1 Petro 4:18 - BAIBLO ALOO NGMAMI KLƆUKLƆU Ɔ

¹⁸ Kaa bɔ nɛ ngmami ɔ deɔ ɔ, “Ke dengme loko a ma he nimli kpakpahi a yi wami ɔ, lɛɛ yayami peeli nɛ li Mawu ɔ, mɛɛ kɛ a nyagbe maa hi kɛɛ?”

Somi He Ɔ

¹⁸ Kaa bɔ nɛ ngmami ɔ de ɔ, “Ke dengme loko a ma he dalɔ yi wami ɔ, Lɛɛ, nɔ nɛ yi Mawu gbeye kɛ yayami peelɔ ɔ, jije e maa da?”

1 Petro 4:18 ပူးပေါင်းရင်းမြစ်များ

Abɛ Womi 11:31

Nɔ nɛ peeɔ nɔ́ nɛ da a, e naa e hiɔwo ngɛ zugba nɛ ɔ nɔ tete po. Lɔ ɔ he ɔ, yiwutsotsɛmɛ, kɛ yayami peeli hu ja a gbla a tue kɛ̃.

Ezekiel 18:24

“Se ke nɔ nɛ peeɔ nɔ́ nɛ da jɔɔ kpakpa peemi, nɛ e bɔni ní hiemi níhi tsuo nɛ yayami peeli peeɔ peemi ɔ, anɛ e yi ma na wami lo? Dɛbi, kpakpa nɛ e pee sa a tsuo a be ekoeko kaie hu. E ma gbo ngɛ e tɔmi nɛ e tɔ, kɛ yayamihi nɛ e pee ɔ a he.

Luka 23:31

Ejakaa ke tso mumu lɛ a pee enɛ ɔ ɔ, tso gbigbli lɛɛ kɛ e nɔ́ maa hi kɛɛ?”

Yuda 1:15

E maa kojo nimli tsuo; nihi nɛ li Mawu ɔ, e maa gbla a tue bɔ nɛ sa ngɛ a ní yayami ɔmɛ, kɛ musu bɔmi munyuhi nɛ a tu kɛ si Mawu ɔ a he.”

1 Korintobi 10:12

Lɔ ɔ he ɔ, nɔ nɛ susuɔ kaa e daa si ɔ, e hyɛ e he nɛ hi, konɛ e ko nɔ si.

Romabi 1:18

Nihi nɛ peeɔ yayami, nɛ a bɔɔ musu kɛ tsiɔ anɔkuale ɔ nɛ kɔɔ Mawu he ɔ nya a, Mawu kɛ mi mi fumi nɛ jeɔ hiɔwe gblaa a tue.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Romabi 5:8

Se suɔmi kpetekpleenyɛ nɛ Mawu je kpo ji nɛ ɔ nɛ, kaa be nɛ wa ji yayami peeli ɔ, jamɛ a be ɔ Kristo ba gbo ngɛ wa he.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Yeremia 25:29

Ma bɔni hɛ mi kpatami ní tsumi ɔ kɛ je imi nitsɛ ye ma a mi. Pe a susu kaa a maa ye a he lo? Dɛbi! A be a he yee; ja a gbla a tue kokooko. Ejakaa ma ha nɛ ta maa ba je ma amɛ tsuo a nɔ. Imi, Yawɛ Tabohiatsɛ ɔ lɛ i de.

Hebribi 4:1

Mawu wo si ke e ma ha wa ma ya jɔɔ wa he ngɛ he jɔɔmi he. Siwo nɛ ɔ ngɛ kɛ ha wɔ kɛ mwɔɔ. Lɔ ɔ he ɔ, nyɛ ha waa hyɛ nɛ hi, konɛ e ko ba mi kaa nyɛ ti nɔ ko ya nyɛ we nɛ e su lejɛ ɔ.

Romabi 5:6

Ejakaa be nɛ sa mi, be mi nɛ peepee ta wa he ɔ, jamɛ a be ɔ Kristo ba gbo ngɛ yayami peeli a he.

Mose I, 13:13

Sodom ma a, yiwutsotsɛmɛ ji mɛ, nɛ a pee yayami kɛ si Yawɛ.

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

Luka 15:1

Ligbi ko benɛ tó tsuli, kɛ yayami peeli babauu ba Yesu ngɔ nɛ a ba bu lɛ tue ɔ,

Samuel I, 15:18

E tsɔ mo, nɛ e de mo ke, ‘Yaa nɛ o kɛ Amalek yayami peeli ɔmɛ ya hwu nɛ o kpata a hɛ mi, nɛ e ko piɛ a ti nɔ kake po.’

Ni Tsumi 27:31

Se Paulo de asafoatsɛ ɔ, kɛ ta buli ɔmɛ ke, “Ke lɛ mi ní tsuli ɔmɛ je lɛ ɔ mi lɛɛ nyɛ be je mi tlɔe.”

1 Timoteo 1:9

E sa kaa wa kai kaa mlaa he hia we nimli kpakpahi. Ni nɛmɛ nɛ a woɔ mlaa ha ji mlaa tɔli, awi yeli, nihi nɛ li Mawu, yayami peeli, nihi nɛ Mawu mumi be a mi, nihi nɛ gbee mɛ nitsɛmɛ a tsɛmɛ kɛ a nyɛmɛ, kɛ muɔ si pueli kpahi.

Yakobo 5:6

Nihi nɛ peeɔ nɔ́ nɛ da, se a be he wami nɛ a kɛ ma fa a he ɔ, nyɛ bu mɛ fɔ, nɛ nyɛ gbe mɛ.