1 Petro 5:7 - BAIBLO ALOO NGMAMI KLƆUKLƆU Ɔ

⁷ Nyɛɛ ngɔ nyɛ haomi ɔmɛ tsuo ngɔ fɔ e nɔ; ejakaa lɛ nɛ e hyɛɛ nyɛ nɔ.

Somi He Ɔ

⁷ Nyɛɛ ngɔ nyɛ haomi kulaa ngɔ fɔ e nɔ, ejakaa lɛ lɛ juɛii nyɛ he.

1 Petro 5:7 ပူးပေါင်းရင်းမြစ်များ

La 55:22

Ngɔɔ o haomi ɔmɛ kɛ ha Yawɛ, nɛ e maa bu o he. Nɔ nɛ peeɔ nɔ́ nɛ da a, Mawu be blɔ ngmɛe kɔkɔɔkɔ nɛ he nyɛlɔ nɛ ye e nɔ kunimi.

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

La 37:5

Ngɔɔ o he kɛ ha Yawɛ; ngɔɔ o hɛ kɛ fɔ e nɔ, nɛ e maa piɛ o he.

La 34:15

Yawɛ hɛngmɛ ngɛ dali a he, nɛ e buɔ a kue fami tue.

Luka 12:22

Jehanɛ ɔ, Yesu de e kaseli ɔmɛ ke, “Lɔ ɔ he ɔ, i ngɛ nyɛ dee ke, nyɛ ko ha nɛ nɔ́ nɛ nyɛ maa ye, aloo tade nɛ nyɛ maa wo he susumi nɛ hao nyɛ.

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Marko 4:38

Be nɛ ɔ mi tsuo ɔ, Yesu tslɔ sɔnue kɛ hwɔɔ si ngɛ lɛ ɔ supa je. Kaseli ɔmɛ ba tsɛ̃ɛ̃ lɛ nɛ a de lɛ ke, “Tsɔɔlɔ, nɛ wa hɛ mi ngɛ kpatae nɛ ɔ, pi o he sane ko lo?”

Yohane 10:13

Apaa yelɔ ɔ tuɔ fo, ejakaa apaa yelɔ kɛkɛ ji lɛ, nɛ to ɔmɛ a he nɔ dɔɛ lɛ.

La 40:17

E fi mi, nɛ ye ní ngɛ mɔbɔ; se Nyɔmtsɛ ɔ hɛ ngɛ ye nɔ. Ye Mawu, mo ji ye he piɛlɔ; mo ji ye kpɔlɔ. Moo ba ye ngɔ esɔ, koo to tsle!

Abɛ Womi 16:3

Ke o ma tsu nɔ́ ko ɔ, ha nɛ Yawɛ nɛ gbaa o yi mi tomi ɔ nɔ. Ke o pee ja a, e maa hi ha mo.

Mateo 6:27

Nyɛ ti mɛnɔ kɛ yeyeeye peemi ma nyɛ tsɔ e kami nya nine kpɔ mi kami kake?

Mateo 6:28

“Lɛɛ mɛni he je nyɛ peeɔ yeyeeye ngɛ heha nɔ́ he? Nyɛɛ hyɛ mɔmɔhi nɛ ngɛ puɛe ngɛ nga nɔ; a tsu we ní, nɛ a tsɛ̃ we kpa.

Mateo 6:31

“Lɔ ɔ he ɔ, nyɛ ko hao nyɛ he nɛ nyɛ bi ke, ‘Mɛni wa maa ye? Aloo mɛni wa maa nu? Aloo mɛni wa maa ngɔ kɛ ha wa he?’

Luka 12:26

Ke nyɛ nyɛ we nɔ́ nyafii kaa kikɛ nɛ ɔ peemi ɔ, lɛɛ mɛni he je nyɛ haoɔ nyɛ he ngɛ ní kpa amɛ a he mɔ?