Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.
Nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ ngɛ nɔ́ tsuaa nɔ́ mi, pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Mohu ɔ, nyɛɛ bu mɛ kɛ je nyɛ tsui mi kaa nihi nɛ yeɔ Mawu gbeye.
Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.
Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.
Jã nɔuu kɛ̃, nyɛ yigbayihi hu, nyɛɛ ba nyɛ he si ha nyɛ hunomɛ, bɔ nɛ pee nɛ ke a ti ni komɛ he we Mawu munyu ɔ yi ɔ, nyɛ je mi bami nɛ tsake mɛ. E be hiae kaa a kɛ mɛ nɛ tu munyu po,
Akɛnɛ ní nɛ ɔmɛ tsuo pɛpɛɛpɛ a hɛ mi ma kpata kikɛ nɛ ɔ, lɛɛ kɛ e sa kaa nyɛɛ ba nyɛ je mi kɛɛ? E sa kaa nyɛɛ pee nyɛ he klɔuklɔu, nɛ nyɛɛ ngɔ nyɛ he ngɔ ha Mawu,