nyami hlae ha e he. Se anɔkualetsɛ lɛɛ e hlaa kaa e maa wo nɔ nɛ tsɔ lɛ ɔ mohu hɛ mi nyami, nɛ sisimi be e mi.

1 Korintobi 11:9

Jehanɛ hu, a bɔɛ nyumu ha we yo, se yo mohu nɛ a bɔ ha nyumu.

2 Korintobi 13:10

Enɛ ɔ he hu lɛ i ngɛ nyɛ womi nɛ ɔ ngmae benɛ i be nyɛ ngɔ ɔ nɛ. Kɛkɛ ɔ, ke i ba a, e be hiae kaa i kɛ nyɛ nɛ ye wawɛɛ. He wami nɛ Nyɔmtsɛ ɔ ha mi ɔ, pi nɛ ma kɛ kpata nyɛ hɛ mi, se mohu nɛ ma kɛ ye bua nyɛ.

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

Galatabi 5:26

Wa ko wó wa he nɔ; wa ko wo wa sibi a mi mi la, nɛ wa hɛ ko kɔ wa sibi a nɔ hulɔ.

Galatabi 6:13

Nihi nɛ a kusumi ji kaa a po mɛ ɔ, mɛ nitsɛmɛ po a yi mlaa a nɔ. A ngɛ hlae kɛkɛ nɛ a fĩa kaa mɛ lɛ a pee lɛ nyɛ kplɛɛ nɛ a po nyɛ.

1 Tesalonikabi 2:9

Nyɛmimɛ, nyɛ ma kai bɔ nɛ wa tsu ní kɛ pɔtɔ! Benɛ wa ngɛ Mawu sane kpakpa a fiɛe kɛ ngɛ nyɛ hae ɔ, wa ngɛ ní tsue nyɔ kɛ pia, konɛ wa ko pee tlomi ngɔ ha nyɛ ti nɔ ko.

1 Timoteo 5:17

Asafo nikɔtɔmahi nɛ tsuɔ ní saminya, titli ni nɛmɛ nɛ fiɛɔ, nɛ a tsɔɔ ní hulɔ ɔ, a hyɛ nɛ a wo a hɛ mi nyami totoe enyɔ.