1 Petro 4:4 - BAIBLO ALOO NGMAMI KLƆUKLƆU Ɔ

⁴ Amlɔ nɛ ɔ lɛɛ e peeɔ mɛ nyakpɛ kaa nyɛ piɛ we a he kɛ pee we jamɛ a yakayaka ní ɔmɛ hu; nɛ lɔ ɔ he ɔ, a tuɔ nyɛ he munyu yaya.

Somi He Ɔ

⁴ E peɔ wɔ jali ɔmɛ nyakpɛ kaa nyɛɛ kɛ mɛ yɛ́ kikɛmɛ a sakasaka peemi titãa nɛ ɔ nɔuu mi nɛ lɔ ɔ he ɔ, a tuɔ nyɛ he munyu yaya;

1 Petro 4:4 ပူးပေါင်းရင်းမြစ်များ

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.

Ni Tsumi 18:6

Enɛ ɔ he ɔ, a te si wo lɛ, nɛ a tu musu bɔmi munyuhi kɛ si lɛ. Lɔ ɔ he ɔ, e huanya e tade mi mu kɛ pue a nɔ, nɛ e de mɛ ke, “Nyɛ musu tloo nyɛ! Imi lɛɛ ye nya be mi. Kɛ je be nɛ ɔ kɛ yaa a, ma je li ɔmɛ a ngɔ ma ya.”

Yuda 1:10

Se nimli nɛ ɔmɛ lɛɛ nɔ́ ko nɛ a nui sisi ɔ, a tuɔ he munyu yaya. Se níhi nɛ a nuɔ he kaa pu mi lohwehi nɛ mɛɛ lɛɛ a susuu we yi mi ɔ, lɔ ɔmɛ nɔuu ji níhi nɛ kpataa a hɛ mi.

Ni Tsumi 13:45

Se benɛ Yuda bi ɔmɛ na ma kpekpemi ɔ, hunga jemi sɛ a mi. A tu munyu yaya kɛ bɔ musu kɛ si Paulo, kɛ níhi nɛ e ngɛ dee ɔ.

2 Petro 2:22

Nɔ́ nɛ ba a nɔ ɔ tsɔɔ kaa abɛ nɛ ɔmɛ ngɛ mi niinɛ: “Gbe kpaleɔ kɛ yaa lɛ nitsɛ e vie he,” kɛ “Kpotoo nɛ a du ha lɛ ɔ kpaleɔ ya wuɔ mɔsɔ ekohu.”

2 Petro 2:12

Se kikɛmɛ a nimli nɛ ɔmɛ ngɛ kaa pu mi lohwehi; a be juɛmi. A bɔ mɛ nɛ a nuu mɛ nɛ a gbe kɛkɛ; nɔ́ ko nɛ a nui sisi ɔ, a tuɔ he munyu yaya. A ma kpata a hɛ mi kaa pu mi lohwehi,

Romabi 13:13

Nyɛ ha waa ba wa je mi saminya kaa nihi nɛ ngɛ nyɛɛe piani, se pi kaa nihi nɛ ngɛ diblii mi. Wa ko fiɛ fiɛmi yaya; wa ko de dã; wa ko fiɛ nyumu kɛ yo yakayaka fiɛmi; wa ko tsu mu ní; wa ko pɛ, nɛ wa ko je hunga.

Luka 15:13

Be bɔɔ se ɔ, jokuɛyo ɔ jua e blɔ fami nɔ́ ɔ tsuo, nɛ e kɛ sika a doma kɛ ho ma se he ko lokoo ya. Lejɛ ɔ e kɛ je mi bami yaya ya kpata e sika a hɛ mi ngɛ.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

Mateo 23:25

“Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ fɔɔ kplu kɛ kã he, se ojo, kɛ adufude níhi hyi mɛ tɔ.