1 Petro 3:22 - BAIBLO ALOO NGMAMI KLƆUKLƆU Ɔ

²² Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

Somi He Ɔ

²² nɔ nɛ ho hiɔwe ya nɛ e hii si ngɛ Mawu hiɛ ɔ nɔ nɛ a ngɔ hiɔwe bɔfohi kɛ he blɔhi kɛ he wamihi ngɔ wo e sisi ɔ.

1 Petro 3:22 ပူးပေါင်းရင်းမြစ်များ

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 10:12

Se Kristo lɛɛ bɔ kake too e ngɔ e he kɛ sã kɛ je yayami kɛ yaa neneene, nɛ e ya hi si ngɛ Mawu hiɔ nɔ.

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Hebribi 8:1

Nɔ́ nɛ wa ngɛ dee ɔ we oti ɔ tsɔɔ kaa wa ngɛ nɔ ko nɛ ji osɔfo nɔkɔtɔma pe kulaa nɛ hii si ngɛ Mawu matsɛ sɛ ɔ hiɔ nɔ ngɛ hiɔwe.

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

Kolosebi 3:1

A tle nyɛɛ kɛ Kristo tsuo si, lɔ ɔ he ɔ, nyɛ hla níhi nɛ ngɛ hiɔwe, he nɛ Kristo hii si ngɛ Mawu hiɔ nɔ ngɛ ɔ.

Romabi 8:38

Ejakaa i ngɛ nɔ mi mami kaa gbenɔ jio, wami jio, hiɔwe bɔfohi jio, nɔ yeli kpa komɛ nɛ ngɛ hiɔwe jio, níhi nɛ ngɛ jio, níhi nɛ maa ba jio, he wami kpa ko jio,

Romabi 8:34

Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

Mateo 22:44

‘Nyɔmtsɛ ɔ de ye Nyɔmtsɛ ɔ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ wo o nane sisi.” ’

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

1 Korintobi 15:24

Lɔ ɔ se ɔ, je mi nyagbe maa ba. Kristo maa ye mumi mi nɔ yeli, kɛ blɔ nyahi, kɛ he wami tsuo a nɔ, nɛ e maa ngɔ matsɛ yemi ɔ ngɔ ha Mawu nɛ ji Tsɛ ɔ.

Ni Tsumi 3:21

E sa kaa e ya hi hiɔwe kɛ yaa su be nɛ a maa pee níhi tsuo ehe. Mawu tu nɔ́ nɛ ɔ he munyu kɛ gu e gbali klɔuklɔu ɔmɛ a nɔ blema lokoo.

Ni Tsumi 1:11

Nyumu ɔmɛ bi ke, “Nyɛ Galilea bi mɛni he je nyɛ daa si ngɛ kɔɔhiɔ mi hyɛe kikɛ nɛ ɔ? Yesu ɔ nɛ a ngɔ kɛ ho hiɔwe ya nɛ ɔ, e maa kpale kɛ ba ja nɔuu kaa bɔ nɛ nyɛ na lɛ nɛ e yaa a.”

Marko 12:36

Ejakaa Mumi Klɔuklɔu ha David nitsɛ de ke, ‘Nyɔmtsɛ ɔ de ye Nyɔmtsɛ ɔ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ wo o nane sisi.” ’

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Hebribi 1:13

Mawu de we Mawu bɔfo ɔmɛ a ti nɔ ko hyɛ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Luka 20:42

Ejakaa David nitsɛ de ngɛ La Womi ɔ mi ke, ‘Nyɔmtsɛ ɔ de ye Nyɔmtsɛ ɔ ke, Hii si ngɛ ye hiɔ nɔ

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Hebribi 1:6

Se benɛ Mawu miɔ nɛ e maa tsɔ e bitɛte ɔ je ɔ mi ɔ, e de ekohu ke, “Ha nɛ Mawu bɔfo ɔmɛ tsuo nɛ a ja lɛ.”

Hebribi 4:14

Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

Yohane 13:32

Nɛ ke a gu Nɔmlɔ Bi ɔ nɔ kɛ wo Mawu hɛ mi nyami ɔ, Mawu nitsɛ hu maa wo Nɔmlɔ Bi ɔ hɛ mi nyami. E ma tsu nɔ́ nɛ ɔ amlɔ nɔuu.