1 Petro 3:13 - BAIBLO ALOO NGMAMI KLƆUKLƆU Ɔ

¹³ Ke nyɛ hɛ dɔɔ ngɛ nɔ́ kpakpa peemi he ɔ, mɛnɔ maa pee nyɛ yayami?

Somi He Ɔ

¹³ Nɛ ke nyɛ bɔɔ nɔ kpakpa peemi he mɔde ɔ, mɛnɔ maa pee nyɛ yayami?

1 Petro 3:13 ပူးပေါင်းရင်းမြစ်များ

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

Romabi 8:28

Wa le kaa nɔ́ tsuaa nɔ́ mi ɔ, Mawu piɛɔ nihi nɛ suɔ lɛ ɔ a he, konɛ e hi ha mɛ. Nimli nɛ ɔmɛ ɔ, Mawu nitsɛ nɛ to e yi mi, nɛ e tsɛ mɛ.

3 Yohane 1:11

Ye nyɛmi nɛ i suɔ! Ko ya wo nihi nɛ peeɔ ní yayamihi a nane; moo kase nihi nɛ peeɔ nɔ́ kpakpa mohu. Nɔ tsuaa nɔ nɛ peeɔ nɔ́ kpakpa a, Mawu nɔ́ ji lɛ; nɔ nɛ peeɔ yayami ɔ, e li Mawu.

La 38:20

Nihi nɛ ngɔɔ yayami kɛ toɔ kpakpa nane mi ɔ, jamɛatsɛmɛ ɔmɛ ba pee ye he nyɛli; ejakaa imi lɛɛ i hlaa kaa ma pee nɔ́ nɛ da.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

1 Korintobi 14:1

Lɔ ɔ he ɔ, nyɛɛ bɔ suɔmi he mɔde pe nɔ́ tsuaa nɔ́. Nyɛɛ di mumi mi nike níhi a se, titli ɔ, Mawu sɛ gbi ɔ fiɛmi.

Romabi 13:3

Ejakaa nɔ yeli nɛ ngɛ nɛ ɔ, e sɛ kaa nihi nɛ peeɔ nɔ́ kpakpa yeɔ mɛ gbeye, se mohu nihi nɛ peeɔ nɔ́ yaya. Anɛ o suɔ nɛ o ko ye nɔ yelɔ ɔ gbeye lo? Ke ja a, lɛɛ pee nɔ́ kpakpa; nɛ nɔ yelɔ ɔ ma je o yi.

Abɛ Womi 15:9

Yayami peelɔ je mi bami sɛ Yawɛ hɛ mi kulaa; se nɔ nɛ peeɔ nɔ nɛ da a, Yawɛ suɔ lɛ.

Efesobi 5:1

Akɛnɛ Mawu bimɛ nɛ e suɔ ji nyɛ he je ɔ, nyɛɛ bɔ mɔde nɛ nyɛɛ kase lɛ.

Abɛ Womi 12:21

Nihi nɛ peeɔ nɔ́ nɛ da a, nɔ́ yayami ko be a he sae. Se yiwutsotsɛmɛ lɛɛ haomi sɔuu ji nɔ́ nɛ maa ba a nɔ.

Yeremia 39:12

“Yaa nɛ o ya ngɔ Yeremia, nɛ o hyɛ e nɔ saminya. Koo pee lɛ yayami ko; se mohu nɔ́ tsuaa nɔ́ nɛ e ngɛ hlae ɔ, pee ha lɛ.”

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.