1 Petro 2:13 - BAIBLO ALOO NGMAMI KLƆUKLƆU Ɔ

¹³ Nyɔmtsɛ ɔ he ɔ, nyɛɛ ba nyɛ he si ha nɔ yemi tsuaa nɔ yemi ngɛ je nɛ ɔ mi, matsɛ nɛ ngɛ blɔ nya pe nihi tsuo,

Somi He Ɔ

¹³ Nyɛɛ ba nyɛ he si ha nimli a blɔ nya tomi tsuaa blɔ nya tomi, ngɛ Nyɔmtsɛ ɔ he, matsɛ nɔ nɛ yeɔ nɔ ɔ jio,

1 Petro 2:13 ပူးပေါင်းရင်းမြစ်များ

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

Luka 20:25

Yesu de mɛ ke, “Saminya! Nyɛɛ ngɔ Kaisare ɔ nɔ́ ngɔ ha Kaisare ɔ, nɛ nyɛɛ ngɔ Mawu nɔ́ ngɔ ha Mawu!”

Abɛ Womi 24:21

Ye bi, ye Yawɛ gbeye, nɛ o bu matsɛ. Nihi nɛ teɔ si kɛ woɔ mɛ ɔ, o kɛ jamɛatsɛmɛ ɔmɛ ko bɔ.

Yeremia 29:7

Ma a nɛ i ha nɛ a ngɔ nyɛ kɛ ya mi ɔ, nyɛ hla jamɛ a ma a nɔ yami. Nyɛɛ fa kue ha imi Yawɛ, konɛ ma na mɛ mɔbɔ; ejakaa ke a na a he ɔ, nyɛ hu e maa hi ha nyɛ.

Marko 12:17

Yesu he nɔ ke, “Nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.” Nɛ Yesu he pee mɛ nyakpɛ wawɛɛ nitsɛ.

Mateo 22:21

A he nɔ ke, “Kaisare ɔ.” Yesu de mɛ ke, “Lɛɛ nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.”

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

Efesobi 5:21

Nyɛɛ ba nyɛ he si ha nyɛ sibi kɛ tsɔɔ kaa nyɛ yeɔ Kristo gbeye.

Abɛ Womi 17:11

Nɔ́ nɛ nɔmlɔ yayami tsuɔ kɛkɛ ji kaa e tsɔ atuã. E kɛ tsɔlɔ yiwutsotsɛ lɛ ma ya kpe.

1 Petro 2:17

Nyɛɛ bu nɔ tsuaa nɔ; nyɛɛ suɔ nyɛmimɛ ɔmɛ nɛ ngɔ a he ngɔ ha Kristo ɔ; nyɛɛ ye Mawu gbeye, nɛ nyɛɛ bu matsɛ ɔ.