1 Petro 5:8 - BAIBLO ALOO NGMAMI KLƆUKLƆU Ɔ

⁸ Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Somi He Ɔ

⁸ Nyɛ hɛ nɛ ka si, nyɛɛ huɔ; ejakaa nyɛ he nyɛlɔ, abosiami ɔ, ngɛ si poe kaa jata nɛ ngɛ huae ngɛ nɔ nɛ e maa mi hlae.

1 Petro 5:8 ပူးပေါင်းရင်းမြစ်များ

Ester 7:6

Manyɛ Ester he nɔ ke, “Wa he nyɛlɔ, kɛ nɔ nɛ ngɛ wɔ yi mi wae ɔ ji yiwutsotsɛ nɛ ɔ nɛ a tsɛɛ lɛ Haman ɔ!” Haman kɛ sawale hyɛ matsɛ ɔ, kɛ manyɛ ɔ a hɛ mi gaa.

Hiob 2:2

Yawɛ bi Satan ke, “Jije o je?” Satan he nɔ ke, “I ya kpa je ɔ mi tsuo kɛ ya kɛ ba.”

La 104:21

Jata bimɛ huãã nɛ a daa de ke a ngɛ niye ní hlae kɛ je mo Mawu o dɛ mi.

La 109:6

A deɔ ke, ha nɛ yiwutsotsɛ ko kɛ lɛ nɛ to ní; lɛ nitsɛ e he nyɛlɔ nɛ ya po e nya ngɛ sane yemi he.

Abɛ Womi 19:12

Ke matsɛ mi mi wo la a, e ngɛ kaa jata nɛ ngɛ huae; se ke e ná nɔ he bua jɔmi ɔ, e ngɛ kaa bɔ́ ngɛ nga nɔ.

Abɛ Womi 20:2

Ke matsɛ mi mi fu ɔ, ye lɛ gbeye kaa bɔ nɛ o maa ye jata nɛ ngɛ huae gbeye. Nɔ nɛ woɔ matsɛ mi mi la a, lɛ nitsɛ e wami e kɛ ngɛ fiɛe ɔ nɛ.

Abɛ Womi 28:15

Matsɛ yiwutsotsɛ nɛ ngɛ tsɛ yee ngɛ nihi nɛ a ní ngɛ mɔbɔ a nɔ ɔ, e ngɛ kaa jata nɛ ngɛ huae, aloo osisiblisi nɛ e hɛ mi wo la.

Yesaya 50:8

Nɔ nɛ maa wo mi nguɔ ɔ ngɛ ye kasa nya. Mɛnɔ lɛ e kɛ mi ná a? É ba konɛ waa kpe! Mɛnɔ ji ye he nyɛlɔ ɔ? É hɛ lɛ kɛ ba ye ngɔ.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Yeremia 51:38

Babilonia bi ɔmɛ tsuo maa hi huãe kaa jata; a maa hi pɛe kaa jata bimɛ.

Ezekiel 19:7

E ku a mɔ ɔmɛ, nɛ e kpata a ma amɛ a hɛ mi. Ke e wo gbi kikɛ nɛ ɔ, sawale nuɔ nɔ tsuaa nɔ ngɛ zugba a nɔ.

Ezekiel 22:25

Nyɛ ganɔ ɔmɛ ya so, nɛ a pee a he kaa jata nɛ ngɛ huãe nɛ ngɛ lohwe nɛ e gbe mi tsɔtslɔɔe. A gbee nihi, nɛ a ngɔɔ a sika, kɛ a weto ní tsuo ngɛ a dɛ. Nyumuhi babauu nɛ a gbe ɔ ha yalɔyihi hu a he ba hiɛ ngɛ ma a mi.

Daniel 6:24

Jehanɛ lɛɛ matsɛ ɔ ha a ya nuu ni ɔmɛ nɛ ba po Daniel nya a kɛ ba. A sake mɛ kɛ wo jatahi a muɔ ɔ mi; mɛ kɛ a yihi, kɛ a bimɛ tsuo. Be nɛ a na we nɛ a su muɔ ɔ sisi tete ɔ, jata amɛ yu a nɔ, nɛ a ku a wuhi tsuo dukuduku.

Hosea 11:10

“Ke i huã kikɛ nɛ ɔ kaa jata a, ye ma a maa nyɛɛ ye se. A he maa sɔ kɛ maa je bonyoku je kɛ ba.

Hosea 13:8

Ma ba tua nyɛ kaa osisiblisi nɛ a nu e bimɛ. Ma fɛ nyɛ mi, nɛ ma ye lo ɔ ngɛ lejɛ ɔ nɔuu kaa jata; ma tsɔtslɔɔ nyɛ mi kaa bɔ nɛ lohwe dikalɔ peeɔ ɔ.

