1 Petro 4:12 - BAIBLO ALOO NGMAMI KLƆUKLƆU Ɔ

¹² Nyɛmimɛ nɛ i suɔ, bɔ nɛ a ngɛ nyɛ hemi kɛ yemi ɔ kae, nɛ nyɛ ngɛ nɔ́ nae ɔ, e ko pee nyɛ nyakpɛ. Nyɛ ko susu kaa nɔ́ ko nɛ bɛ hyɛ nyɛ ngɛ nae ɔ.

Somi He Ɔ

¹² Suɔli, nyɛ ko ha amanehlu la nɛ a kɛ ngɛ nyɛ kae ɔ nɛ pee nyɛ sane slɔɔto ko, kaa nɔ nɛ nɔ́ ko slɔɔto ko lɛ ngɛ nyɛ pee ɔ,

1 Petro 4:12 ပူးပေါင်းရင်းမြစ်များ

2 Timoteo 3:12

Niinɛ, nɔ tsuaa nɔ nɛ hlaa kaa e pee e he Mawu jalɔ nɛ le Kristo Yesu ɔ, a maa wa lɛ yi mi.

1 Petro 5:9

Nyɛ hemi kɛ yemi ɔ mi nɛ wa, nɛ nyɛɛ tsi lɛ blɔ. Ejakaa nyɛ le kaa nihi nɛ heɔ Kristo yeɔ kaa nyɛ ngɛ je ɔ mi tsuo ɔ, mɛ hu kikɛmɛ a amanehlu nɛ ɔ nɔuu a ngɛ nae.

Daniel 11:35

A maa gbe ní leli nɛ ɔmɛ a ti ni komɛ. Se se nami mohu maa je mi kɛ ba, ejakaa a maa tsukɔ ma a he. Nɔ́ nɛ ɔ maa ya nɔ hluu kɛ yaa si nyagbe be ɔ nɛ Mawu to ɔ maa ba.

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

1 Korintobi 3:13

Se ligbi ɔ nɛ Kristo maa ba a, nɔ tsuaa nɔ ní nɛ e tsu ɔ maa je kpo paa. Ejakaa jamɛ a ligbi ɔ, a kɛ la ma je nɔ tsuaa nɔ ní tsumi kpo. La a maa tsɔɔ bɔ nɛ nɔ tsuaa nɔ ní tsumi ngɛ ha.

1 Petro 4:4

Amlɔ nɛ ɔ lɛɛ e peeɔ mɛ nyakpɛ kaa nyɛ piɛ we a he kɛ pee we jamɛ a yakayaka ní ɔmɛ hu; nɛ lɔ ɔ he ɔ, a tuɔ nyɛ he munyu yaya.

Yesaya 28:21

Yawɛ ma je e he wami ɔ kpo kaa bɔ nɛ e pee ngɛ Perazim yo ɔ nɔ, kɛ Gibeon kɔ̃ ɔ mi ɔ, konɛ e kɛ tsu nɔ́ nɛ e to kaa e ma tsu ɔ; níhi nɛ e ma tsu ɔ maa pee nyakpɛ níhi nɛ eko bɛ hyɛ.

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.