1 Petro 2:24 - BAIBLO ALOO NGMAMI KLƆUKLƆU Ɔ

²⁴ Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Somi He Ɔ

²⁴ Yesu nitsɛ tloo wa he yayami ɔmɛ ngɛ e nɔmlɔ tso ɔ hi kɛ ya sɛumi tso ɔ nɔ, konɛ wa gbo ha yayami nɛ wa hɛ hi ngmengmle ha dami, nɔ nɛ he pahi nɛ a kɛ tsa nyɛ ɔ.

1 Petro 2:24 ပူးပေါင်းရင်းမြစ်များ

Mateo 8:17

E pee enɛ ɔ, konɛ nɔ́ nɛ gbalɔ Yesaya de ɔ nɛ ba mi ke, “E ngɔ wa dengme ɔmɛ ngɔ fɔ e nɔ, nɛ e tsa wa hiɔ ɔmɛ.”

Romabi 6:11

Ja nɔuu nyɛɛ bu nyɛ he kaa nihi nɛ gbo ngɛ yayami peemi blɔ fa mi; se ngɛ Yesu Kristo mi ɔ, Mawu ha nɛ nyɛ hɛ ngɛ.

Kpojemi 22:2

kɛ ba be ngɛ gbɛjegbɛ nɛ ngɛ ma a mi ɔ kpɛti. Tso nɛ haa nɔ wami ɔ ngɛ pa a tue hiɛ kɛ hiɛ. E woɔ yiblii si nyɔngma kɛ enyɔ ngɛ jeha mi; nyɔhiɔ tsuaa nyɔhiɔ ɔ, e woɔ si kake, nɛ a kɛ e ba a tsaa nihi ngɛ je ɔ mi.

1 Yohane 2:29

Tse nyɛ le kaa Kristo ɔ, nɔ́ nɛ da e peeɔ. Lɛɛ e hia kaa nyɛɛ le kaa nɔ tsuaa nɔ nɛ peeɔ nɔ́ nɛ da a, Mawu bi ji lɛ.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Romabi 6:2

Dɛbi! Wa ngɛ kaa nihi nɛ gbo, nɛ yayami be a nɔ he wami hu. Mɛni he je mɔ nɛ wa maa hi yayami pee kɛ mwɔɔ ɔ?

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Kolosebi 3:3

Ejakaa nyɛ ngɛ kaa nihi nɛ gbo, nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Romabi 7:6

Se jehanɛ lɛɛ wa ye wa he kɛ je mlaa a dɛ mi. Wa ngɛ kaa nihi nɛ gbo, nɛ mlaa nɛ fiɔ wɔ ɔ be wa nɔ he wami hu. Wa tsu we mlaa momo ɔ nɛ a ngma a nya ní hu. Se mohu blɔ he nɛ Mawu mumi ɔ tsɔɔ wɔ ɔ, lɔ ɔ nya wa sɔmɔɔ ngɛ.

1 Yohane 3:7

Ye bimɛ tsɔwi, nyɛ ko ha nɛ nɔ ko nɛ sisi nyɛ! Nɔ tsuaa nɔ nɛ peeɔ nɔ́ nɛ da a, dalɔ ji lɛ kaa bɔ nɛ Kristo hu dalɔ ji lɛ ɔ.

La 147:3

Ni nɛmɛ nɛ a tsui ku ɔ, e ngɛ mɛ tsae, nɛ e ngɛ a pa amɛ a nɔ fie.

Romabi 6:7

Ejakaa ke nɔ ko gbo ɔ, e kɛ yayami gba mi.

Romabi 6:16

Anɛ nyɛ li kaa ke nyɛɛ kɛ nyɛ he ha nɔ ko nɛ nyɛ buɔ lɛ tue ɔ, yayami nɛ kɛ nɔ yaa gbenɔ mi ɔ jio, Mawu tue bumi nɛ haa nɔ peeɔ nɔ́ nɛ da a jio, nyɛ peeɔ nyɔguɛ kɛ ha lɛ lo?

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Ni Tsumi 5:30

Yesu nɛ nyɛ sɛu ngɛ tso nɔ nɛ nyɛ gbe lɛ ɔ, wa nɛmɛ a Mawu ɔ tle lɛ si.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Mateo 5:20

I ngɛ nyɛ dee ke loko nyɛ maa sɛ hiɔwe matsɛ yemi ɔ mi ɔ, ja nyɛ ye anɔkuale ngɛ nɔ́ nɛ Mawu ngɛ hlae nɛ nyɛɛ pee ɔ mi pe mlaa tsɔɔli ɔmɛ, kɛ Farisi bi ɔmɛ.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Hebribi 12:13

Nyɛɛ nyɛɛ blɔ nɛ da nɔ, konɛ glɔ̃ nane ɔ kó to kpa, se mohu a tsa lɛ.

Ni Tsumi 13:29

Benɛ a pee nɔ́ tsuaa nɔ́ gbe nya kaa bɔ nɛ ngmami ɔ deɔ ngɛ e he ɔ, a je lɛ kɛ je tso ɔ nɔ, nɛ a ya to lɛ ngɛ yɔkɔ ko mi.

