1 Tesalonikabi 2:2 - BAIBLO ALOO NGMAMI KLƆUKLƆU Ɔ

² Nyɛ le bɔ nɛ a wa wɔ yi mi, nɛ a jɛ wɔ kɛ pue wa hɛ mi si ngɛ Filipi loko wa ba nyɛ ngɔ ngɛ Tesalonika a. E ngɛ mi kaa níhi fuu ka wɔ blɔ tsimi, se wa Mawu ɔ wo wɔ kã kaa wa ba fiɛ e sane kpakpa a ngɔ tsɔɔ nyɛ.

Somi He Ɔ

² se mohu wa na ka ngɛ wa Mawu ɔ mi, nɛ waa kɛ fiɛ Mawu sane kpakpa a tsɔɔ nyɛ ngɛ nya tsimi babauu mi; pohu wa na nɔ kɛ be, nɛ a wa wɔ yi mi hulɔ ngɛ Filipi, kaa bɔ nɛ nyɛ le ɔ.

1 Tesalonikabi 2:2 ပူးပေါင်းရင်းမြစ်များ

Ni Tsumi 14:3

Se kɛ̃ ɔ, bɔfo ɔmɛ a se kɛ ngɛ lejɛ ɔ; nɛ a kɛ kã fiɛ Nyɔmtsɛ Yesu he munyu ɔ. Nyɔmtsɛ ɔ hu piɛ bɔfo ɔmɛ a he, nɛ a pee nyakpɛ níhi, kɛ okadihi babauu kɛ tsɔɔ kaa a munyu ɔ ngɛ mi niinɛ.

Ni Tsumi 14:5

Jehanɛ ma je li ɔmɛ, kɛ Yuda bi ɔmɛ, kɛ a nikɔtɔma amɛ to a yi mi kaa a maa pee bɔfo ɔmɛ soisoi, nɛ a fia mɛ tɛ.

Ni Tsumi 16:12

Benɛ wa je lejɛ ɔ, wa tsa nɔ kɛ ya su Filipi, Makedonia zugba a nɔ ma nguaa ko nɛ ji Roma bi a nɔ yemi he. Wa hi ma nɛ ɔ mi be saii.

Ni Tsumi 16:19

Benɛ e nyɔmtsɛmɛ ɔmɛ na kaa blɔ nɔ nɛ a guu kɛ naa sika a se po ɔ, a nu Paulo kɛ Sila kã nya, nɛ a gbla mɛ ya ha ma nimeli ɔmɛ ngɛ he nɛ ma a kpee ngɛ ɔ.

Ni Tsumi 16:37

Se Paulo de ma he buli ɔmɛ ke, “Hyɛ, nɔ ko bui wɔ fɔ, se wɔ Roma bi ɔ, a fia wɔ kpa ngɛ ma hɛ mi. Lɔ ɔ se ɔ, a wo wɔ tsu, nɛ jehanɛ a ngɛ hlae nɛ a ngmɛɛ wa he nigii nɛ waa ho lo? Dɛbi! Mɛ nitsɛmɛ a ba nɛ a ba je wɔ.”

Ni Tsumi 17:1

Paulo kɛ Sila pue nɔ kɛ ya gu Amfipoli kɛ Apolonia, nɛ a ba Tesalonika, he nɛ Yuda bi ɔmɛ a kpe he ko ngɛ ɔ.

Ni Tsumi 17:17

Lɔ ɔ he ɔ, daa ligbi ɔ, e kɛ Yuda bi, kɛ Hela bi nɛ ba he Mawu ye ɔ ba hlaa ní a mi ngɛ kpe he ɔ. E kɛ nihi ya buaa ngɛ ma nɔ hulɔ kɛ hlaa ní a mi ja nɔuu.

Ni Tsumi 19:8

Paulo ye nyɔhiɔ etɛ sɔuu ngɛ lejɛ ɔ, nɛ e kɛ kã tu munyu kɛ tsɔɔ mɛ ní ngɛ kpe he ɔ. E bɔ mɔde kaa e ma ha nɛ a le Mawu matsɛ yemi ɔ he sane ɔ.

Ni Tsumi 4:13

Benɛ kpe ngua a mi bi ɔmɛ na kã nɛ Petro kɛ Yohane pee, nɛ a ná le hu kaa nimli gu kɛkɛ ji mɛ, se pi womi mi leli ɔ, a he mi po. A kɔ se kaa a kɛ Yesu hi si.

Ni Tsumi 4:20

Ejakaa wɔɔ lɛɛ, níhi nɛ wa na, kɛ níhi nɛ wa nu ɔ, wa be nyɛe ma ma wa nya ngɔ to nɔ kaa ja wa de.”

Ni Tsumi 4:31

Benɛ a sɔle kikɛ ɔ, he nɛ a bua ngɛ ɔ mimiɛ, nɛ Mumi Klɔuklɔu ɔ ba mɛ tsuo a nɔ saminya, nɛ a ngɔ kã kɛ jaje Mawu munyu ɔ.

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

Romabi 1:1

Imi Paulo, Yesu Kristo tsɔlɔ kɛ bɔfo nɛ Mawu hla nɛ e tsɔ ke ma ya fiɛ sane kpakpa a nɛ i ngɛ womi nɛ ɔ ngmae.

2 Korintobi 3:12

Akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa tuɔ munyu kɛ kã.

Kolosebi 2:1

Dengme babauu nɛ i gbo ngɛ nyɛɛ kɛ nihi nɛ ngɛ Laodikea, kɛ jehanɛ ni nɛmɛ nɛ li mi hɛ mi kɛ hɛ mi po ɔ tsuo nyɛ he ɔ, i suɔ kaa nyɛɛ le.

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Yuda 1:3

Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.