1 Tesalonikabi 1:8 - BAIBLO ALOO NGMAMI KLƆUKLƆU Ɔ

⁸ Pi Makedonia kɛ Akaya kɛkɛ nɛ Nyɔmtsɛ ɔ sɛ gbi ɔ nɛ nyɛ fiɛ ɔ gbɛ fĩa a, se he tsuaa he ɔ, a nu nyɛ hemi kɛ yemi nɛ nyɛ ngɛ ngɛ Mawu mi ɔ hu he. Enɛ ɔ he je ɔ, e hia we kaa wɔɔ wa deɔ nɔ́ ko hu.

Somi He Ɔ

⁸ Ejakaa nyɛ ngɔ Nyɔmtsɛ munyu ɔ je nɛ e gbɛ fia, pi ngɛ Makedonia kɛ Akaia kɛkɛ, se mohu nyɛ hemi nɛ nyɛ heɔ Mawu nɔ yeɔ ɔ jije kɛ ho he tsuaa he ya, nɛ e hia we wɔ nɔ́ ko demi tete.

1 Tesalonikabi 1:8 ပူးပေါင်းရင်းမြစ်များ

Romabi 1:8

Kekleekle ɔ, i gu Yesu Kristo nɔ kɛ ngɛ ye Mawu ɔ si nae ngɛ nyɛ tsuo nyɛ he, ejakaa a ngɛ hemi kɛ yemi nɛ nyɛ hɛɛ mi ɔ he odase yee ngɛ je ɔ mi he tsuaa he.

Kpojemi 14:6

Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

3 Yohane 1:12

Demetrio lɛɛ nɔ tsuaa nɔ tuɔ e he munyu kpakpa; nɛ jã nɔuu nɛ anɔkuale ɔ nitsɛ hu tsɔɔ. Wɔ hu wa ngɛ e he odase yee ja nɔuu, nɛ nyɛ le kaa anɔkuale wa ngɛ tue.

2 Tesalonikabi 1:4

Wɔ nitsɛmɛ wa fĩaa fɔɔ nyɛ nɔ ngɛ Mawu asafo ɔmɛ a mi kaa nyɛ ngɛ hemi kɛ yemi nɛ mi wa. Ejakaa be mi nɛ a ngɛ nyɛ yi mi wae, nɛ nyɛ ngɛ nɔ́ nae ɔ, nyɛ to nyɛ tsui si, nɛ nyɛ mia nyɛ hɛ mi kɛ ngɛ ní nɛ ɔmɛ tsuo a mi gblee.

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

2 Tesalonikabi 3:1

Nyagbe ɔ, nyɛmimɛ, nyɛɛ sɔle ha wɔ, konɛ Nyɔmtsɛ ɔ munyu ɔ nɛ ya nɔ nɛ e gbɛ fĩa, nɛ a he lɛ kɛ manye ngɛ he tsuaa he kaa bɔ nɛ nyɛ hu nyɛ pee ɔ.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Romabi 16:19

A nu nyɛ he ngɛ he tsuaa he kaa nyɛ pɛtɛ sane kpakpa a he wawɛɛ; nɔ́ nɛ ɔ ha nɛ i na nyɛ he bua jɔmi saminya. I suɔ kaa nyɛɛ le kpakpa, nɛ nyɛɛ pee; se yayami blɔ fa mi lɛɛ a ko nu nyɛ he kulaa.

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

Mose II, 18:9

Benɛ Yetro nu kpakpa nɛ Yawɛ pee Israel bi ɔmɛ, kɛ bɔ nɛ e he a yi wami kɛ je Egipt bi ɔmɛ a dɛ mi ɔ, e bua jɔ e he nɛ e nya,

2 Korintobi 3:4

Wa ngɛ enɛ ɔ dee, ejakaa kɛ gu Kristo nɔ ɔ, wa ngɛ hɛ kɛ nɔ fɔmi ngɛ Mawu mi.

1 Korintobi 14:36

Mawu munyu ɔ, nyɛ ngɔ nɛ e puɛ kɛ je? Aloo nyɛ kɛkɛ nyɛ ngɔ nɛ e ba su?

Yesaya 66:19

Jamɛ a be ɔ loko a maa le kaa imi lɛ i ngɛ a tue gblae. “Se ma he a ti ni komɛ a yi wami, nɛ ma tsɔ mɛ kɛ maa ya je ma amɛ a ngɔ, kɛ zugbahi a nɔ ngɛ tsitsaa lokoo, he nɛ a nui ye we agbo jemi, kɛ ye he wami kpetekpleenyɛ ɔ he ngɛ lolo. Ma tsɔ mɛ Spania, Libia, Lidia he nɛ kɛ̃ɛ̃ tsɛ̃li kpakpahi ngɛ ɔ, Tubal, kɛ Hela. A ma ya fiɛ ngɛ je ma nɛ ɔmɛ a mi ke Mawu kpetekpleenyɛ ji mi.

Ni Tsumi 18:12

Benɛ Roma nɔ yemi ɔ wo Galio amlaalo ngɛ Akaya a, Yuda bi ɔmɛ pee a nya kake nɛ a te si wo Paulo, nɛ a nu lɛ kɛ ho kojomi he ɔ ya.

Romabi 15:26

Ejakaa nyɛmimɛ ɔmɛ nɛ ngɛ Makedonia, kɛ Akaya a kɛ bua jɔmi bua nɔ́ ko nya nɛ a kɛ ya ye bua ohiatsɛmɛ nɛ ngɛ ni klɔuklɔu ɔmɛ a kpɛti ngɛ Yerusalem ɔ.

2 Korintobi 2:14

Se sina ha Mawu! Mawu haa Kristo yeɔ yayami he wami ɔ nɔ kunimi daa, nɛ kikɛmɛ a kunimi yemi nɛ ɔ peeɔ wɔ bɔfo ɔmɛ hu wa nɔ́. Mawu guu wa nɔ kɛ fiɛɔ sɛ gbi nɛ kɔɔ Kristo he ɔ kɛ yaa he tsuaa he kaa bɔ nɛ nɔ́ ko he via yaa tsitsaa a.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.