Ni Tsumi 10:35

Se mohu ma tsuaa ma mi ɔ, nɔ nɛ yee Mawu gbeye, nɛ e peeɔ nɔ́ nɛ da a, lɛ ji nɔ nɛ saa e hɛ mi.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Kolosebi 2:20

Nɛ Kristo gbo ɔ, nyɛ hu nyɛ gbo, nɛ a kpɔ nyɛ kɛ je mumihi nɛ yeɔ je ɔ nɔ ɔ a dɛ mi. Mɛni he je mɔ nɛ nyɛ peeɔ nyɛ ní kaa nɔ́ nɛ nyɛɛ kɛ je ɔ ngɛ bɔe kɛ mwɔɔ ɔ? Mɛni he je nyɛ haa a pa woɔ nyɛ mlaa ke,

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Ni Tsumi 10:39

Níhi tsuo nɛ e pee ngɛ Yuda bi ɔmɛ a zugba a nɔ, kɛ Yerusalem tsuo ɔ, wa yeɔ he odase. A sɛu lɛ ngɛ sɛumi tso nɔ, nɛ e gbo.

Mateo 27:26

Kɛkɛ nɛ Pilato ngmɛɛ Baraba he ngɔ ha mɛ. Se Yesu ɔ lɛɛ e ha a fia lɛ kpa, nɛ lɔ ɔ se ɔ, e ngɔ lɛ ngɔ ha nɛ a ya sɛu lɛ.

La 38:4

Ye yayami ɔmɛ pee kaa tlomi nɛ i tloo; a pee kaa tlomi nɛ jiɔ tsɔ, nɛ ngɛ mi gbee.

Mose III, 16:22

Akpakpo ɔ maa tloo Israel bi ɔmɛ a he musu tsuo kɛ maa ho zugba nɛ nɔ ko nɔ ko be nɔ ɔ nɔ ya.

Mose II, 28:38

E hi Aaron hɛ nya daa, kɛkɛ ɔ, ke Israel bi ɔmɛ ngɔ a nike ní klɔuklɔu ɔmɛ kɛ ba ha mi, nɛ tɔmi ko ba ngɛ nɔ́ nɛ ɔ peemi mi po ɔ, imi Yawɛ, i be nike ní ɔmɛ kuae, se mohu ma ngɔ.

Efesobi 5:9

Ejakaa la kaa kikɛ nɛ ɔ he okadihi nɛ a naa ji kpakpa peemi, dami sane yemi, kɛ anɔkuale tumi.

Yohane 19:1

Kɛkɛ nɛ Pilato ngɔ Yesu, nɛ e ha a fia lɛ kpa;

Mose IV, 18:22

Kɛ je mwɔnɛ ɔ kɛ yaa a, Israel bi kpa amɛ ko hɛ mɛ kɛ su kpe he bo tsu ɔ he hu, bɔ nɛ pee nɛ a ko ba pee yayami nɛ a ba gbo.

Mose III, 22:9

“Osɔfo ɔmɛ tsuo nɛ a ye ye blɔ nya tomi ɔmɛ a nɔ. A ko ble a he. Ke a pee ja a, a pee yayami, nɛ a ma gbo. Imi ji Yawɛ nɛ tsukɔɔ a he ɔ nɛ.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Marko 15:15

Akɛnɛ Pilato ngɛ hlae nɛ e pee nɔ́ nɛ sa ma a hɛ mi he je ɔ, e ngmɛɛ Baraba he ha mɛ. Yesu ɔ lɛɛ e ha nɛ a fia lɛ kpa, nɛ e ngɔ lɛ ha a ya sɛu lɛ.

Abɛ Womi 20:30

Tue gblami nɛ nya wa tsakeɔ wa ní peemi ní yayamihi.

1 Korintobi 15:3

Sɛ gbi nɛ he hia pe kulaa nɛ imi hu i na a, i ngɔ ba ha nyɛ. Lɔ ɔ ji kaa Kristo gbo ngɛ wa he yayami ɔmɛ a he kaa bɔ nɛ ngmami ɔmɛ tsɔɔ ɔ.

Kolosebi 2:14

Wa he níhi nɛ a ngma kɛ si wɔ, kɛ nihi nɛ sa wɔ ngɛ mlaa a nya a, e gbe lɛ tsuo. E je nɔ́ nɛ ɔ se; ee, e ka ngɔ mɛtɛ sɛumi tso ɔ he.

Hebribi 10:5

Enɛ ɔ he je ɔ, benɛ Kristo ma je ɔ mi ɔ, e de Mawu ke, “Bɔ nɛ a sãã, kɛ nike ní ɔ, o hla we, se o ha mi nɔmlɔ tso.

Hebribi 10:10

Yesu Kristo pee Mawu suɔmi nya ní; e ngɔ e nɔmlɔ tso ɔ kɛ sã bɔ si kake too nyɔngloo, nɛ e kɛ je wɔ tsuo wa he yayami.

Mose I, 22:6

Abraham ngɔ lɛ́ ɔ nɛ a kɛ maa sã bɔ ɔ ngɔ tloo Isak, nɛ lɛ nitsɛ lɛɛ e hɛɛ ha kɛ nɔ́ nɛ a kɛ ma slɛ la a. Benɛ a nyɛɛ kɛ yaa a,