1 Petro 2:8 - BAIBLO ALOO NGMAMI KLƆUKLƆU Ɔ

⁸ Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.

Somi He Ɔ

⁸ Nɛ ngmami kpã ko hu de ke: “Enɛ ɔ ji si tɛmi tɛ Kɛ nane kpatami tɛ sa ha mɛ.” Ejakaa akɛnɛ a bui munyu ɔ tue he je ɔ, a tɛ si nɛ kɔlɔ ɔ nɔuu Mawu to ha mɛ.

1 Petro 2:8 ပူးပေါင်းရင်းမြစ်များ

Hiob 23:14

Nɔ́ nɛ e to ha mi ɔ, lɔ ɔ e ngɛ pee ɔ nɛ; níhi kaa kikɛ nɛ ɔ babauu hu ngɛ e yi mi.

Mose II, 9:16

Se i ha nɛ o ngɛ je mi, bɔ nɛ pee nɛ ma je ye he wami kpo ngɔ tsɔɔ mo, konɛ a wo ye biɛ ta ngɛ je ɔ mi tsuo.

Yesaya 37:26

“Anɛ o nui kaa i bɔni nɔ́ nɛ ɔ he ní tsumi kɛ je kɛ lo? Nɔ́ nɛ i ngɛ pee nɛ ɔ, i to he ga kɛ je blema lokoo, konɛ mahi nɛ a fia gbogbo ngɔ wo a he ɔ, nyɛɛ pee mɛ ma dokuhi.

Yesaya 57:14

Yawɛ ke, “Nyɛ ha ye ma a nɛ kpale kɛ ba ye ngɔ. Nyɛ je blɔ tsimi nɔ́ tsuaa nɔ́ kɛ je a blɔ mi! Nyɛɛ je gbɛjegbɛ saminyayoo ha mɛ!

Yesaya 8:14

Ma plɛ pee he ko nɛ ngɛ klɔuklɔu; ma pee tɛ nɛ maa tsi mo blɔ. Se Israel kɛ Yuda bi ɔmɛ ɔ, ma pee tɛ sa nɛ maa tsɛ̃ mɛ kɛ ko si; nɛ ma pee klama nɛ maa du nihi nɛ a ngɛ Yerusalem.

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Romabi 9:22

Anɛ kaa Mawu suɔ nɛ a le bɔ nɛ e mi mi la ngɛ, kɛ e he wami ɔ, jinɛ e ko kpata nihi nɛ woɔ e mi mi la a a hɛ mi pɛsɛpɛsɛ. Se e to e tsui si babauu ha mɛ.

1 Korintobi 1:23

Se wɔɔ lɛɛ Kristo nɛ a sɛu ɔ wa ngɛ fiɛe. Enɛ ɔ peeɔ blɔ tsimi nɔ ha Yuda bi, nɛ Hela bi hu buu lɛ kaa kuasiahi a sane.

2 Korintobi 2:16

Nihi nɛ ngɛ blɔ nɔ kɛ yaa hɛ mi kpatami mi ɔ, Kristo sɛ gbi ɔ ji gbenɔ ha mɛ. Se ni nɛmɛ nɛ ngɛ blɔ nɔ kɛ yaa neneene wami mi ɔ lɛɛ sɛ gbi ɔ ji wami ha mɛ. Ní tsumi kaa kikɛ nɛ ɔ, mɛnɔ ma nyɛ?

Galatabi 5:11

Ye nyɛmimɛ, ke i ngɛ fiɛe kɛ mwɔɔ ke e hia nɛ a po nɔ doo ɔ, lɛɛ mɛni he je a ngɛ mi yi mi wae kpamisa mɔ? Ke ja ji sane ɔ, lɛɛ Kristo sɛumi tso ɔ he sane ɔ nɛ i ngɛ fiɛe ɔ, e sɛ́ kaa e haoɔ nɔ ko.

1 Tesalonikabi 5:9

Mawu hla we wɔ kɛ to, nɛ e na wa he abofu. Se mohu, e wo wɔ kɛ to, konɛ e he wa yi wami kɛ gu wa Nyɔmtsɛ Yesu Kristo nɔ.

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”

1 Petro 2:7

Nyɛ nihi nɛ nyɛ he ye ɔ, e he jua wa ha nyɛ saminya; se ni nɛmɛ nɛ he we yi ɔ, “Tɛ ɔ nɛ tsu fiali ɔmɛ kua a, lɔ ɔ tutuutu ba plɛ pee kɔ nya tɛ.”

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.