1 Petro 2:16 - BAIBLO ALOO NGMAMI KLƆUKLƆU Ɔ

¹⁶ Nyɛɛ hi si kaa nihi nɛ ye a he, se nyɛ ko ngɔ he yemi nɛ ɔ kɛ pee yayami nɛ nyɛɛ laa nɔ. Mohu ɔ, nyɛɛ hi si kaa Mawu tsɔli.

Somi He Ɔ

¹⁶ Kaa sodehehi, se pi ninɛmɛ nɛ ngɔɔ odehe yemi nɛ ɔ kɛ peɔ yayami nɔ hami nɔ, se mohu kaa Mawu sɔmɔli.

1 Petro 2:16 ပူးပေါင်းရင်းမြစ်များ

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

1 Korintobi 7:22

Ejakaa nyɔguɛ nɛ Nyɔmtsɛ ɔ tsɛ lɛ ɔ ba peeɔ Nyɔmtsɛ ɔ nɔmlɔ nɛ ye e he. Jã kɛ̃ ke nɔ ko ye e he, nɛ Kristo tsɛ lɛ ɔ, e ba peeɔ Kristo nyɔguɛ.

Romabi 6:18

Mawu ha nyɛ ye nyɛ he kaa nihi nɛ kpa yayami peemi, nɛ nyɛ ba bɔni nɔ́ nɛ da peemi.

Galatabi 5:1

Wa ye wa he. Ee, Kristo ha wa ye wa he. Nyɛɛ da si kpitikplii, konɛ nɔ ko kó ye nyɛ nyɔguɛ hu.

Yakobo 1:25

Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

Yakobo 2:12

Nyɛ munyu tumi, kɛ nyɛ ní peepee tsuo nɛ tsɔɔ kaa mlaa nɛ haa wa yeɔ wa he ɔ nɛ a kɛ maa kojo wɔ.

Efesobi 6:6

pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Se mohu nyɛɛ je nyɛ tsui mi tɔɔ nɛ nyɛɛ pee nɔ́ nɛ Mawu suɔ, ejakaa Kristo nyɔguɛhi ji nyɛ.

2 Petro 2:19

A woɔ mɛ si ke a maa ye a he, be mi nɛ mɛ nitsɛmɛ a pee a he nyɔguɛhi kɛ ha níhi nɛ puɛɔ nɔ. Ejakaa nɔ́ tsuaa nɔ́ nɛ yeɔ nɔ ko nɔ ɔ, nɔ ɔ peeɔ nyɔguɛ ha jamɛ a nɔ́ ɔ.

Kolosebi 3:24

Nyɛ na nyɛɛ le kaa nike ní nɛ Mawu ngɔ to ha ni klɔuklɔu ɔmɛ ɔ, nyɛ nine maa su nyɛ hu nyɛ nɔ́ nɔ kaa nyɛ hiɔwo, ejakaa Nyɔmtsɛ Kristo nyɛ ngɛ sɔmɔe.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

1 Tesalonikabi 2:5

Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!

Yohane 15:22

Kaa i bɛ nɛ i kɛ mɛ ba tu munyu ɔ, jinɛ a ko yi fɔ kaa a pee yayami. Se jehanɛ lɛɛ a be nya jemi ko kulaa ngɛ yayami nɛ a pee ɔ he.