1 Tesalonikabi 1:9 - BAIBLO ALOO NGMAMI KLƆUKLƆU Ɔ

⁹ Ni ɔmɛ tsuo yeɔ nyɛ he odase kpakpa kaa benɛ wa ba slaa nyɛ ɔ, nyɛ he wɔ atuu. Jehanɛ ɔ hu, nyɛ kpale kɛ je amagahi a se kɛ ba Mawu ngɔ, konɛ nyɛ ba sɔmɔ anɔkuale Mawu hɛ kalɔ ɔ.

Somi He Ɔ

⁹ Ejakaa mɛ nitsɛmɛ a gbɛ wa slaami ɔ he munyu ɔ fia kɛ bɔ nɛ nyɛ kpale kɛ je amagahi a he kɛ ba Mawu ngɔ nɛ nyɛ ba sɔmɔ Mawu hɛ kalɔ ɔ,

1 Tesalonikabi 1:9 ပူးပေါင်းရင်းမြစ်များ

La 42:2

Mawu hɛngmengmletsɛ, o he kuma ngɛ mi yee. Mɛni be po ma ba su o ngɔ nɛ ma ja mo?

La 84:2

I na nɛ i ba lejɛ ɔ! Ye hɛ ngɛ jae ngɛ mo Yawɛ o we ɔ he. Imi nɔmlɔ ɔ tsuo i ngɛ lae kɛ bua jɔmi kɛ ngɛ Yawɛ yi jee.

Yesaya 37:17

Yawɛ, wa kpa mo pɛɛ jehanɛ, mo bli o hɛngmɛ nɛ o hyɛ nɔ́ nɛ a ngɛ wɔ pee! Yawɛ, mo ta tue nɛ o nu munyuhi nɛ Senakerib ngɛ tue kɛ ngɛ mo, Mawu hɛ kalɔ ɔ, o he guɛ gbee!

Yesaya 37:4

Asiria matsɛ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu kikɛmɛ a jɛmi ɔ, nɛ ni nɛmɛ nɛ bɔ musu nɛ ɔ, e maa gbla a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Daniel 6:26

I ngɛ mlaa woe ke nɔ tsuaa nɔ nɛ ye Daniel Mawu ɔ gbeye, nɛ e bu lɛ ngɛ ye matsɛ yemi he ɔ tsuo. “Mawu hɛ kalɔ ji lɛ, nɛ e ngɛ kɛ yaa neneene. E matsɛ yemi ɔ hɛ mi be kpatae kɔkɔɔkɔ, nɛ e he wami ɔ se be poe gblegbleegble.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Romabi 9:26

“Nɛ e maa ba mi kaa he nɛ a ma de mɛ ngɛ ke, ‘Pi ye ma ji nyɛ’ ɔ, lejɛ ɔ nɔuu a ma tsɛ mɛ ngɛ ke, ‘Mawu hɛ kalɔ ɔ bimɛ.’ ”

1 Korintobi 12:2

Nyɛ le kaa benɛ nyɛ ji wɔ jali ɔ, amagahi nɛ wami be a mi ɔ a se a gblaa nyɛ ya nyɛɛɔ.

Mose V, 5:26

Anɛ nɔmlɔ adesa ko kɛ Mawu tu munyu kɛ je la mi nɛ e hi je mi hɛ ngmengmle hyɛ kaa bɔ nɛ wa na nɛ ɔ lo?

1 Tesalonikabi 2:1

Nyɛmimɛ, nyɛ nitsɛmɛ nyɛ le kaa slaami nɛ wa ba slaa nyɛ ɔ pee we yaka.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

1 Timoteo 4:10

Wa gboɔ dengme kɛ tsuɔ ní wawɛɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ. Lɛ ji nihi tsuo a yi wami helɔ, titli ɔ, ni nɛmɛ nɛ heɔ yeɔ ɔ.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

1 Yohane 5:21

Ye bimɛ nɛ i suɔ! Nyɛɛ hyɛ nyɛ he nɛ hi ngɛ amagahi a he!

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”