1 Petro 3:18 - BAIBLO ALOO NGMAMI KLƆUKLƆU Ɔ

¹⁸ Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

Somi He Ɔ

¹⁸ Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

1 Petro 3:18 ပူးပေါင်းရင်းမြစ်များ

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

1 Petro 4:6

Enɛ ɔ he je nɛ a fiɛ sane kpakpa a ngɔ tsɔɔ ni gbogboehi tete po ɔ nɛ. A kojo mɛ ngɛ he lo blɔ fa mi kaa nimli adesahi mohu lɛɛ, se a ya fiɛ sane kpakpa a ngɔ tsɔɔ mɛ, konɛ a kɛ Mawu nɛ hi si ngɛ mumi mi.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.

Romabi 4:25

Mawu ngɔ Kristo kɛ ha nɛ a gbe lɛ ngɛ wa he yayami ɔmɛ a he; nɛ a tle lɛ si kɛ ba wami mi ekohu, konɛ e kɛ wo wɔ nguɔ.

1 Petro 4:1

Akɛnɛ Kristo na nɔ́ ngɛ he lo mi he je ɔ, nyɛ hu nyɛ dla nyɛ he kɛ jamɛ a juɛmi ɔ nɔuu. Ejakaa nɔ tsuaa nɔ nɛ naa nɔ́ ngɛ he lo mi ɔ, e kɛ yayami be sane ko hu.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Galatabi 1:4

Yesu Kristo ngɔ e he ngɔ ha ngɛ wa he yayami ɔmɛ a he, konɛ a je wɔ kɛ je yi nɔ nɛ ɔ yi wu tso ní peemi ɔmɛ a mi. Enɛ ɔ ji wa Mawu, kɛ wa Tsɛ ɔ suɔmi nya ní.

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

Romabi 5:2

Si himi nɛ wa ngɛ mi amlɔ nɛ ɔ, Mawu dloomi nya nɛ wa na kɛ gu Yesu Kristo nɛ wa heɔ yeɔ ɔ nɔ. Lɔ ɔ he ɔ, wa fĩaa, ejakaa wa nine maa su Mawu hɛ mi nyami ɔ nɔ.

Romabi 1:4

Se a tle lɛ si kɛ je gbeje ngɛ Mawu mumi ɔ he wami nya kɛ tsɔɔ kaa Mawu Bi ji lɛ; nɛ e ngɛ klɔuklɔu.

Yakobo 5:6

Nihi nɛ peeɔ nɔ́ nɛ da, se a be he wami nɛ a kɛ ma fa a he ɔ, nyɛ bu mɛ fɔ, nɛ nyɛ gbe mɛ.

Ni Tsumi 3:14

Nyɛɛ lɛɛ nyɛ kua nɔ klɔuklɔu ɔ nɛ dami sane pɛ e yeɔ ɔ, nɛ nyɛ kpa pɛɛ ke a ngmɛɛ awi yelɔ mohu he ngɔ ha nyɛ.

2 Korintobi 1:24

Wa sume kaa wa maa nyɛ nyɛ nɔ nɛ waa tsɔɔ nɔ́ nɛ sa nɛ nyɛ he ye; wa le kaa nyɛ hɛɛ hemi kɛ yemi ɔ mi wawɛɛ. Mohu ɔ, waa kɛ nyɛ ngɛ ní tsue, konɛ nyɛ na bua jɔmi.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

Ni Tsumi 22:14

E de mi ke, ‘Wa nɛmɛ ɔmɛ a Mawu ɔ hla mo ngɔ to, konɛ o le e suɔmi nya ní, nɛ o na e Tsɔlɔ nɛ peeɔ nɔ nɛ da a, konɛ o nu lɛ nitsɛ e nya mi gbi.

Mateo 27:19

Benɛ Pilato hii si ngɛ kojomi sɛ ɔ nɔ ɔ, e yo tsɔ nɔ kɛ sɛ gbi ba de lɛ ke, “Hyɛ, koo pee dalɔ nɛ ɔ yayami ko oo! Ejakaa i nla nlami basabasa ngɛ e he nyɔ nɛ ɔ mi, nɛ i hao wawɛɛ.”

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Mateo 27:24

Pilato na kaa e he hia we hu kaa a ya nɔ, ejakaa basabasa miɔ nɛ e maa te si. Lɔ ɔ he ɔ, e yɛ nyu, nɛ e fɔ e dɛ ngɛ ma kpekpemi ɔ hɛ mi, nɛ e de ke, “Nyumu nɛ ɔ gbenɔ ɔ, ye nine be mi oo, ye nine be mi! Nyɛ, nyɛ sane!”

Yohane 16:10

nɛ a juɛmi ngɛ nɔ́ nɛ da he ɔ dɛ, ejakaa i yaa Tsaatsɛ ngɔ nɛ nyɛ be mi nae hu.

Efesobi 3:12

Akɛnɛ wa heɔ Kristo Yesu yeɔ, nɛ wa ngɔ wa hɛ ngɔ fɔ e nɔ he je ɔ, wa yi gbeye kaa wa maa ya Mawu hɛ mi.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

Hebribi 10:10

Yesu Kristo pee Mawu suɔmi nya ní; e ngɔ e nɔmlɔ tso ɔ kɛ sã bɔ si kake too nyɔngloo, nɛ e kɛ je wɔ tsuo wa he yayami.

1 Petro 3:19

Nɛ kaa mumi ɔ, e ya mumihi nɛ a wo mɛ tsu ɔ a ngɔ, nɛ e ya fiɛ ha mɛ.