Yoel 3:16

Yawɛ wo gbi kɛ je Zion yo ɔ nɔ; e gbi ɔ ké kɛ je Yerusalem. Kɛkɛ nɛ hiɔwe kɛ zugba mimiɛ. se Yawɛ ji wesa he kɛ ha e ma Israel ɔ.

Amos 1:2

Amos de ke, “Yawɛ tu munyu ngɛ Zion yo ɔ nɔ kaa jata nɛ ngɛ huãe, nɛ e miɔ nɛ e ma tsɔtslɔɔ lohwe ko mi. Yawɛ wo gbi ngɛ Yerusalem kaa hiɔwe nɛ ngɛ sie. Ba amɛ ngla ngɛ lohwehi a ní yemi he ɔmɛ, nɛ nga nɛ ngɛ Karmel yo ɔ nɔ ɔ gbli.”

Amos 3:4

Anɛ jata huãã ngɛ pu mi be mi nɛ e nɛ de lo lo? Anɛ jata bi huãã ngɛ muɔ mi be mi nɛ e nui lohwe ko lo? Dɛbi!

Amos 3:8

Ke jata ngɛ huãe ɔ, mɛnɔ lɛ e tsui pui? Ke Yawɛ ngɛ munyu tue ɔ, mɛnɔ ma kua ke e be e sɛ gbi ɔ fiɛe? Nɔ ko nɔ ko be!

Zakaria 11:3

Nyɛɛ bu tue! To hyɛli ɔmɛ ngɛ awe nyae, ejakaa a hɛ mi nyami ɔ ta. Jata amɛ ngɛ huãe, ejakaa a kpata hue ɔ nɛ ngɛ Yordan pa a nya a hɛ mi.

Zakaria 3:1

I na nina kpa ko. Yawɛ ha nɛ i na osɔfo nɔkɔtɔma pe kulaa Yoshua nɛ daa si ngɛ Yawɛ bɔfo ɔ hɛ mi; nɛ Abosiami ba daa si ngɛ Yoshua hiɔ nɔ, konɛ e po Yoshua nya.

Mateo 13:39

He nyɛlɔ ɔ nɛ du hu ɔ ji Abosiami. Ngma kpami be ɔ ji je nɛ ɔ nyagbe, nɛ ngma kpali ɔmɛ ji hiɔwe bɔfo ɔmɛ.

Mateo 24:42

“Lɔ ɔ he ɔ, nyɛ hɛ nɛ hi nyɛ he nɔ; ejakaa nyɛ li ligbi ɔ nɛ nyɛ Nyɔmtsɛ ɔ ma.

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mateo 4:1

Jehanɛ ɔ, Mumi ɔ ngɔ Yesu kɛ ho nga a nɔ ya, konɛ Abosiami ya ka lɛ.

Mateo 4:11

Kɛkɛ nɛ Abosiami si lɛ, nɛ bɔfohi ba nɛ a ba sɔmɔ lɛ.

Marko 4:15

Ni komɛ ngɛ kaa wu nɛ ya nɔ blɔ mi. Ke a nu munyu ɔ, kɛkɛ Abosiami ba je munyu ɔ ngɛ a mi.

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Luka 22:31

“Simon, Simon! Bu tue! Mawu ha Abosiami blɔ ke e ka nyɛ, nɛ e je nimli kpakpa amɛ kɛ je nimli yayami ɔmɛ a kpɛti kaa bɔ nɛ ngmɔ hulɔ saa ngma mi ɔ.

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

2 Korintobi 2:11

I peeɔ enɛ ɔ, bɔ nɛ pee nɛ Abosiami nɛ ko na he wami ngɛ wa nɔ, ejakaa wa le gahi nɛ e toɔ.

Efesobi 4:27

Nyɛ ko ha Abosiami blɔ nɛ e ba sɛ nyɛ kpɛti.

Efesobi 6:11

Nyɛ kpla tahwu ní ɔmɛ tsuo nɛ Mawu ha nyɛ ɔ, konɛ nyɛ nyɛ Abosiami ga tsɔmi ɔmɛ a nya nɛ nyɛɛ da.

1 Timoteo 2:15

Se ke yo ɔ kɛ hɛdɔ he Mawu ye, nɛ e suɔ nyɛmimɛ ɔmɛ, nɛ e pee e he klɔuklɔu kɛ humi ɔ, Mawu ma he e yi wami kɛ gu bimɛ nɛ e ma fɔ ɔ a nɔ.

