1 Petro 2:7 - BAIBLO ALOO NGMAMI KLƆUKLƆU Ɔ

⁷ Nyɛ nihi nɛ nyɛ he ye ɔ, e he jua wa ha nyɛ saminya; se ni nɛmɛ nɛ he we yi ɔ, “Tɛ ɔ nɛ tsu fiali ɔmɛ kua a, lɔ ɔ tutuutu ba plɛ pee kɔ nya tɛ.”

Somi He Ɔ

⁷ Lɔ ɔ he ɔ, nyɛ nihi nɛ nyɛ heɔ yeɔ ɔ, tɛ nɛ ɔ he jua wa ha nyɛ; se ninɛmɛ nɛ he we yi ɔ, “tɛ nɛ tsu fiali ɔmɛ kua a, kɔlɔ ɔ nɔuu lɛ plɛ kɔ nya tɛ kɛ si tɛmi tɛ kɛ nane kpatami tɛ sa ha mɛ.”

1 Petro 2:7 ပူးပေါင်းရင်းမြစ်များ

Mateo 21:42

Yesu de mɛ ke, “Anɛ nyɛ kane we enɛ ɔ ngɛ ngmami ɔmɛ a mi hyɛ?” Ngmami ɔ ke, “Tɛ ɔ nɛ tsu fiali ɔmɛ sake fɔ he ɔ, lɔ ɔ tutuutu ba plɛ kɔ nya tɛ. Nyɔmtsɛ ɔ lɛ pee enɛ ɔ; hyɛ bɔ nɛ e ngɛ nyakpɛ ha!”

1 Petro 2:8

Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

Hebribi 11:31

Hemi kɛ yemi lɛ ha nɛ Rahab, yaholɔ ɔ gbo we kɛ piɛ we tue gboli nɛ a kpata a hɛ mi ɔ a he, ejakaa nihi nɛ ya slaa zugba a, e he mɛ kɛ bua jɔmi.

Hebribi 4:11

Lɔ ɔ he ɔ, nyɛ ha nɛ waa bɔ mɔde, konɛ wa nine nɛ su he jɔɔmi nɛ ɔ nɔ, nɛ nɔ ko kó gbo tue kaa mɛ, nɛ e ba laa blɔ.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Kolosebi 2:10

Nyɛɛ kɛ Kristo pee kake, lɔ ɔ he ɔ, Kristo nɛ ji yi ha nɔ yeli tsuo ɔ su ngɛ nyɛ mi.

2 Korintobi 2:16

Nihi nɛ ngɛ blɔ nɔ kɛ yaa hɛ mi kpatami mi ɔ, Kristo sɛ gbi ɔ ji gbenɔ ha mɛ. Se ni nɛmɛ nɛ ngɛ blɔ nɔ kɛ yaa neneene wami mi ɔ lɛɛ sɛ gbi ɔ ji wami ha mɛ. Ní tsumi kaa kikɛ nɛ ɔ, mɛnɔ ma nyɛ?

Romabi 15:31

Nyɛɛ sɔle konɛ nihi nɛ ngɛ Yudea nɛ he we Mawu yi ɔ nɛ a ko doo ye nya, nɛ jehanɛ hu, ní nɛ i yaa tsu ngɛ Yerusalem ɔ nɛ sa ni klɔuklɔu ɔmɛ a hɛ mi.

Romabi 10:21

Se Israel lɛɛ Yesaya de ngɛ e he ke, “Daa nɛ ɔ, i gbɛ ye gugue mi nɛ ma he nyɛ atuu; Ma tue gboli nɛ a tsui kplii!”

Ni Tsumi 26:19

“Matsɛ Agripa, lɔ ɔ he ɔ, nina nɛ a je tsɔɔ mi kɛ je hiɔwe ɔ, i ye nɔ saminya.

Yohane 4:42

Kɛkɛ nɛ a de yo ɔ ke, “Jehanɛ lɛɛ pi o munyu ɔ nya hu nɛ wa heɔ yeɔ kaa nɔmlɔ nɛ ɔ ji je ɔ yi wami helɔ ɔ, se mohu nɔ́ nɛ wɔ nitsɛmɛ wa nu kɛ wa tue kɛ je lɛ nitsɛ e nya a he.”

Luka 20:17

Yesu hyɛ mɛ kɛ kpe, nɛ e bi ke, “Lɛɛ mɛni ji ngmami nɛ ɔ sisi mɔ? ‘Tɛ ɔ nɛ tsu fiali ɔmɛ sake fɔ he ɔ, lɔ ɔ nɔuu nɛ ba plɛ kɔ nya tɛ nɛ ɔ nɛ.’

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Zakaria 4:7

Mo yo gagaa, mɛni kulaa ji mo ngɛ Zerubabel hɛ mi? E maa ba mo si, nɛ o maa pee kaa nga kplanaa. Be nɛ o kɛ nyagbe tɛ ɔ maa ma e blɔ he ngɛ tsu ɔ yi mi ɔ, ma a tsuo ma he ose ke, ‘Afɛu nɔ oo, afɛu nɔ!’ ”

Hagai 2:7

Ma ngɔ je mahi tsuo ngɔ fia si, nɛ a maa muɔ a juetli babauu ɔ kɛ ba hiɛ ɔ, nɛ Mawu we ɔ ma hyi tɔtɔɔtɔ kɛ níhi nɛ a he jua wa.

Yesaya 28:5

Be ma nɛ Yawɛ Tabohiatsɛ ɔ maa pee kaa mɔmɔ jlasi saminyayoo kɛ ha e ma mi ni nɛmɛ nɛ a yi ma na wami ɔ.

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

1 Petro 2:4

Nyɛɛ ba Nyɔmtsɛ ɔ ngɔ. Lɛ ji tɛ nɛ hɛ ngɛ nɛ adesa kua lɛ kaa nɔ́ nɛ he be se nami ɔ nɛ. Se Mawu lɛɛ e hla lɛ kaa nɔ́ nɛ he jua wa saminya.