1 Tesalonikabi 2:5 - BAIBLO ALOO NGMAMI KLƆUKLƆU Ɔ

⁵ Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!

Somi He Ɔ

⁵ Ejakaa wa tu we nya mi ngɔngɔɛ munyu ko hyɛ, kaa bɔ nɛ nyɛ le ɔ, nɛ wa to we hɛ tsumi he lakpa ko hulɔ, Mawu ji odase;

1 Tesalonikabi 2:5 ပူးပေါင်းရင်းမြစ်များ

2 Korintobi 12:17

Kɛkɛɛ? Nihi nɛ i tsɔ kɛ ba nyɛ ngɔ ɔ, anɛ i gu a ti nɔ ko nɔ kɛ sisi nyɛ lo?

Romabi 1:9

Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

Ni Tsumi 20:33

Ye hɛ kɔɛ nyɛ ti nɔ ko sika hiɔ, loo sika tsu, loo tade nɔ.

Galatabi 1:20

Nɔ́ nɛ i ngɛ nyɛ ngmae nɛ ɔ, Mawu ji ye we odase kaa i yi lakpa.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

2 Korintobi 7:2

Nyɛ je nyɛ suɔmi kpo kɛ tsɔɔ wɔ! Wa pee we nɔ ko yayami; wa kpataa we nɔ ko nane, nɛ wa sisi we nɔ ko hulɔ.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

1 Timoteo 3:8

Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Romabi 9:1

Anɔkuale i ngɛ tue ngɛ Kristo mi, nɛ ye he nile maa nɔ mi ngɛ Mumi Klɔuklɔu ɔ mi kaa nɔ́ nɛ i ngɛ dee ɔ, i yi lakpa.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Mateo 22:16

Kɛkɛ nɛ a tsɔ a kaseli ɔmɛ a ti ni komɛ, kɛ Herode we bi komɛ kɛ ba e ngɔ. A ba de lɛ ke, “Tsɔɔlɔ, wa le kaa anɔkualetsɛ ji mo. Bɔ nɛ Mawu suɔ kaa adesa nɛ hi si ɔ, o tsɔɔ pɛpɛɛpɛ nɛ o yi nɔ ko nɔ ko gbeye; ejakaa o hyɛ we nimli a hɛ mi.

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Mika 3:5

Nyɛ lakpa gbali nɛ nyɛ ngɛ ye ma a sisie! Nyɛ nɛ nyɛ gbaa he jɔmi kɛ haa nihi nɛ haa nyɛ ní nɛ nyɛ yeɔ; nɛ nyɛ woɔ ni nɛmɛ nɛ ha we nyɛ nɔ́ ko ɔ a susuma he gbeye! Bɔ nɛ Yawɛ ngɛ nyɛ dee ji nɛ ɔ nɛ,

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yesaya 56:11

A ngɛ kaa gbehi nɛ li tɔ biɛ! Ma nɔ yeli nɛ ɔmɛ be juɛmi kokooko! Nɔ tsuaa nɔ peeɔ nɔ́ nɛ e suɔ; mɛ nitsɛmɛ a se nami pɛ a hlaa.

Yesaya 30:10

A deɔ gbali ɔmɛ ke, “Nyɛ ko na ní; nyɛɛ gba ní kpakpahi mohu ha wɔ. Nyɛɛ kɛ wɔ nɛ tu munyu nɛ maa ngɔ ngɛ wa tue mi; ke sisimi munyuhi pohu wa suɔ.

Abɛ Womi 28:23

Nɔ nɛ kaa nɔ hɛ mi ɔ, pee se ɔ, e naa yi jemi kulaa pe nɔ nɛ kɛ munyu ngɔngɔɛ gbeɔ e nyɛmi yi mi.

Abɛ Womi 20:19

Nɔmlɔ nɛ e lilɛ hwɔ we si, nɛ e hii nihi a he munyu tue kɛ hii nyɛɛe ɔ, jeɔ laami sanehi kpo. Nɔ nɛ tuɔ munyu puu kikɛ nɛ ɔ, o kɛ lɛ ko bɔ.

Hiob 17:5

Nimeli ke, “Nɔ nɛ tsɔɔ e huɛmɛ a se blɔ, nɛ e nine suu a weto ní nɔ ɔ, e bimɛ a hɛngmɛ ma yu.”

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Abɛ Womi 26:28

Lakpatsɛ nyɛɔ nihi nɛ e ye a he lakpa a. Munyu dɔkɔbii tulɔ puɛɔ nɔ́.

Hiob 16:19

Amlɔ nɛ ɔ tete po, ye we odase ngɛ hiɔwe; nɔ nɛ ma fa ye he ɔ ngɛ hiɔwe lokoo.