1 Tesalonikabi 2:16 - BAIBLO ALOO NGMAMI KLƆUKLƆU Ɔ

¹⁶ Ma je li tete po a ke wa ko fiɛ ha mɛ, konɛ a ko he a yi wami. Lɔ ɔ he ɔ, yayami ɔ, pe a ngɛ pee kɛ ngɛ nɔ toe babauu daa ligbi. Se jehanɛ lɛɛ Mawu kɛ e mi mi fumi ɔ kple a nɔ!

Somi He Ɔ

¹⁶ nihi nɛ tsiɔ wɔ blɔ hulɔ kaa wa ko tu munyu ngɔ tsɔɔ maje li ɔmɛ konɛ a he a yi wami. Enɛ ɔ a kɛ woɔ a he yayami ɔmɛ fuu tɔ daa nɔ; se jehanɛ Mawu mi mi fumi na mɛ.

1 Tesalonikabi 2:16 ပူးပေါင်းရင်းမြစ်များ

Ni Tsumi 17:13

Se benɛ Yuda bi nɛ ngɛ Tesalonika a nu kaa Paulo ya fiɛ Mawu munyu ɔ ngɛ Beroya hulɔ ɔ, a ba lejɛ ɔ, nɛ a ba bɔni ni ɔmɛ a yi mi womi, konɛ a pee basabasa.

Ni Tsumi 14:19

Yuda bi komɛ je Antiokia ngɛ Pisidia, kɛ Ikoniom kɛ ba lejɛ ɔ ba wo ni ɔmɛ a yi mi, nɛ a fia Paulo tɛ; a sã lɛ si kɛ je ma a mi, nɛ a susu kaa e gbo.

Marko 16:16

Nɔ tsuaa nɔ nɛ ma he ye, nɛ a maa sɔle lɛ ɔ, a ma he e yi wami; se nɔ nɛ he we yi ɔ, a maa bu lɛ fɔ.

Mateo 23:32

Lɔ ɔ he ɔ, nyɛɛ ya nɔ! Ní tsumi nɛ nyɛ nɛmɛ ɔmɛ je sisi ɔ, nyɛ tsu kɛ gbe nya!

2 Tesalonikabi 2:10

E maa gu yi wu tso ga blɔ nɔ kɛ sisi nihi nɛ a hɛ mi ma kpata a. Ee, a hɛ mi ma kpata, ejakaa a sume nɛ a ngɔ anɔkuale ɔ, konɛ a he a yi wami.

Galatabi 5:11

Ye nyɛmimɛ, ke i ngɛ fiɛe kɛ mwɔɔ ke e hia nɛ a po nɔ doo ɔ, lɛɛ mɛni he je a ngɛ mi yi mi wae kpamisa mɔ? Ke ja ji sane ɔ, lɛɛ Kristo sɛumi tso ɔ he sane ɔ nɛ i ngɛ fiɛe ɔ, e sɛ́ kaa e haoɔ nɔ ko.

Ni Tsumi 14:5

Jehanɛ ma je li ɔmɛ, kɛ Yuda bi ɔmɛ, kɛ a nikɔtɔma amɛ to a yi mi kaa a maa pee bɔfo ɔmɛ soisoi, nɛ a fia mɛ tɛ.

Ni Tsumi 13:50

Se Yuda bi ɔmɛ wo ma nimeli ɔmɛ, kɛ ma je li yihi Mawu jali nɛ ngɛ biɛ ɔ a yi mi, nɛ a te si kɛ wo Paulo kɛ Barnaba. A wa mɛ yi mi, nɛ a fie mɛ kɛ je a kpokpa amɛ a nɔ.

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

1 Timoteo 2:4

Ejakaa Mawu suɔ kaa nimli tsuo nɛ le anɔkuale ɔ, konɛ a he a yi wami.

Ni Tsumi 13:45

Se benɛ Yuda bi ɔmɛ na ma kpekpemi ɔ, hunga jemi sɛ a mi. A tu munyu yaya kɛ bɔ musu kɛ si Paulo, kɛ níhi nɛ e ngɛ dee ɔ.

Mateo 12:45

Kɛkɛ ɔ, e yaa nɛ e ya ngɔɔ mumi kpa kpaago kɛ baa, nɛ e kɛ mɛ ba hii lejɛ ɔ. Mumi yayamihi nɛ pe lɛ nitsɛ po ji mumi nɛ ɔmɛ. Nɔmlɔ nɛ ɔ nyagbe si himi ɔ ba peeɔ haomi kulaa pe sisije ɔ po. Yi nɔ nɛ ɔ bi yayami peeli nɛ ɔmɛ ɔ, nɔ́ nɛ maa ba mɛ hu a nɔ ji nɛ ɔ nɛ.”

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Malaki 4:5

“Se loko Yawɛ ligbi nguaa a nɛ he ngɛ gbeye ɔ maa su ɔ, ma tsɔ gbalɔ Eliya kɛ ba nyɛ ngɔ.

