1 Petro 4:2 - BAIBLO ALOO NGMAMI KLƆUKLƆU Ɔ

² Lɔ ɔ he ɔ, kɛ je be nɛ ɔ mi kɛ yaa si nyɛ maa gbe nyɛ je nɛ ɔ mi si himi nya a, nyɛɛ hi si kaa bɔ nɛ Mawu suɔ, se pi kaa bɔ nɛ nyɛ tsui suɔ.

Somi He Ɔ

² konɛ be nɛ piɛ ha lɛ ngɛ he lo mi si himi nɛ ɔ mi ɔ, e ko hi si ngɛ nimli a kɔnɔhi a nya, se mohu ngɛ Mawu suɔmi nya nihi a nya.

1 Petro 4:2 ပူးပေါင်းရင်းမြစ်များ

La 143:10

Moo tsɔɔ mi nɛ ma pee nɔ́ nɛ o suɔ; ejakaa mo ji ye Mawu. Ha nɛ o mumi kpakpa a nɛ tsɔɔ mi blɔ nɛ hi, nɛ e nɔ jɔ.

Hosea 6:7

“Se benɛ ma a ya su he ko nɛ a tsɛɛ ke Adam ɔ, a kua mi; somi nɛ i kɛ mɛ so ɔ, a yi nɔ hu.

Mateo 12:50

Nɔ tsuaa nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní ɔ, lɛ ji ye nyɛminyumu, ye nyɛmiyo, loo maa.”

Mateo 20:4

E de mɛ ke, ‘Nyɛ hu nyɛɛ ya nɛ nyɛ ya tsu ní ngɛ wai ngmɔ ɔ mi, nɛ ma wo nyɛ hiɔ bɔ nɛ sa.’

Mateo 21:31

Lɔ ɔ he ɔ, ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛ ɔ suɔ?” A he nɔ ke, “Nɔkɔtɔma a.” Yesu de mɛ ke, “Niinɛ, i ngɛ nyɛ dee ke, tó tsuli ɔmɛ, kɛ ajuama amɛ sɛ nyɛ hlami kɛ yaa Mawu matsɛ yemi ɔ mi.

Mateo 7:21

“Pi nɔ tsuaa nɔ nɛ tsɛɔ mi ‘Nyɔmtsɛ, Nyɔmtsɛ’ ɔ ji nɔ nɛ maa sɛ hiɔwe matsɛ yemi ɔ mi; se mohu nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní.

Marko 3:35

Nɔ tsuaa nɔ nɛ peeɔ nɔ́ nɛ Mawu suɔ ɔ, lɛ nɔuu ji ye nyɛminyumu, ye nyɛmiyo, kɛ ye nyɛ.”

Marko 7:21

Ejakaa nɔmlɔ tsui mi tɔɔ nɛ juɛmi yayami nɛ ɔmɛ jeɔ: nyumu kɛ yo yakayaka fiɛmi, jumi, nɔ gbemi,

Yohane 1:13

A pee mɛ Mawu bimɛ, pi ngɛ he lo nya kaa nyumu fɔɔ bi aloo nɔmlɔ adesa suɔmi nya; Mawu mi a je kɛ fɔ mɛ.

Yohane 7:17

Nɔ tsuaa nɔ nɛ suɔ kaa e maa pee Mawu suɔmi nya ní ɔ, e maa na kaa nɔ́ nɛ i ngɛ tsɔɔe ɔ je Mawu ngɔ, se pi imi nitsɛ ye he wami nya.

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

Romabi 14:7

Wa ti nɔ ko nɔ ko hɛ ka we kɛ ha lɛ nitsɛ e he, nɛ́ nɔ ko ma gbo ha lɛ nitsɛ e he.

Romabi 6:11

Ja nɔuu nyɛɛ bu nyɛ he kaa nihi nɛ gbo ngɛ yayami peemi blɔ fa mi; se ngɛ Yesu Kristo mi ɔ, Mawu ha nɛ nyɛ hɛ ngɛ.

Romabi 6:2

Dɛbi! Wa ngɛ kaa nihi nɛ gbo, nɛ yayami be a nɔ he wami hu. Mɛni he je mɔ nɛ wa maa hi yayami pee kɛ mwɔɔ ɔ?

Romabi 7:4

Ye nyɛmimɛ, bɔ nɛ nyɛ sane ngɛ ji nɛ ɔ nɛ. Kristo nɔmlɔ tso ɔ he ɔ, nyɛ ngɛ kaa nihi nɛ gbo, nɛ mlaa fi we nyɛ hu. Lɔ ɔ he ɔ, nyɛ peeɔ nɔ nɛ a tle lɛ si kɛ je gbeje ɔ nihi, konɛ wɔ tsuo waa wo yiblii ha Mawu.

2 Korintobi 5:15

Kristo gbo ha nihi tsuo, konɛ nihi nɛ a hɛ ngɛ ɔ, a ko pee mɛ nitsɛmɛ a suɔmi nya ní hu; se mohu a pee Kristo suɔmi nya ní. Ejakaa Kristo gbo, nɛ Mawu tle lɛ si kɛ ba wami mi ekohu ngɛ mɛɛ a he.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Efesobi 5:17

Lɔ ɔ he ɔ, nyɛ ko je kuasia; se mohu nyɛɛ bɔ mɔde nɛ nyɛ yo níhi nɛ ji Nyɔmtsɛ ɔ suɔmi nya ní.

Efesobi 6:6

pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Se mohu nyɛɛ je nyɛ tsui mi tɔɔ nɛ nyɛɛ pee nɔ́ nɛ Mawu suɔ, ejakaa Kristo nyɔguɛhi ji nyɛ.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

Kolosebi 3:3

Ejakaa nyɛ ngɛ kaa nihi nɛ gbo, nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

1 Tesalonikabi 5:18

nyɛɛ na Mawu si ngɛ nɔ́ tsuaa nɔ́ he. Nyɛ nihi nɛ nyɛ ngɛ Kristo Yesu mi ɔ, enɛ ɔ ji nɔ́ nɛ Mawu suɔ kaa nyɛɛ pee.

Hebribi 13:21

e dla nyɛ kɛ pi si kɛ ní tsumi kpakpa sɔuu, konɛ nyɛɛ pee e sɔumi nya ní; nɛ kɛ gu Yesu Kristo nɔ ɔ, e ha nyɛ tsu níhi nɛ maa sa e hɛ mi, konɛ a wo e hɛ mi nyami kɛ je neneene kɛ ya neneene. Amen.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

1 Petro 1:14

Nyɛɛ bu Mawu tue. Akɔnɔhi nɛ hao nyɛ benɛ nyɛ li anɔkuale ɔ lolo ɔ, nyɛ ko ya nyɛɛ se hu.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.

1 Yohane 2:17

Je ɔ, kɛ e mi níhi nɛ peeɔ nɔ akɔnɔ ɔ ngɛ bee kɛ yaa. Se nɔ nɛ peeɔ Mawu suɔmi nya ní ɔ, lɛɛ e ngɛ kɛ yaa neneene.