1 Petro 2:22 - BAIBLO ALOO NGMAMI KLƆUKLƆU Ɔ

²² E pee we yayami ko ɔ, lakpa ko hu ji e nya.

Somi He Ɔ

²² lɛ nɔ nɛ e pee we yayami nɛ jeha nɛ hu lakpa ko ji e nya mi ɔ,

1 Petro 2:22 ပူးပေါင်းရင်းမြစ်များ

Yesaya 53:9

E gbo ngɛ yayami peeli a kpɛti, nɛ a pu lɛ ngɛ niatsɛ ko yɔkɔ mi; se anɔkuale mi ɔ, e yi nɔ ko awi hyɛ, nɛ lakpa ko hu ji e nya hyɛ.”

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

1 Yohane 3:5

Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.

Kpojemi 14:5

A yi lakpa hyɛ; sé ko be a he.

1 Yohane 2:1

Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Luka 23:41

Wɔɔ lɛɛ wa nɔ́ ɔ sa wɔ; ejakaa níhi nɛ wa pee ɔ, a he hiɔwo nɛ wa na a nɛ. Se nyumu nɛ ɔ lɛɛ e pee we nɔ́ ko nɛ sɛ.”

Yohane 8:46

Nyɛ ti mɛnɔ ma nyɛ tsɔɔ kaa i pee yayami. Ke anɔkuale i tuɔ ɔ, lɛɛ mɛni he je nyɛ he we mi yi ɔ?

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Luka 23:47

Benɛ asafoatsɛ ɔ na nɔ́ nɛ ba a, e je Mawu yi, nɛ e de ke, “E ngɛ mi niinɛ kaa nyumu nɛ ɔ pee we nɔ́ ko nɛ sa gbenɔ!”

Mateo 27:19

Benɛ Pilato hii si ngɛ kojomi sɛ ɔ nɔ ɔ, e yo tsɔ nɔ kɛ sɛ gbi ba de lɛ ke, “Hyɛ, koo pee dalɔ nɛ ɔ yayami ko oo! Ejakaa i nla nlami basabasa ngɛ e he nyɔ nɛ ɔ mi, nɛ i hao wawɛɛ.”

Mateo 27:4

E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

La 34:13

Hyɛ nɛ o ko tu munyu nɛ sɛ́! Hyɛ nɛ o ko ye lakpa!