Mose I, 15:16

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”

Kpojemi 22:11

Lɔ ɔ he ɔ, yayami peelɔ ɔ, e ya nɔ nɛ e pee yayami; mutsɛ ɔ, e ya nɔ nɛ e wo e he mu; nɔmlɔ kpakpa a, e ya nɔ nɛ e pee kpakpa, nɛ nɔ nɛ ngɛ klɔuklɔu ɔ, e ya nɔ nɛ e pee e he klɔuklɔu.”

Hebribi 6:8

Se ke mio, kɛ hu lɛ puɛɔ ngɛ nɔ ɔ, lɛɛ se nami ko be he kulaa. Mawu maa gbiɛ zugba a, nɛ nyagbe ɔ, a kɛ la maa sã lɛ.

1 Tesalonikabi 1:10

Mawu Bi Yesu ɔ nɛ Mawu tle lɛ si kɛ je gbeje ɔ, a tsɔɔ kaa nyɛ ngɛ lɛ blɔ hyɛe kaa e maa je hiɔwe kɛ ba ekohu. Lɛ ji nɔ nɛ ma je wɔ kɛ je tue gblami nɛ ma a mi.

Efesobi 3:13

Lɔ ɔ he ɔ, i kpa nyɛ pɛɛ, nyɛ ko ye nyɛ tsui kaa i ngɛ nɔ́ nae ngɛ nyɛ he. I ngɛ nɔ́ nae, konɛ nyɛɛ lɛɛ nyɛ hɛ mi nɛ ba nyami.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Ni Tsumi 19:9

Se ni komɛ wa tue, nɛ a he we yi; nɛ ngɛ ni ɔmɛ tsuo a hɛ mi ɔ, a tu munyu yaya kɛ si Nyɔmtsɛ ɔ blɔ ɔ. Lɔ ɔ he ɔ, Paulo je a he nɛ e je kaseli ɔmɛ kɛ je a kpɛti; nɛ daa nɛ ɔ, e kɛ nihi ya hlaa níhi a mi ngɛ nɔ ko nɛ a tsɛɛ lɛ Tirano ɔ ni kasemi he.

Ni Tsumi 14:2

Se Yuda bi nɛ he we Yesu yi ɔ puɛ ma je li ɔmɛ a tue, nɛ a sú mɛ ngɔ wo nyɛmimɛ ɔmɛ nɛ he ye ɔ a he.

Ni Tsumi 4:12

Lɛ nɔ kake too pɛ lɛ ma nyɛ ma he nimli a yi wami. E se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”

Mateo 24:14

Nɛ sane kpakpa nɛ ɔ nɛ kɔɔ matsɛ yemi ɔ he ɔ, a maa fiɛ kɛ kpa je ɔ mi tsuo, bɔ nɛ pee nɛ je ma amɛ tsuo nɛ a nu; nɛ lɔ ɔ se loko nyagbe ɔ maa ba.

Mateo 24:6

Nyɛ maa nu tahi a he, kɛ akeake hu nɛ ngɛ pɛe ngɛ tahi a he. Se nyɛ tsui ko po. Ja ní nɛ ɔmɛ tsuo ba mi; se kɛ̃, lɔ ɔ tsɔɔ we kaa nyagbe ɔ su ta.

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

Daniel 8:23

“Ke matsɛ yemi nɛ ɔmɛ a nyagbe be ɔ su ta, nɛ a yayami ɔ mi ba wa bɔ nɛ e sa kaa a gbla a tue ɔ, matsɛ ko ma ba te si. Matsɛ nɛ ɔ maa pee yiwutsotsɛ kɛ nɔ sisilɔ nɛ maa wa tue.

Ni Tsumi 9:23

Be saii se ɔ, Yuda bi ɔmɛ ya so Saulo yi nɔ kaa a maa gbe lɛ.

Ni Tsumi 21:21

A nu kaa Yuda bi tsuo nɛ ngɛ ma je li ɔmɛ a kpɛti ɔ, nɔ́ nɛ o ngɛ mɛ dee ji kaa a ko ye Mose mlaa a nɔ, a ko po a bimɛ ɔmɛ, nɛ a ko tsu Yuda bi a kusumi hulɔ.

Ni Tsumi 23:12

Benɛ je na a, Yuda bi ɔmɛ a ti ni komɛ ya so. A ka a he kita kaa a be ní yee, nɛ a be nɔ́ ko nue kɛ yaa si a maa gbe Paulo.

Ni Tsumi 24:9

Yuda bi ɔmɛ hu fia Tertulo nɔ́ ɔ se pɛpɛɛpɛ kaa bɔ nɛ e de ɔ.

Ni Tsumi 25:2

Kɛkɛ nɛ osɔfo nikɔtɔma amɛ, kɛ Yuda ma nimeli ɔmɛ ba po Paulo nya ha lɛ. A kpa Festo pɛɛ

Ni Tsumi 25:7

Benɛ Paulo ba lejɛ ɔ, Yuda bi nɛ je Yerusalem kɛ ba a ba bɔle lɛ kɛ kpe, nɛ a kɛ sanehi babauu nɛ nya wa ba po e nya. Se níhi nɛ a de kɛ si Paulo ɔ, a nyɛ we nɛ a tsɔɔ kaa ní ɔmɛ ngɛ mi niinɛ.

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.