1 Petro 5:2 - BAIBLO ALOO NGMAMI KLƆUKLƆU Ɔ

² Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

Somi He Ɔ

² Nyɛɛ lɛ Mawu asafo nɛ a ngɔ ha nyɛ ɔ, nyɛɛ hyɛ nɔ, pi ngɛ nɔ nyɛmi nya, se mohu ngɛ suɔmi nya; jehanɛ hu, pi ngɛ se nami nɛ ngɛ zo he, se mohu tsui mi jɔmi nya;

1 Petro 5:2 ပူးပေါင်းရင်းမြစ်များ

Matsɛmɛ II, 12:6

Se kɛ ba si Matsɛ Yoash tsɛ yemi jeha nɛ ji nyingmi enyɔ kɛ etɛ ɔ, osɔfo ɔmɛ dla we Yawɛ we ɔ he ko he ko.

Lahi 1:8

Mo nɛ o he ngɛ fɛu pe yihi tsuo, o li lejɛ ɔ? Yaa nɛ o ya nyɛɛ to ɔmɛ a se. Yaa ha o to ɔmɛ ní ngɛ to hyɛli ɔmɛ a bo tsu ɔmɛ a kasa nya.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Yesaya 56:11

A ngɛ kaa gbehi nɛ li tɔ biɛ! Ma nɔ yeli nɛ ɔmɛ be juɛmi kokooko! Nɔ tsuaa nɔ peeɔ nɔ́ nɛ e suɔ; mɛ nitsɛmɛ a se nami pɛ a hlaa.

Yesaya 6:8

Jehanɛ, i nu nɛ Nyɔmtsɛ ɔ bi ke, “Mɛnɔ ma tsɔ? Mɛnɔ maa ya?” I he nɔ ke, “I ngɛ hiɛ ɔ, Moo tsɔ mi!”

Yesaya 63:11

Kɛkɛ nɛ ma a kai blema, Yawɛ tsɔlɔ Mose be ɔ, nɛ a bi ke, “Yawɛ nɛ́ je ma a, kɛ a hɛ mi nyɛɛli ɔmɛ kɛ je wo ɔ mi ɔ, jije e ngɛ? Jije nɔ nɛ ngɔ e mumi klɔuklɔu ɔ kɛ wo a mi ɔ ngɛ?

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 13:20

Yerusalem, hyɛ! O he nyɛli ɔmɛ je omleyi je kɛ ma. O nimli kpakpa amɛ nɛ a ha mo ke o hyɛ a nɔ ɔ, jije a ngɛ?

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Ezekiel 34:23

Ma ngɔ to hyɛlɔ kake kɛ to a nya nɛ e hyɛ a nɔ. Lɛ ji ye tsɔlɔ David. E maa hyɛ a nɔ saminya.

Ezekiel 34:31

“Nyɛ ye ma, nyɛ ji ye tohi nɛ i ngɛ lɛe, nɛ imi ji nyɛ Mawu.” Nyɔmtsɛ Yawɛ lɛ de.

Ezekiel 46:24

Nyumu ɔ de mi ke, “Bɔ ɔmɛ nɛ ma a ma ba sã a, kuehi nɛ Yawɛ we ɔ mi sɔmɔli ɔmɛ maa hoo lo ɔ ngɛ a mi ɔ ji nɛ ɔmɛ nɛ.”

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Zakaria 11:17

Ye to hyɛlɔ nɛ o he be se nami lee! To hyɛlɔ nɛ tuɔ fo kɛ jeɔ to kuu ɔ he ɔ, klaate maa po e kɔni, kɛ e hiɔ nɔ hɛngmɛ. Ee, á po e kɔni nɛ je nya, nɛ e hiɔ nɔ hɛngmɛ nɛ yu kulaa.”

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Mose IV, 18:7

Se o kɛ o bimɛ ɔmɛ pɛ ji ni nɛmɛ nɛ ngɛ he blɔ kaa nyɛ tsuɔ osɔfo ní tsumihi nɛ kɔɔ bɔ sami la tɛ ɔ, kɛ he klɔuklɔu pe kulaa a a he. Enɛ ɔmɛ ji nyɛ ní tsumi; ejakaa imi lɛ i kɛ osɔfo yemi ní tsumi ɔ ke nyɛ. Nɔ kpa ko nɛ maa hɛ lɛ kɛ su ní klɔuklɔu ɔmɛ a he ɔ, a gbe lɛ.”

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Ni Tsumi 20:29

I le kaa ke i je ɔ, nihi ma ba sɛ nyɛ kpɛti, nɛ a maa pee a ní kaa ogbetee ní hali; a be asafo ɔ yi bae.

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

Romabi 1:15

Enɛ ɔ he ɔ, e ngɛ ye tsui nɔ wawɛɛ kaa maa fiɛ sane kpakpa a ngɔ tsɔɔ nyɛ nihi nɛ nyɛ ngɛ Roma a hulɔ.

1 Korintobi 9:7

Ta bulɔ te nɔ nɛ tsuɔ ní nɛ lɛ nitsɛ e woɔ e he hiɔ nɛɛ? Mɛnɔ lɛ peeɔ wai ngmɔ, nɛ e yi e mi yiblii ɔ eko? Mɛnɔ nɛ lɛɛ to, nɛ e nui to nyɔ nyu ɔ eko?

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

1 Timoteo 3:8

Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

Filemon 1:14

Se i sume kaa ma je o se kɛ pee nɔ́ ko, bɔ nɛ pee nɛ nɔ́ kpakpa nɛ o ko je o tsui mi faa pee ɔ, e ko ba pee kaa nɔ́ nɛ pe a nyɛ o nɔ.

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.