1 Timoteo 2:9

Jã kɛ̃ i suɔ kaa yihi hu nɛ a ngɔ juɛmi kɛ to a he dlami he. A dla a he bɔ nɛ sa kɛkɛ kaa humi. A gbɔ a yi ngɛ hɛngmɛ nɔ. A ko ngɔ sika tsu, loo adiagba kɛ hɔɔ a yi mi; nɛ a ko wo tade nɛ he jua wa tsɔ hulɔ.

1 Timoteo 3:11

Sɔmɔli yi ɔmɛ hu ja nɔuu a pee nihi nɛ tsuɔ ní kɛ hɛdɔ, nɛ a ko ye sieku. A pee nihi nɛ a hɛ ka si, nɛ a yeɔ anɔkuale ngɛ nɔ́ tsuaa nɔ́ mi.

1 Timoteo 3:2

Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Tito 1:8

Asafo nya dalɔ ɔ, e pee nɔ nɛ peeɔ nibwɔ, nɛ e suɔ nɔ́ nɛ hi, nɔ nɛ juɛmi ka si, nɛ e peeɔ nɔ́ nɛ da; nɔ nɛ ngɔ e he ngɔ ha Mawu kulaa, nɛ e yeɔ e he nɔ.

Tito 2:12

Dloomi nɛ ɔ bɔɔ wɔ kɔkɔ kaa wa kpa yayami peemi, nɛ wa ko di je nɛ ɔ mi akɔnɔ níhi a se. E tsɔɔ wɔ kaa waa hyɛ wa he nɔ saminya; waa pee nɔ́ nɛ da, nɛ waa ye Mawu gbeye,

Tito 2:2

Nyumu nikɔtɔma amɛ ɔ, o kɛ mɛ nɛ tu munyu, konɛ a pee a he nihi nɛ a hɛ mi ka si, nihi nɛ tsuɔ ní kɛ hɛdɔ, nɛ a juɛmi ka si. A hemi kɛ yemi, suɔmi nɛ a ngɛ, kɛ a tsui si tomi ɔ, á hɛɛ mi wawɛɛ.

Tito 2:4

konɛ a tsɔse yihewi ɔmɛ nɛ a suɔ a hunomɛ, kɛ a bimɛ.

Tito 2:6

Nihewi ɔmɛ hu, tu munyu kɛ tsɔɔ mɛ jã nɔuu, konɛ a nyɛ nɛ a ye a he nɔ saminya.

Yakobo 4:7

Lɔ ɔ he ɔ, nyɛɛ ba nyɛ he si ha Mawu. Nyɛɛ te si kɛ wo Abosiami, nɛ e maa tu nyɛ nya fo.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

Kpojemi 12:10

Kɛkɛ nɛ i nu gbi ko nɛ ngɛ pɛe kɛ ngmlaa ngɛ hiɔwe ke, “Jehanɛ ɔ lɛɛ yi wami hemi ba! Jehanɛ ɔ lɛɛ Mawu maa ngɔ e he wami kpetekpleenyɛ ɔ kɛ ye matsɛ! Jehanɛ ɔ lɛɛ e Kristo he wami ɔ je kpo. Ejakaa Abosiami nɛ daa si ngɛ wa Mawu ɔ hɛ mi nyɔ kɛ pia, nɛ e poɔ wa nyɛmimɛ ɔmɛ a nya haa lɛ ɔ be lejɛ ɔ hu. A sake Abosiami kɛ je hiɔwe ngɔ fɔ si.

Kpojemi 12:12

Lɔ ɔ he ɔ, nyɛ nihi tsuo nɛ nyɛ ngɛ hiɔwe ɔ, nyɛ bua nɛ jɔ! Se je ɔ, kɛ wo, nyɛɛ lɛɛ musu tloo nyɛ! Abosiami kple si kɛ ba nyɛ ngɔ. E mi mi fu wawɛɛ, ejakaa e le kaa be bɔɔ kɛkɛ nɛ piɛ ha lɛ.”

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 20:2

E nu sinɔ nguaa a, jamɛ a blema sinɔ ɔ nɛ a tsɛ lɛ Abosiami, loo Satan ɔ, nɛ e kɛ kɔsɔkɔsɔ ɔ fi lɛ, konɛ e hi si jeha akpe.

Manyadali 14:5

Samson kɛ e tsɛ kɛ e nyɛ pue nɔ kɛ ho Timna ya. Benɛ a su Timna wai ngmɔ ɔmɛ a mi ɔ, Samson na jata bɔbɔyoo ko nɛ ngɛ huãe kɛ ma e ngɔ.