1 Tesalonikabi 2:17 - BAIBLO ALOO NGMAMI KLƆUKLƆU Ɔ

¹⁷ Nyɛmimɛ, e ngɛ mi kaa wa si nyɛ, nɛ waa kɛ nyɛ mi gba be kpiti ko ngɛ he lo mi, se wa hɛ ji nyɛ nɔ. Hɛja sɔuu ha nɛ wa bɔ mɔde wawɛɛ kaa waa na nyɛ hɛ mi ekohu.

Somi He Ɔ

¹⁷ Se wɔɔ lɛɛ, mamimɛ, akɛnɛ waa kɛ nyɛ mi gba be kpiti ko ngɛ he lo mi se pi tsui mi he je ɔ, waa kɛ hɛja babauu bɔ mɔde nitsɛ konɛ waa na nyɛ hɛ mi ekohu.

1 Tesalonikabi 2:17 ပူးပေါင်းရင်းမြစ်များ

Kolosebi 2:5

E ngɛ mi kaa he lo mi ɔ, i be nyɛ ngɔ lɛɛ, se mumi mi ɔ, i kɛ nyɛ ngɛ. Ke i hyɛ bɔ nɛ nyɛ toɔ níhi blɔ nya saminya, kɛ bɔ nɛ nyɛ fi si kpɛii ngɛ hemi kɛ yemi nɛ nyɛ ngɛ ngɛ Kristo mi ɔ mi ɔ, e peeɔ mi bua jɔmi.

1 Korintobi 5:3

E ngɛ mi kaa i be nyɛ ngɔ ngɛ nɔmlɔ tso mi mohu, se mumi mi lɛɛ i kɛ nyɛ lɛ ngɛ. Nɔmlɔ nɛ tsu kikɛmɛ a ahlua ní nɛ ɔ ɔ, i bu lɛ fɔ momo ngɛ Nyɔmtsɛ Yesu Kristo biɛ mi kaa nɔ́ nɛ i ngɛ nyɛ kpɛti. Ke nyɛ kpe nɛ ye mumi piɛ nyɛ he ngɛ Yesu Kristo he wami nya a,

1 Tesalonikabi 3:6

Amlɔ nɛ ɔ, Timoteo kpale kɛ ba, nɛ e ba bɔ wɔ amaniɛ saminyayoo nɛ kɔɔ nyɛ hemi kɛ yemi, kɛ nyɛ suɔmi ɔ he. E ba de wɔ ke nyɛ susuɔ wa he daa nɛ, nɛ nyɛ hɛ jaa ngɛ wa he kaa bɔ nɛ wɔ hu wa hɛ jaa ngɛ nyɛ he ɔ.

Romabi 1:13

Ye nyɛmimɛ, i suɔ nɛ nyɛɛ le kaa i pee ye yi mi si abɔ kaa ma ba slaa nyɛ, konɛ ma ná yiblii komɛ ngɛ nyɛ kpɛti kaa bɔ nɛ i ná ngɛ ma je li kpa amɛ a kpɛti ɔ. Se kɛ ba si amlɔ nɛ ɔ, i na we blɔ.

Romabi 15:23

Se amlɔ nɛ ɔ nɛ i be nɔ́ ko peemi ngɛ hiɛ ɔ ni ɔmɛ a mi hu nɛ ɔ, ma ba su nyɛ ngɔ kaa bɔ nɛ i hla nɛ ma pee be babauu ji nɛ ɔ.

Luka 22:15

E de mɛ ke, “I kɛ he hiami hyɛ blɔ wawɛɛ kaa i kɛ nyɛ maa ye Hetsɔmi niye ní nɛ ɔ loko ma na amanehlu!

La 63:1

Mawu lee, niinɛ, mo ji ye Mawu; i ngɛ mo hlae kɛ ye tsui tsuo nɛ ma na; o he kuma ngɛ mi yee kaa zugba nɛ gbli kadokado nɛ ngɛ nyu hlae!

Ni Tsumi 17:10

Benɛ je jɔ pɛ nɛ nyɛmimɛ ɔmɛ wo Paulo kɛ Sila blɔ kɛ ho Beroya ya. Benɛ a su lejɛ ɔ, a be kɛ ho kpe he ɔ ya.

Matsɛmɛ II, 5:26

Se Elisha de lɛ ke, “Anɛ benɛ nyumu ɔ kple si kɛ je e zugba lɛ ɔ mi nɛ e kɛ mo ba kpe ɔ, i be lejɛ ɔ ngɛ mumi mi lo? Anɛ be nɛ a kɛ heɔ sika, loo tadehi, loo oliv abɔɔhi, loo wai ngmɔhi, loo tohi, loo nahi, loo mawahi ji nɛ ɔ lo?

Samuel II, 13:39

Se benɛ kɔɔhiɔ fia Amnon gbenɔ ɔ mi bɔɔ ɔ, David hɛ ja ngɛ Absalom he; nɛ e ná nɛ e na lɛ ekohu.

Mose I, 48:11

Yakob de Yosef ke, “Jinɛ i susuu we kaa ma na o hɛ mi ekohu; se hyɛ, o bimɛ pohu Mawu ha nɛ i ba na mɛ.”

Mose I, 45:28

Yakob de ke, “Ye bi Yosef ngɛ je mi kɛ mwɔɔ! Enɛ ɔ kɛkɛ hiɛ ha mi! Ma ya nɛ ma ya na e hɛ mi loko ma gbo.”

Mose I, 31:30

I le kaa o hɛ ngɛ jae ngɛ we he, nɛ lɔ ɔ he o je ɔ nɛ. Se mɛni he je o ju ye wɔ ɔmɛ kɛ je?”

Luka 12:58

Ke nɔ ko po o nya, nɛ e ngɔ mo kɛ yaa kojomi he ɔ, bɔɔ mɔde nɛ o kɛ lɛ nɛ kpata ngɛ blɔ ɔ nɔ. Ke pi ja a, e maa sã mo ya ha kojolɔ ɔ, nɛ kojolɔ ɔ hu maa ngɔ mo ha polisi ɔ, nɛ a maa wo mo tsu.