1 Petro 2:18 - BAIBLO ALOO NGMAMI KLƆUKLƆU Ɔ

¹⁸ Sɔmɔli, nyɛɛ ba nyɛ he si ha nyɛ nyɔmtsɛmɛ, nɛ nyɛɛ bu mɛ saminya; pi nihi nɛ a mi mi hi, nɛ a he jɔ kɛkɛ, se ni nɛmɛ nɛ waa nyɛ yi mi tete.

Somi He Ɔ

¹⁸ Sɔmɔli, nyɛɛ kɛ gbeye yemi tsuo nɛ ba nyɛ he si ha nyɛ nyɔmtsɛmɛ, pi nimli kpakpahi kɛ mi mi hili kɛkɛ, se mohu nimli yayamihi hulɔ.

1 Petro 2:18 ပူးပေါင်းရင်းမြစ်များ

Abɛ Womi 3:32

Ejakaa Yawɛ sume nimli yayamihi; nihi nɛ peeɔ nɔ́ nɛ da lɛ e kɛ bɔɔ.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Abɛ Womi 8:13

Ke nɔ ko ke e yeɔ Yawɛ gbeye ɔ, e sa kaa e kua yayami. Hewo, he tsɔɔmi, je mi bami yaya, kɛ lakpa a, i sume.

La 101:4

I be amimi yee, nɛ i kɛ yayami peeli hu be bɔe.

Tito 3:2

A ko tu nihi a he munyu yaya, nɛ a ko pɛ; se mohu a he nɛ jɔ, nɛ a tsɔ a hɛ mi ha nɔ tsuaa nɔ.

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

Abɛ Womi 11:20

Nihi nɛ a juɛmi mi hyi tɔ kɛ yayami ɔ, Yawɛ sume mɛ saasaa; nihi nɛ e suɔ ji ni nɛmɛ nɛ peeɔ nɔ́ nɛ da.

Abɛ Womi 10:32

Nihi nɛ peeɔ nɔ́ nɛ da a, a le nɔ́ nɛ sa nɛ a de. Se yayami peeli lɛɛ munyu nɛ puɛɔ nɔ́ lɛ a tuɔ.