1 Petro 2:5 - BAIBLO ALOO NGMAMI KLƆUKLƆU Ɔ

⁵ Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Somi He Ɔ

⁵ nɛ nyɛ hu, nyɛ ha a ngɔ nyɛ kaa tɛ nɛ hɛ ngɛ nɛ a kɛ fia mumi mi sɔlemi tsu nɛ nyɛɛ pee osɔfohi a weku konɛ nyɛɛ sã mumi mi bɔ nɛ sa Mawu hɛ mi kɛ gu Yesu Kristo nɔ.

1 Petro 2:5 ပူးပေါင်းရင်းမြစ်များ

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

1 Korintobi 3:9

Wɔɔ lɛɛ Mawu tsɔli nɛ pee kake kɛ ngɛ ní tsue ji wɔ. Nyɛɛ lɛɛ nyɛ ngɛ kaa ngmɔ nɛ Mawu ngɛ ní tsue ngɛ mi. Nyɛ ngɛ kaa tsu nɛ Mawu ngɛ fiae.

Kpojemi 5:10

O to matsɛ yemi sisi ha mɛ, nɛ o wo mɛ osɔfohi, konɛ a sɔmɔ wa Mawu ɔ; nɛ a maa ye matsɛ ngɛ zugba a nɔ.”

1 Korintobi 3:16

Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

Yesaya 61:6

Se nyɛ ye ma a, a ma tsɛ nyɛ ke Yawɛ osɔfohi, a ma tsɛ nyɛ Mawu sɔmɔli hulɔ. Je ma amɛ a ní ɔ, nyɛ nyɛ maa ye, nɛ nyɛ bua maa jɔ kaa lɛ tsuo ba pee nyɛ nɔ́.

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Kpojemi 20:6

Nihi nɛ a bu mɛ ngɔ piɛ ni nɛmɛ nɛ a ma tle mɛ si be nɛ ɔ mi a he ɔ, Mawu gbaa mɛ, nɛ e pee mɛ klɔuklɔu. Gbenɔ enyɔne ɔ be he wami ngɛ a nɔ, se mohu a maa ye osɔfo, nɛ a ma sɔmɔ Mawu kɛ Kristo; nɛ a kɛ Kristo maa ye matsɛ jeha akpe.

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Kpojemi 1:6

e to matsɛ yemi sisi ha wɔ, nɛ e pee wɔ osɔfohi, konɛ wa sɔmɔ e Tsɛ Mawu ɔ, nyɛ ha waa wo e hɛ mi nyami, nɛ e ye matsɛ kɛ ya neneene kɛ neneene. Amen.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Kpojemi 3:12

Nɔ nɛ maa ye kunimi ɔ, ma ngɔ lɛ ngɔ pee titima ngɛ ye Mawu ɔ sɔlemi we ɔ, nɛ e be lejɛ ɔ jee gblegbleegble. Ma ngma ye Mawu ɔ biɛ, kɛ ye Mawu ɔ ma, Yerusalem he ɔ biɛ ngɛ e he. Ma he nɛ ɔ maa je ye Mawu ɔ ngɔ ngɛ hiɔwe kɛ ba. Jehanɛ, ma ngma ye biɛ he ɔ hu ngɛ e he.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

1 Timoteo 3:15

Se ke ye se ya kɛ ɔ, womi nɛ ɔ maa tsɔɔ mo bɔ nɛ sa nɛ wɔ Kristo we bi waa ba wa je mi ha. Mawu weku ɔ mi bi ji wɔ, nɛ wɔ ji Mawu hɛ kalɔ ɔ we asafo. Anɔkuale ɔ nɛ kɔɔ Mawu he ɔ, asafo ɔ nɔ nɛ a fia ngɔ fɔ, nɛ asafo ɔ nɛ faa he.

Yesaya 66:21

Ma pee a ti ni komɛ osɔfohi, nɛ ma pee a ti ni komɛ hu Levi bi.

La 50:23

Nɔ nɛ ba sãã bɔ kɛ naa mi si ɔ, e ngɛ ye hɛ mi nyami woe. Nɔ nɛ peeɔ nɔ nɛ da a, imi Mawu hu ma he e yi wami.”

Kolosebi 3:17

Lɔ ɔ he ɔ, nɔ́ tsuaa nɔ́ kɛ mumi lahi kɛ je nyɛ tsui mi, nɛ nyɛ ngɛ pee; munyu lɛ nyɛ ngɛ tue jio, ní nyɛ ngɛ tsue jio, nyɛɛ pee ngɛ Nyɔmtsɛ Yesu biɛ mi. Nɛ nyɛɛ gu e nɔ kɛ na Tsɛ Mawu ɔ si.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

La 141:2

Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

La 50:14

Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Mose II, 19:6

Se nyɛɛ lɛɛ nyɛ maa pee ye ma klɔuklɔu, nɛ nyɛ ma sɔmɔ mi kaa osɔfohi. Sɛ gbi nɛ ɔ, mo de Israel bi ɔmɛ.”

Abɛ Womi 9:1

Nile ma tsu, nɛ e ma titima kpaago kɛ ha tsu ɔ.

Galatabi 6:10

Lɛɛ ke e maa hi ɔ, waa pee nihi tsuo kpakpa daa, titli ɔ, nihi nɛ waa kɛ mɛ hɛɛ hemi kɛ yemi kake ɔ.

1 Petro 4:17

Be ɔ nɛ a maa je kojomi sisi ɔ su ta, nɛ Mawu maa kojo lɛ nitsɛ e ni ɔmɛ kekle. Ke a kɛ wɔ je sisi ɔ, nihi nɛ he we sane kpakpa a nɛ je Mawu ngɔ ɔ yi ɔ, mɛɛ lɛ a nyagbe maa pee gbeye!

Mose V, 18:2

A be zugba nae kaa a weto ní kaa bɔ nɛ wɛtso kpa amɛ na a; a blɔ nya ji kaa a pee Yawɛ we osɔfohi kaa bɔ nɛ Yawɛ wo si ɔ.

Matsɛmɛ I, 7:11

E nɔ nɛ a fia a, lɔ ɔ hu tɛhi nɛ a he jua wa, nɛ a susu nɛ a kó, kɛ seda a kɛ pee.